Հարցրեց, շշպռեց... Ու սեղանը շրջեց

Նիկոլ Փաշինյանն այնքան է ուզում Ալիևից պատասխան լսել՝ ՀՀ սահմանների ու տարածքային ամբողջականության վերաբերյալ, որ կրկնել է իր հարցը:

Փաշինյանը թվիթերում գրել է, որ Ադրբեջանի նախագահին ուղղված իր հարցին դրական արձագանք չկա: Նա հիշեցրել է, որ ՄԱԿ-ում իր ելույթում պարզ հարց է հնչեցրել` արդյո՞ք Ադրբեջանը ճանաչում է Հայաստանի տարածքային ամբողջականությունն իր միջազգայնորեն ճանաչված սահմաններում: «Եթե այո, մենք կարող ենք շարունակել խաղաղության պայմանագիրը։ Ցավոք սրտի, դրական արձագանք չկա։ Հարցն այն է, թե ինչու», -գրել է Փաշինյանը:

Իսկ որ՝ «դրական արձագանք չկա», դա նշանակո՞ւմ է, որ Փաշինյանը չի՞ բանակցելու Ադրբեջանի հետ, հրաժարվո՞ւմ է ադրբեջանական կողմի հետ բանակցություններից...
Կապրենք, կտեսնենք:

Հիշեցնենք, որ Փաշինյանը ՄԱԿ-ի ամբիոնն օգտագործեց, որպեսզի խոսի Ադրբեջանի հետ հարաբերություններից, պնդելով, որ Հայաստանը խաղաղություն է ուզում, իսկ այ Ադրբեջանը ոչ...

Իսկ դա նորությո՞ւն է... Իսկ երբ չի այդպես եղել... 90-ականների պատերազմն էլ սկսել է Ադրբեջանը, և այդպես շարունակվում է: Հիմա հանկարծ ՄԱԿ-ի ամբիոնից աշխարհին ասել՝ Բաքուն մտադիր է Հայաստանից նորանոր տարածքներ գրավել, բայց միաժամանակ սպասել, որ Ալիևը պետք է ճանաչի ՀՀ տարածքային ամբողջականությունը, միամտություն չէ՞...

Իսկ Բաքուն ու Անկարան այս օրերին անուղղակիորեն արդեն իսկ պատասխանում են Փաշինյանի ՄԱԿ-ի ամբիոնից հնչեցված հարցերին՝ անուղղակիորեն:

Ադրբեջանի ԱԳ նախարար Ջեյհուն Բայրամովը, ելույթ ունենալով ՄԱԿ-ի Գլխավոր ասամբլեայի նստաշրջանում, Հայաստանի վարչապետի ելույթը որակել է «ապացույց նրա, որ հայկական կողմը մտադիր է նորմալացման փոխարեն շարունակել առճակատումը»:
Այսինքն, որքան շատ է Փաշինյանը խոսում խաղաղության պատրաստակամության մասին, Բաքուն այնքան ավելի է Երևանին մեղադրում «առճակատման գնալու» մեջ և սպառնում:

Ադրբեջանի արտգործնախարար Ջեյհուն Բայրամովը հայտարարել է, թե հույս ունեն` Երևանը կդրսևորի կառուցողականություն և կմիանա բանակցություններին, հաղորդում են ադրբեջանական լրատվամիջոցները: Ելույթ ունենալով ՄԱԿ-ի Գլխավոր ասամբլեայի նստաշրջանում` Բայրամովը այս նույն ամբիոնից Հայաստանի վարչապետի ելույթը որակել է որպես «ապացույց նրա, որ հայկական կողմը մտադիր է նորմալացման փոխարեն շարունակել առճակատումը»:

Ադրբեջանական լրատվամիջոցների փոխանցմամբ` Ադրբեջանի ԱԳ նախարարը հույս է հայտնել, որ Հայաստանի ներկայիս ղեկավարությունը «չի գնում իր նախորդների ճանապարհով՝ միտումնավոր ևս մեկ անգամ փակելով տարածաշրջանում խաղաղության և անվտանգության հնարավորությունների պատուհանը»։

Իսկ Փաշինյանը, հիշեցնենք, ՄԱԿ-ում ասաց` պատրաստ է ճանաչել Ադրբեջանի տարածքային ամբողջականությունը, եթե Բաքուն էլ ճանաչի Հայաստանինը՝ միջազգայնորեն ընդունված սահմաններում։ Ընդ որում, այս հայտարարությունը նա առաջին անգամ չէր անում: «Մենք վճռական ենք խաղաղություն կերտել տարածաշրջանում, բայց մեզ պետք է միջազգային հանրության լիարժեք աջակցությունը, որը կանգնած կմնա ինքնիշխան ու ժողովրդավար պետության կողքին», - ասել էր նա երկու օր առաջ։

