10 ամսում մոտ կես միլիոն դոլար՝ 20 մեքենա գնելու համար

Նորաստեղծ Հակակոռուպցիոն կոմիտեն, որը ղեկավարում է Սասուն Խաչատրյանը, իր հետ վերցրել է այլևս գոյություն չունեցող Հատուկ քննչական ծառայության գույքը, սակայն շարունակում է բյուջեի հաշվին փոխել սենյակների կահույքը, և թանկարժեք գնումներ անել:

Սակայն Tert.am-ը Հակակոռուպցիոն կոմիտեի գնումների պլանից տեղեկանում է, որ ամենախոշոր գնումները ավտոմեքենաներն են։ Կան ավտոմեքենաներ, որոնցից յուրաքանչյուրի արժեքը 18.500 մլն դրամ է։

Կոռուպցիայի դեմ պայքերելու նպատակով ստեղծված կոմիտեն վերջին տասը ամսում 189 մլն 300 հզր դրամ (մոտ 455 հզր դոլար) է հատկացրել ավտոպարկի թարմացման համար։
Այսպիսով՝ 2021–ի դեկտեմբերին Խաչատրյանը 2 մեքենա է ձեռք բերել 18 մլն 400 հզր դրամով, 7 մեքենա՝ 64 մլն 400 հզր դրամով, 2 մեքենա 37 մլն դրամով, իսկ 2022–ի հունիսին՝ 7 մեքենա 52 մլն 500 հզր դրամով, և ևս 2 մեքենա 17 մլն դրամով։

Հիշեցնենք, որ Հակակոռուպցիոն կենտրոնի ստեղծման համար կառավարությունը 2020–ին 8 միլիարդ 203 միլիոն դրամ էր հատկացրել, որը նախատեսված է ծախսել 2021-2023 թվականներին։