Եվրոպական խաղաղության գինը. Արցախը թողնվեց Ալիևի «տնօրինությանը», իսկ նա արհամարհեց Փաշինյանի մոտեցումները

Հայաստանն ու Ադրբեջանը ճանաչում են միմյանց տարածքային ամբողջականությունն ու ինքնիշխանությունը

Երեկ Պրահայում կայացավ Հայաստանի, Ադրբեջանի, Ֆրանսիայի և ԵԽ ղեկավարների հանդիպումը: Հանդիպման արդյունքով ընդունվել է հայտարարություն:

«Կովկասում կայուն խաղաղության համար այսօր երեկոյան Հայաստանն ու Ադրբեջանը վերահաստատել են իրենց հավատարմությունը ՄԱԿ-ի կանոնադրությանը և 1991թ. Ալմա-Աթայի հռչակագրին, որով նրանք փոխադարձաբար ճանաչում են իրենց տարածքային ամբողջականությունն ու ինքնիշխանությունը: Հայաստանը համաձայնում է նպաստել Եվրամիության քաղաքացիական առաքելության ստեղծմանը Ադրբեջանի հետ սահմանի երկայնքով, որը համաձայնում է համագործակցել։ Այս առաքելության նպատակը վստահության ձևավորումն ու ներդրումն է սահմանային հանձնաժողովներում», -սա երեկ Պրահայի բանակցությունների արդյունքն է, որն ամփոփել է Ֆրանսիայի նախագահ Էմանուել Մակրոնը իր ֆեյսբուքյան էջում։

Հայաստանի կառավարությունն էլ տարածել է հաղորդագրությունը՝ երեկվա քառակողմ բանակցությունների վերաբերյալ, որում ֆիքսվել է, որ Հայաստանն ու Ադրբեջանը հաստատեցին իրենց հանձնառությունը ՄԱԿ-ի կանոնադրությանը և 1991թ. Ալմա-Աթայի Հռչակագրին, որոնց միջոցով երկու կողմերն էլ ճանաչում են միմյանց տարածքային ամբողջականությունն ու ինքնիշխանությունը: Նրանք հաստատեցին, որ դա հիմք կհանդիսանա սահմանազատման հարցերով հանձնաժողովների աշխատանքների համար, և որ այդ հանձնաժողովների հաջորդ նիստը կկայանա Բրյուսելում, մինչև հոկտեմբերի վերջ:

Երևանն իր համաձայնությունը հայտնեց՝ աջակցելու ԵՄ քաղաքացիական առաքելությանը Ադրբեջանի հետ սահմանի երկայնքով: Ադրբեջանը համաձայնեց համագործակցել նշյալ առաքելության հետ այնքանով, որքանով որ առնչություն կունենա: Առաքելությունն իր աշխատանքները կսկսի հոկտեմբերին, առավելագույնը երկու ամիս ժամկետով: Առաքելության նպատակը կլինի վստահության կառուցումը, և իր զեկույցների միջոցով, սահմանային հանձնաժողովներին աջակցելը:

Ավելի ուշ Նիկոլ Փաշինյանը թվիթերում հայտնեց. «Պրահայում ես ևս մեկ անգամ հաստատեցի մեր առաջարկը բոլոր տարածաշրջանային հաղորդակցությունների ապաշրջափակման վերաբերյալ։ Ադրբեջանը կրկին դրական չի արձագանքել: Կրկնում եմ՝ Հայաստանը պատրաստ է բոլոր տարածաշրջանային հաղորդակցությունների ապաշրջափակմանը` հարգելով մեր ինքնիշխանությունը և օրենսդրությունը»:

Այսպես, Հայաստանն ու Ադրբեջանը ճանաչում են միմյանց տարածքային ամբողջականությունը, բացի այդ՝ տեղակայվելու է ԵՄ քաղաքացիական առաքելություն:

Բայց սա տեղի է ունենում այն պայմաններում, երբ Փաշինյանն անձամբ է արձանագրում, որ իր առաջարկը՝ բոլոր տարածաշրջանային հաղորդակցությունների ապաշրջափակման վերաբերյալ՝ Ալիևը արհամարհել է:

Ալիևի սպառնալիքները շարունակվում են 

Իսկ Ալիևի սպառնալիքների շարանը շարունակվեց հենց երեկվանից՝ Միշելի ու Մակրոնի մասնակցությամբ բանակցությունների ավարտից անմիջապես հետո:

Ահա այդ շարանը ինչպես է ծավալվում...

