Պուտինը Փաշինյանից իր առաջարկի պատասխանն է լսելու. Փաշինյանը Մոսկվայի հետ բացել է առճակատման նոր դաշտ

Խաղաղության պայմանագրի շուրջ Ռուսաստանի համապարփակ առաջարկները փոխանցվել են Հայաստանին ու Ադրբեջանին, երեկ ճեպազրույցում հայտնեց Ռուսաստանի ԱԳՆ պաշտոնական ներկայացուցիչ Մարիա Զախարովան: Նա նշել է, որ Մոսկվան համալիր աջակցություն է ցուցաբերում իր դաշնակից երկու պետությունների միջև կարգավորման գործընթացին, այդ թվում՝ խաղաղության պայմանագրի նախապատրաստում: «Մեր համապարփակ առաջարկները փոխանցվել են Երևանին ու Բաքվին: Ինչպես մենք արդեն հայտնել ենք, ԱԳՆ հատուկ ներկայացուցիչ Իգոր Խովաևը մի շարք այցեր է իրականացրել տարածաշրջան` այդ թեմայի շուրջ խորհրդակցությունների համար: Մասնավորապես, նման այցեր տեղի են ունեցել սեպտեմբերին: Նրանք, ովքեր փորձում են կասկածի տակ դնել մեր դերակատարությունը և խոսել մեր անգործության մասին, իմ կարծիքով ցանկալին ներկայացնում են որպես իրականություն»,- ասել է Զախարովան:

Նա նշել է, որ Ռուսաստանը զբաղվում է գործնական աշխատանքով, և դա անում է հստակ արդյունքներ գրանցելու համար: Նրա խոսքով` Ռուսաստանը չի զբաղվում գովազդային գործունեությամբ, որի տակ ոչինչ չկա: «Մենք գործում ենք հակառակ կերպով. պատմում ենք այն մասին, թե ինչ է հաջողվել անել: Հաշվի առնելով խաղաղության պայմանագրի թեմայի բարձր զգայունությունը` անկեղծ ասած, մենք նպատակահարմար չենք համարում դրա մանրամասների հանրային մեկնաբանությունը: Ինչ վերաբերում է Բաքվի ու Երևանի դիրքորոշմանը, առավել ևս, այդ հարցերը նրանց ուղղեք: Բայց մենք միտված ենք արդյունքի»,- ասել է Զախարովան:

Ու մինչ երեկ Պրահայում Փաշինյանը՝ Մակրոնի ու Միշելի միջնորդությամբ պատրաստվում էր հանդիպել Ալիևին ու ընդունել բրյուսելյան առաջարկները՝ Զախարովան նրբորեն ակնարկեց, որ Հայաստանի և Ադրբեջանի միջև խաղաղության համաձայնագրի կնքման արևմտյան մոտեցումներն այնքան էլ հավասարակշռված չեն...

Ի՞նչ է սա նշանակում: Փաշինյանը բացել է առճակատման նոր դաշտ՝ խաղալով Մոսկվայի ու Բրյուսելի միջև:

«Ինչ վերաբերում է Ադրբեջանի և Հայաստանի միջև խաղաղության համաձայնագրին առնչվող արևմտյան մոտեցումներին, ապա, մեր կարծիքով, դրանք այնքան էլ հավասարակշռված չեն թվում, և, անկեղծ ասած, չեմ էլ ուզում խոսել որոշ արևմտյան միջնորդների դերի մասին, քանի որ նրանց անհնար է անվանել խաղաղության միջնորդներ»,- բառացիորեն ասել է Զախարովան ՝ առանց հստակեցնելու Մոսկվային չգոհացնող մոտեցումների էությունը։

Մինչդեռ, ինչպես շարունակել է նա, Մոսկվայի մոտեցումը շատ հստակ է՝ աշխարհաքաղաքականությունը ենթադրում է նաև խաղի, մանևրելու տարր, բայց Մոսկվան դեմ է աշխարհաքաղաքական ինտրիգներին, որոնք հանգեցնում են «իրավիճակի վտանգավոր խաթարման»:

Սրանք շատ վտանգավոր հայտարարություններ են: Փաշինյանը արդեն խաղում է «կրակի» հետ:

