Պուտինը ներկայացրել է պայմանագիրը
ՌԴ նախագահ Վլադիմիր Պուտինը Պետդումայի վավերացմանն է ներկայացրել ինքնահռչակ Դոնեցկի և Լուգանսկի Ժողովրդական Հանրապետությունները, ինչպես նաև Խերսոնի և Զապորոժիեի մարզերը Ռուսաստանի կազմ ընդունելու մասին պայմանագրերը։ Փաստաթղթերի փաթեթը հրապարակվել է Պետդումայի էլեկտրոնային տվյալների բազայում, գրում է ՏԱՍՍ-ը:
Բոլոր չորս նախագծերում առաջարկվում է «վավերացնել ԴԺՀ-ի, ԼԺՀ-ի, Խերսոնի և Զապորոժիեի մարզերի Ռուսաստանի Դաշնության կազմ ներառելու և նոր սուբյեկտների ձևավորման մասին համաձայնագիրը»: Համապատասխան փաստաթղթերը ստորագրվել են Մոսկվայում սեպտեմբերի 30-ին։