Ալիևը, նախ խորամանկորեն՝ գնահատել է Միշելի ու Մակրոնի ջանքերը, ու նշել է, թե՝ «ամեն անգամ մենք մոտենում ենք խաղաղությանը», ապա հայտնել է, որ Հայաստանի հետ խաղաղության պայմանագիրը կարող է ստորագրվել մինչև տարեվերջ:
Բայց, բնականաբար՝ նախապայման է դրել. «Եթե հայկական կողմը կամք ունենա, խաղաղության պայմանագիրը կարող է ստորագրվել մինչև տարեվերջ: Ժամանակը գնում է: Չնայած ԱԳՆ ղեկավարների առաջին հանդիպումը հաջողություն չունեցավ, ես կարծում եմ, որ այն դրական քայլ էր: Կարծում եմ՝ եթե առաջիկայում որոշում կայացվի, եթե կողմերն աշխատանքային խմբի շրջանակում սկսեն աշխատանքը խաղաղության պայմանագրի տեքստի շուրջ, ապա մինչև տարեվերջ մենք կարող ենք հանգել պայմանավորվածությունների»,- ասել է Ալիևը Պրահայում ադրբեջանական հեռուստաալիքների հետ զրույցում: Նրա խոսքով՝ ո՛չ Հայաստանը, ո՛չ ԵՄ-ը հարցեր չունեն խաղաղության պայմանագրի համար Ադրբեջանի առաջարկած հինգ հիմնարար սկզբունքների շուրջ: «Այսօր Ֆրանսիայի նախագահի հետ հանդիպման ընթացքում ես տեսա, որ այդ հինգ սկզբունքներն ընդունելի են: Դա բնական է, քանի որ մենք ոչ մի նոր բան չենք հնարում: Դրանք այն սկզբունքներն են, որոնց վրա հենվում են երկրները, երբ փորձում են կարգավորել հարաբերությունները»,- ասել է Ալիևը:

Այսինքն, Փաշինյանը խոսում է, որ Ալիևը իր առաջարկները արհամարհել է, մինչդեռ Ալիևն ասում է, թե Պրահայում ընդունել են իր առաջարկած սկզբունքները:

Այնուհետև սկսում են սպառնալիքներն՝ արդեն ուղղված Հայաստանին...

Ալիևը հայտնել է, որ Պրահայում տեղի ունեցած հանդիպմանը չի հաջողվել պատասխան ստանալ Փաշինյանից հաղորդակցությունների բացման շրջանակում ավտոճանապարհային երթուղիների վերաբերյալ: «Հաղորդակցությունների բացումը խաղաղության պայմանագրի մաս չէ: Ըստ էության, այն արդեն պետք է տեղի ունեցած լիներ, քանի որ դա 2020թ. նոյեմբերի 10-ի պայմանագրով Հայաստանի ստանձնած պարտավորությունն է, որը, սակայն, մինչ այժմ չի կատարվել»,- ասել է Ալիևը Պրահայում ադրբեջանական հեռուստաալիքներին տված հարցազրույցում: Ալիևը նշել է, որ «ցավոք, երբ ես դիմեցի Հայաստանի վարչապետին՝ առաջարկելով ի վերջո ներկայացնել ավտոճանապարհների երթուղին, կրկին չկարողացա նրանից պատասխան ստանալ»:

«Դա արդեն ծիծաղելի չէ: Բոլորը գիտեն՝ որտեղով պետք է անցնեն երկաթուղային և ավտոճանապարհները: Մենք չենք հասկանում՝ ինչու մեզ չեն ցանկանում սեփական կամքով անցում տրամադրել դեպի Նախիջևան: Սեփական պարտավորությունները խախտելը, իհարկե, ամոթալի փաստ է: Բայց մենք առայժմ ցուցաբերում ենք համբերություն և զսպվածություն: Համոզված եմ, որ մենք կհասնենք ցանկալիին. լավ կլիներ, որ դա տեղի ունենար ոչ թե ուշ, այլ շուտ»,- ասել է Ալիևը:

Ապա Ալիևը սպառնացել է, որ հայկական զինված ուժերը պետք է դուրս բերվեն Արցախից: «Հայկական զինված ուժերը մինչ օրս դեռ դուրս չեն բերվել մեր տարածքից: Մենք պահանջում ենք դա: Ճիշտ է, նրանց մի մասը դուրս է բերվել, բայց նրանք դեռ ներկա են մեր հողում, և մենք սպասում ենք, որ դրան պետք է վերջ դրվի»,- ասել է Ալիևը Պրահայում ադրբեջանական հեռուստաալիքներին տված հարցազրույցում: Նա նաև նշել է, որ այսօրվա դրությամբ միջազգային հանրությունն արդեն գիտակցում է, որ Ղարաբաղն Ադրբեջանի անբաժան մասն է: «Այսօր միջազգային հանրությունը ոչ միայն հասկանում է, այլև բարձրաձայնում է այն ճշմարտությունը, որ Ղարաբաղն Ադրբեջան է: Ղարաբաղում ապրող հայերը մեր քաղաքացիներն են, և մենք չենք պատրաստվում նրանց ճակատագիրը և նրանց հետագա կյանքը քննարկել որևէ երկրի, այդ թվում Հայաստանի հետ: Դա մեր ներքին գործն է»,- ասել է Ալիևը: Ալիևի խոսքով՝ «Ադրբեջանի Ղարաբաղ շրջանում ապրող հայերը» կունենան նույն իրավունքները, ինչ երկրի մյուս քաղաքացիները: «Ամեն դեպքում նրանք կարող են վստահ լինել, որ նրանց ինտեգրված կյանքն ադրբեջանական հասարակությունում շատ ավելի լավը կլինի, քան ներկայիս կյանքը»,- ասել է նա:

Ինչ վերաբերում է հայ-թուրքական կարգավորման գործընթացին, ապա Ալիևն այստեղ էլ ասելիք ունի...

Ալիևը մի կողմից նշել է, թե Բաքուն սատարում է հարաբերությունների կարգավորման գործընթացը Հայաստանի և Թուրքիայի միջև՝ հստակեցնելով, որ այդ գործընթացը և հայ-ադրբեջանական կարգավորման գործընթացը միմյանց փոխլրացնող գործընթացներ են, գործոն, որը կարող է նպաստել աշխարհում և տարածաշրջանում խաղաղության և անվտանգության հաստատմանը:

Ի դեպ, Ալիևը նաև կարևորել է Ադրբեջան-Վրաստան-Հայաստան միասնական հարթակի ստեղծումը՝ հանուն Հարավային Կովկասում խաղաղության ապահովման: Նրա կարծիքով՝ այդ հարթակում հնարավոր կլինի քննարկել էներգետիկայի, հաղորդակցությունների և այլ ոլորտներին առնչվող հարցեր, որոնք փոխադարձ հետաքրքրություն են ներկայացնում:

Այսպես, ի՞նչ ունենք երեկվա քառակողմ բանակցությունների արդյունքում: Այն, որ Փաշինյանը համաձայնություն է տվել Հայաստան-Ադրբեջան եվրոպական ծրագրին, որտեղ Լեռնային Ղարաբաղի ճակատագրի մասին ոչինչ հայտնի է, այն թողնվել է Ալիևի «տնօրինությանը», ու դեռ այս ամենին գումարած՝ Ալիևը առաջ է շարժվում իր օրակարգով ու նպատակներով՝ արհամարհելով Փաշինյանի պատկերացրած խաղաղության բոլոր դրվագները:

Մետաքսյա Շալունց

դիտվել է 1707 անգամ
Լրահոս
Սկսում ենք ընկնել ընդդիմության ետևից՝ բա դուք ո՞ւր եք, շուտ արեք, սրանց հեռացրեք՝ Ղարաբաղից յան են տվել․ Սևակ Հակոբյան «Ի պատասխան ընդերքի և բնապահպանական հարցերի վերաբերյալ ադրբեջանական շահարկումների»․ ԱՀ բնապահպանության կոմիտեի հայտարարությունը Երևանի Սիլիկյան թաղամասում ավտոմեքենան կամրջից շրջվել է․ կա տուժած Ադրբեջանի Պաշտպանության նախարարությունը տարածել է հերթական ապատեղեկատվությունը. Պաշտպանության բանակ Տարադրամի փոխարժեքները Մենք ապրում ենք մեր դարավոր պատմության ամենադաժան ժամանակահատվածը. Թովմասյան (լուսանկար) Ստեփանակերտ տանող ճանապարհի փակումը ռուս խաղաղապահներին Արցախից հանելու նպատակ ունի. Գևորգյան Մի շարք հասցեներում լույս չի լինի Կիևում անջատվել է էլեկտրաէներգիան Հանրապետության հրապարակում և Մարզահամերգային համալիրում ոստիկանությունը մետաղորսիչների միջոցով ստուգելու է քաղաքացիներին և նրանց իրերը Դուք հաղթելու եք այս կռվում, մի քիչ դիմանալ է պետք. Գեղամ Մանուկյան Խրախճանք` ժանտախտի ժամանակ. սա՛ է այս իշխանությունների որդեգրած քաղաքականությունը․ Հռիփսիմե Ստամբուլյան Եվրոպան՝ առանց ռուսական նավթի Ինչպես էին ադրբեջանցիները փակել Ստեփանակերտ-Գորիս ճանապարհը (տեսանյութ) 76-ամյա տղամարդը ձերբակալվել է՝ որդու և հարսի նկատմամբ սպանության փորձ կատարելու կասկածանքով Դիլիջանի ՔՊ-ական համայնքապետը շարունակում է ձեւական աճուրդներով, շուկայականից էժան գներով համայնքի հողերն օտարել Երեւանի բնակիչների Իրանը կոչ է արել ամրապնդել կապերը Ռուսաստանի հետ Հանրապետության առանձին շրջաններում սպասվում է ձյուն Ու երբ բացեն ճանապարհը, չմոռանաք կարևոր հարց տալ.ինչի դիմաց Պեմզաշենի դեպքով կալանավորվածներից մեկը փորձել է ինքնասպան լինել Առաջիկա երկու օրերին երեւանցիներն ավտոբուսներում եւ միկրոավտոբուսներում ավելի են կծկվելու,նսեմանալու Հայաստանում մոտ 1.5 միլիոն քաղաքացի համարվում է աղքատ, իսկ թերսնվածների թիվը կրկնապատկվել է ԵԽ պատգամավորը ԵՄ-ին առաջարկում է որպես Ադրբեջանին զսպող առաջնային քայլ հրաժարվել գազային գործարքից Դեռ ավելի վատ է լինելու, քանի դեռ Հայաստանում իշխում են դե-ֆակտո օկուպացիոն ուժեր, որոնք չեն սպասարկում մեր ազգային շահերը․ Էլբակյան Ինչի դիմաց են թուրքերը համաձայնել բացել ճանապարհը
Ամենաընթերցվածները
Շուտով
Դեկտեմբերի 5-ին, ժամը 13:30-ին, Հայելի ակումբի հյուրն է քաղաքագետ Սերգեյ Շաքարյանցը Դեկտեմբերի 5-ին, ժամը 12:00-ին, Հայելի ակումբի հյուրն է Դեմոկրատական կուսակցության նախագահ Արամ Գասպարի Սարգսյանը: Դեկտեմբերի 5-ին, ժամը 16:30-ին Հայելի ակումբի հյուրն է քաղաքագետ Հայկ Նահապետյանը Դեկտեմբերի 5-ին, ժամը 14:00-ին Հայելի ակումբի հյուրն է Ռուբեն Հակոբյանը Դեկտեմբերի 5-ին, ժամը 15:00-ին Հայելի ակումբի հյուրն է Էդգար Ղազարյանը Դեկտեմբերի 3-ին՝ ժամը 12:00-ին, «Հենարան» մամուլի ակումբում կհյուրընկալվի ՀՀԿ խորհրդի անդամ Հայկ Դերզյանը: ԹԵՄԱ՝ սահմանային լարվածություն. նոր պատերազմի ռիսկերը. ներքաղաքական զարգացումներ: Դեկտեմբերի 2-ին, ժամը 16:30-ին Հայելի ակումբի հյուրն է ՍԱՊԾ նախկին նախագահ Գրիգոր Գրիգորյանը։ Դեկտեմբերի 2-ին, ժամը 15:00-ին Հայելի ակումբի հյուրն է Ադրբեջանի հարցերով փորձագետ Գառնիկ Դավթյանը: Դեկտեմբերի 2-ին, ժամը 13:00-ին Հայելի ակումբի հյուրն է հոգեբան Կարինե Նալչաջյանը Դեկտեմբերի 2-ին, ժամը 12:00-ին Հայելի ակումբի հյուրն է պահեստազորի սպա Վոլոդյա Հովհաննիսյանը
Հետևեք մեզ Facebook-ում https://www.facebook.com/hayeliclub