Ադրբեջանի ԱԳ նախարարը ևս խոսել է տարածքային ամբողջականության մասին, սակայն սպառնալով, որ իր երկիրը ճնշելու է և «հաստատակամ է հետագայում էլ հետ մղել իր ինքնիշխանությանն ու տարածքային ամբողջականությանը, իր քաղաքացիների անվտանգությանը սպառնացող ցանկացած սպառնալիք», ավելին` կոչ է արել Հայաստանին զերծ մնալ իրավիճակի հետագա սրումից: Ապա` վերստին հավաստիացրել է, թե Բաքուն պատրաստ է «խաղաղության պայմանագրի» շուրջ բանակցություններ սկսել:

Նրա խոսքով` սեպտեմբերի 12-14-ի մարտական գործողությունների հետևանքով Ադրբեջանը 80 զոհ ունի, շուրջ 300 վիրավոր, ինչպես նաև «զգալի վնաս է կրել ռազմական ենթակառուցվածքը»։

Ի դեպ, Բայրամովն ասել է, որ սեպտեմբերի 14-ին հրադադար է հաստատվել երկու երկրների միջև ուղիղ կապի ուղիներով:

Ադրբեջանի ԱԳ նախարարը հերթական անգամ հիշատակել է հայկական կողմից մերժվող այսպես կոչված` «Զանգեզուրի միջանցքը»: «Ադրբեջանը ջանքեր է գործադրել Հայաստանի և Ադրբեջանի միջև պետական սահմանների սահմանազատման և սահմանազատման գործընթաց սկսելու, տրանսպորտային և հաղորդակցության ուղիների ապաշրջափակման, այդ թվում՝ միջազգային տրանսպորտային ցանցի մաս կազմող Զանգեզուրի միջանցքի ստեղծման ուղղությամբ»,- նշել է նա։

Սպառնալիքների շարանը շարունակել է Թուրքիայի ԱԳ նախարարը...

Հայաստանը պետք է ստորագրի Ադրբեջանի առաջարկած խաղաղության պայմանագիրը: Այս մասին, ըստ թուրքական լրատվամիջոցների, ասել է Թուրքիայի արտգործնախարար Մևլութ Չավուշօղլուն՝ ելույթ ունենալով Լոս Անջելեսում։ «Հարավային Կովկասում կայուն խաղաղության և կայունության համար Ադրբեջանի կողմից առաջարկված համապարփակ խաղաղության համաձայնագիրը պետք է հնարավորինս շուտ ստորագրվի Հայաստանի և Ադրբեջանի կողմից: Մենք աջակցում ենք այս գործընթացին», – ասել է Չավուշօղլուն։ Նրա խոսքով, Հայաստանին խաղաղություն է պետք:

Նկատենք, որ 2 օր առաջ Ադրբեջանի և Թուրքիայի պաշտպանության նախարարները քննարկում էին Հայաստանի հետ սահմանին տիրող իրավիճակը: Ադրբեջանի և Թուրքիայի պաշտպանության նախարարները հեռախոսազրույց էին ունեցել։ Զաքիր Հասանովն ու Հուլուսի Աքարը քննարկել են Հայաստանի հետ սահմանին տիրող իրավիճակը, ինչպես նաև Բաքվի և Անկարայի միջև ռազմատեխնիկական համագործակցությունը։

Իսկ նման «քննարկումներից» հետո լռությունը կարող է վտանգավոր լինել...