Հիմա, Զախարովան հստակ հայտնել է, որ Մոսկվան Երևանին և Բաքվին է փոխանցել սեփական առաջարկները։ Այսօր Փաշինյանն արդեն իսկ մեկնել է Ռուսաստանի Դաշնություն՝ Սանկտ Պետերբուրգ, որտեղ այսօր կմասնակցի ԱՊՀ երկրների ղեկավարների ոչ պաշտոնական հանդիպմանը:

Ի՞նչ է նա պատասխանելու Պուտինին՝ իրեն փոխանցված ռուսական առաջարկների մասով:

Մյուս կողմից, հայտնի է, որ ՀԱՊԿ գլխավոր քարտուղար Ստանիսլավ Զասը զեկուցել է Փաշինյանին Հայաստանի ու Ադրբեջանի սահմանի առանձին շրջաններում առաջացած լարվածության թուլացման վերաբերյալ առաջարկությունները, որոնք ՀԱՊԿ միացյալ շտաբը պատրաստվում է մշակել: Օրեր առաջ այս մասին ասաց Հայաստանում Ռուսաստանի դեսպան Սերգեյ Կոպիրկինը:

ՀԱՊԿ առաքելության շրջանակներում պետք է մշակվեր Հայաստանի ու Ադրբեջանի սահմանի առանձին շրջաններում առաջացած լարվածության թուլացման վերաբերյալ առաջարկություններ: Լրագրողի հարցին, թե ի՞նչ փուլում է գործընթացը և ե՞րբ տեսանելի կլինեն արդյունքները, Կոպիրկինը պատասխանեց, որ նախորդ շաբաթ կրկին Հայաստան էր ժամանել ՀԱՊԿ գլխավոր քարտուղար Ստանիսլավ Զասը և հանդիպել ՀՀ վարչապետ Նիկոլ Փաշինյանի հետ: «Ինչպես ինձ հայտնի է, նա զեկուցել է այն առաջարկությունները, որոնք ՀԱՊԿ միացյալ շտաբը մտադրվում է մշակել ՀԱՊԿ անդամ երկրների ղեկավարների ուսումնասիրության համար: Կարծում եմ՝ խոսքն այն կոնկրետ քայլերի մասին է, որոնք պետք է գործնականում ցույց տան Կազմակերպության ներկայությունը և դերը այս տարածաշրջանում»,- նշել էր Կոպիրկինը:

Իսկ սեպտեմբերի 29-ին վարչապետ Նիկոլ Փաշինյանն ընդունել էր Հավաքական անվտանգության պայմանագրի կազմակերպության գլխավոր քարտուղար Ստանիսլավ Զասին: Կառավարության տարածած հաղորդագրության մեջ նշվել է, որ ՀԱՊԿ գլխավոր քարտուղարը ներկայացրել էր Հայաստանում ՀԱՊԿ մոնիտորինգային առաքելության օպերատիվ խմբի աշխատանքի մասին տեղեկատվություն:

Պուտինն այսօր Փաշինյանից պատասխաններ է լսելու, ընդ որում՝ մի քանի թեմաներով:

Մետաքսյա Շալունց

դիտվել է 6809 անգամ
Լրահոս
Սկսում ենք ընկնել ընդդիմության ետևից՝ բա դուք ո՞ւր եք, շուտ արեք, սրանց հեռացրեք՝ Ղարաբաղից յան են տվել․ Սևակ Հակոբյան «Ի պատասխան ընդերքի և բնապահպանական հարցերի վերաբերյալ ադրբեջանական շահարկումների»․ ԱՀ բնապահպանության կոմիտեի հայտարարությունը Երևանի Սիլիկյան թաղամասում ավտոմեքենան կամրջից շրջվել է․ կա տուժած Ադրբեջանի Պաշտպանության նախարարությունը տարածել է հերթական ապատեղեկատվությունը. Պաշտպանության բանակ Տարադրամի փոխարժեքները Մենք ապրում ենք մեր դարավոր պատմության ամենադաժան ժամանակահատվածը. Թովմասյան (լուսանկար) Ստեփանակերտ տանող ճանապարհի փակումը ռուս խաղաղապահներին Արցախից հանելու նպատակ ունի. Գևորգյան Մի շարք հասցեներում լույս չի լինի Կիևում անջատվել է էլեկտրաէներգիան Հանրապետության հրապարակում և Մարզահամերգային համալիրում ոստիկանությունը մետաղորսիչների միջոցով ստուգելու է քաղաքացիներին և նրանց իրերը Դուք հաղթելու եք այս կռվում, մի քիչ դիմանալ է պետք. Գեղամ Մանուկյան Խրախճանք` ժանտախտի ժամանակ. սա՛ է այս իշխանությունների որդեգրած քաղաքականությունը․ Հռիփսիմե Ստամբուլյան Եվրոպան՝ առանց ռուսական նավթի Ինչպես էին ադրբեջանցիները փակել Ստեփանակերտ-Գորիս ճանապարհը (տեսանյութ) 76-ամյա տղամարդը ձերբակալվել է՝ որդու և հարսի նկատմամբ սպանության փորձ կատարելու կասկածանքով Դիլիջանի ՔՊ-ական համայնքապետը շարունակում է ձեւական աճուրդներով, շուկայականից էժան գներով համայնքի հողերն օտարել Երեւանի բնակիչների Իրանը կոչ է արել ամրապնդել կապերը Ռուսաստանի հետ Հանրապետության առանձին շրջաններում սպասվում է ձյուն Ու երբ բացեն ճանապարհը, չմոռանաք կարևոր հարց տալ.ինչի դիմաց Պեմզաշենի դեպքով կալանավորվածներից մեկը փորձել է ինքնասպան լինել Առաջիկա երկու օրերին երեւանցիներն ավտոբուսներում եւ միկրոավտոբուսներում ավելի են կծկվելու,նսեմանալու Հայաստանում մոտ 1.5 միլիոն քաղաքացի համարվում է աղքատ, իսկ թերսնվածների թիվը կրկնապատկվել է ԵԽ պատգամավորը ԵՄ-ին առաջարկում է որպես Ադրբեջանին զսպող առաջնային քայլ հրաժարվել գազային գործարքից Դեռ ավելի վատ է լինելու, քանի դեռ Հայաստանում իշխում են դե-ֆակտո օկուպացիոն ուժեր, որոնք չեն սպասարկում մեր ազգային շահերը․ Էլբակյան Ինչի դիմաց են թուրքերը համաձայնել բացել ճանապարհը
Ամենաընթերցվածները
Շուտով
Դեկտեմբերի 5-ին, ժամը 13:30-ին, Հայելի ակումբի հյուրն է քաղաքագետ Սերգեյ Շաքարյանցը Դեկտեմբերի 5-ին, ժամը 12:00-ին, Հայելի ակումբի հյուրն է Դեմոկրատական կուսակցության նախագահ Արամ Գասպարի Սարգսյանը: Դեկտեմբերի 5-ին, ժամը 16:30-ին Հայելի ակումբի հյուրն է քաղաքագետ Հայկ Նահապետյանը Դեկտեմբերի 5-ին, ժամը 14:00-ին Հայելի ակումբի հյուրն է Ռուբեն Հակոբյանը Դեկտեմբերի 5-ին, ժամը 15:00-ին Հայելի ակումբի հյուրն է Էդգար Ղազարյանը Դեկտեմբերի 3-ին՝ ժամը 12:00-ին, «Հենարան» մամուլի ակումբում կհյուրընկալվի ՀՀԿ խորհրդի անդամ Հայկ Դերզյանը: ԹԵՄԱ՝ սահմանային լարվածություն. նոր պատերազմի ռիսկերը. ներքաղաքական զարգացումներ: Դեկտեմբերի 2-ին, ժամը 16:30-ին Հայելի ակումբի հյուրն է ՍԱՊԾ նախկին նախագահ Գրիգոր Գրիգորյանը։ Դեկտեմբերի 2-ին, ժամը 15:00-ին Հայելի ակումբի հյուրն է Ադրբեջանի հարցերով փորձագետ Գառնիկ Դավթյանը: Դեկտեմբերի 2-ին, ժամը 13:00-ին Հայելի ակումբի հյուրն է հոգեբան Կարինե Նալչաջյանը Դեկտեմբերի 2-ին, ժամը 12:00-ին Հայելի ակումբի հյուրն է պահեստազորի սպա Վոլոդյա Հովհաննիսյանը
Հետևեք մեզ Facebook-ում https://www.facebook.com/hayeliclub