Մետաքսյա Շալունց

դիտվել է 7259 անգամ
Լրահոս
Սկսում ենք ընկնել ընդդիմության ետևից՝ բա դուք ո՞ւր եք, շուտ արեք, սրանց հեռացրեք՝ Ղարաբաղից յան են տվել․ Սևակ Հակոբյան «Ի պատասխան ընդերքի և բնապահպանական հարցերի վերաբերյալ ադրբեջանական շահարկումների»․ ԱՀ բնապահպանության կոմիտեի հայտարարությունը Երևանի Սիլիկյան թաղամասում ավտոմեքենան կամրջից շրջվել է․ կա տուժած Ադրբեջանի Պաշտպանության նախարարությունը տարածել է հերթական ապատեղեկատվությունը. Պաշտպանության բանակ Տարադրամի փոխարժեքները Մենք ապրում ենք մեր դարավոր պատմության ամենադաժան ժամանակահատվածը. Թովմասյան (լուսանկար) Ստեփանակերտ տանող ճանապարհի փակումը ռուս խաղաղապահներին Արցախից հանելու նպատակ ունի. Գևորգյան Մի շարք հասցեներում լույս չի լինի Կիևում անջատվել է էլեկտրաէներգիան Հանրապետության հրապարակում և Մարզահամերգային համալիրում ոստիկանությունը մետաղորսիչների միջոցով ստուգելու է քաղաքացիներին և նրանց իրերը Դուք հաղթելու եք այս կռվում, մի քիչ դիմանալ է պետք. Գեղամ Մանուկյան Խրախճանք` ժանտախտի ժամանակ. սա՛ է այս իշխանությունների որդեգրած քաղաքականությունը․ Հռիփսիմե Ստամբուլյան Եվրոպան՝ առանց ռուսական նավթի Ինչպես էին ադրբեջանցիները փակել Ստեփանակերտ-Գորիս ճանապարհը (տեսանյութ) 76-ամյա տղամարդը ձերբակալվել է՝ որդու և հարսի նկատմամբ սպանության փորձ կատարելու կասկածանքով Դիլիջանի ՔՊ-ական համայնքապետը շարունակում է ձեւական աճուրդներով, շուկայականից էժան գներով համայնքի հողերն օտարել Երեւանի բնակիչների Իրանը կոչ է արել ամրապնդել կապերը Ռուսաստանի հետ Հանրապետության առանձին շրջաններում սպասվում է ձյուն Ու երբ բացեն ճանապարհը, չմոռանաք կարևոր հարց տալ.ինչի դիմաց Պեմզաշենի դեպքով կալանավորվածներից մեկը փորձել է ինքնասպան լինել Առաջիկա երկու օրերին երեւանցիներն ավտոբուսներում եւ միկրոավտոբուսներում ավելի են կծկվելու,նսեմանալու Հայաստանում մոտ 1.5 միլիոն քաղաքացի համարվում է աղքատ, իսկ թերսնվածների թիվը կրկնապատկվել է ԵԽ պատգամավորը ԵՄ-ին առաջարկում է որպես Ադրբեջանին զսպող առաջնային քայլ հրաժարվել գազային գործարքից Դեռ ավելի վատ է լինելու, քանի դեռ Հայաստանում իշխում են դե-ֆակտո օկուպացիոն ուժեր, որոնք չեն սպասարկում մեր ազգային շահերը․ Էլբակյան Ինչի դիմաց են թուրքերը համաձայնել բացել ճանապարհը
Ամենաընթերցվածները
Շուտով
Դեկտեմբերի 5-ին, ժամը 13:30-ին, Հայելի ակումբի հյուրն է քաղաքագետ Սերգեյ Շաքարյանցը Դեկտեմբերի 5-ին, ժամը 12:00-ին, Հայելի ակումբի հյուրն է Դեմոկրատական կուսակցության նախագահ Արամ Գասպարի Սարգսյանը: Դեկտեմբերի 5-ին, ժամը 16:30-ին Հայելի ակումբի հյուրն է քաղաքագետ Հայկ Նահապետյանը Դեկտեմբերի 5-ին, ժամը 14:00-ին Հայելի ակումբի հյուրն է Ռուբեն Հակոբյանը Դեկտեմբերի 5-ին, ժամը 15:00-ին Հայելի ակումբի հյուրն է Էդգար Ղազարյանը Դեկտեմբերի 3-ին՝ ժամը 12:00-ին, «Հենարան» մամուլի ակումբում կհյուրընկալվի ՀՀԿ խորհրդի անդամ Հայկ Դերզյանը: ԹԵՄԱ՝ սահմանային լարվածություն. նոր պատերազմի ռիսկերը. ներքաղաքական զարգացումներ: Դեկտեմբերի 2-ին, ժամը 16:30-ին Հայելի ակումբի հյուրն է ՍԱՊԾ նախկին նախագահ Գրիգոր Գրիգորյանը։ Դեկտեմբերի 2-ին, ժամը 15:00-ին Հայելի ակումբի հյուրն է Ադրբեջանի հարցերով փորձագետ Գառնիկ Դավթյանը: Դեկտեմբերի 2-ին, ժամը 13:00-ին Հայելի ակումբի հյուրն է հոգեբան Կարինե Նալչաջյանը Դեկտեմբերի 2-ին, ժամը 12:00-ին Հայելի ակումբի հյուրն է պահեստազորի սպա Վոլոդյա Հովհաննիսյանը
Հետևեք մեզ Facebook-ում https://www.facebook.com/hayeliclub