Պարզ չի՞, որ Ալիևի ու Էրդողանի պատկերացմամբ քարտեզի վրա Հայաստան չպետք է լինի... Հարցնում ես, որ ի՞նչ պատասխան լսես

Նիկոլ Փաշինյանը երեկ ՄԱԿ-ի ամբիոնից ելույթ ունեցավ՝ միջազգային համայնքին հորդորելով հասցեական ու լիարժեք աջակցություն տրամադրել Հայաստանին։ Հայաստանի հանդեպ ադրբեջանական նոր ագրեսիայի վտանգը չի նվազել ՄԱԿ-ի ամբիոնից ասաց Նիկոլ Փաշինյանը՝ հորդորելով միջազգային համայնքին հասցեական ու լիարժեք աջակցություն տրամադրել։

Քսան րոպեանոց ելույթում նա խոսեց հիմնականում Ադրբեջանի հետ հարաբերություններից, պնդելով, թե Բաքուն մտադիր է Հայաստանից նորանոր տարածքներ գրավել: «Ես պաշտոնական և հրապարակային հարց եմ ուղղում Ադրբեջանի նախագահին․ կարո՞ղ ես ցույց տալ Հայաստանի այն քարտեզը, որը ճանաչում ես, կամ՝ պատրաստ ես ճանաչել որպես Հայաստանի Հանրապետություն։ Ինչու եմ սա հարցնում։ Որովհետև կարող է պարզվել, որ ըստ Ադրբեջանի պաշտոնական տեսանկյունի, Հայաստանի միայն կեսը, կամ՝ դրանից էլ քիչն է Հայաստանի Հանրապետություն», - հայտարարեց Փաշինյանը։

Ապա, խոսելով սեպտեմբերի 13-14-ի հարձակման մասին նա նշեց, թե Ադրբեջանի պաշտոնական խոսույթը և տեղեկատվության այլ աղբյուրները հուշում են, որ Ադրբեջանը մտադիր է օկուպացնել Հայաստանի այլ տարածքներ, ինչը, ըստ նրա՝ պետք է կանխել...

Բայց ո՞վ պետք է կանխի, այլ երկրնե՞րը...

«Ուզում եմ շեշտել, որ Ադրբեջանի կողմից նոր ագրեսիայի ռիսկը մնում է շատ բարձր՝ հատկապես հաշվի առնելով, որ Ադրբեջանն ամեն օր խախտում է հրադադարը, և զոհերի ու վիրավորների թիվը կարող է փոփոխվել ցանկացած պահի։ Հետագա էսկալացիայի մեկ այլ պատճառ կարող է հանդիսանալ այս իրավիճակին տարածաշրջանային անվտանգային կազմակերպությունների ոչ պատշաճ արձագանքը, ինչը լրջագույն հարցեր առաջացրեց հայ հասարակության շրջանում», նշեց նա։

Ինքը, Փաշինյանը միաժամանակ, նշում է. «Չնայած վերը նշված փաստերին` Ադրբեջանը փորձում է ներկայանալ որպես մեր տարածաշրջանում խաղաղության, Հայաստանի հետ խաղաղության ձգտող երկիր։ Կողքից լսելով, թե ինչ է ասում Ադրբեջանը, դուք կարող եք նույնիսկ տպավորվել նրա նվիրվածությամբ խաղաղության ջանքերին: Եվ նման տպավորություն ստեղծելու համար Ադրբեջանն օգտագործում է Հայաստանի հետ խաղաղության պայմանագրի, սահմանների սահմանազատման, տարածաշրջանային հաղորդակցության բացման օրակարգի թեմաները»։

Խոսելով խաղաղության պայմանագրից՝ Նիկոլ Փաշինյանը կրկին հայտարարեց՝ պատրաստ է ճանաչել Ադրբեջանի տարածքային ամբողջականությունը, եթե Բաքուն էլ ճանաչի Հայաստանինը՝ միջազգայնորեն ընդունված սահմաններում։ Օրեր առաջ այս հայտարարությունը Փաշինյանը հնչեցրել էր Հայաստանի խորհրդարանում, երեկ նույնը կրկնեց արդեն միջազգային լսարանի առաջ։ «Եթե Ադրբեջանը ճանաչի Հայաստանի տարածքային ամբողջականությունը՝ ոչ թե տեսականորեն, այլ՝ գործնականում, նկատի ունեմ մեր՝ միջազգայնորեն ճանաչված 29 հազար 800 քառակուսի կիլոմետրի ամբողջականությունը, նշանակում է՝ մենք կարող ենք ստորագրել խաղաղության համաձայնագիր», - ասաց վարչապետը:

Փաշինյանը նաև նկարագրեց՝ ինչ է սպասվում, եթե նման համաձայնություն չկայանա․ հետևանքները, ըստ նրա, կլինեն ծանր՝ Հայաստանի համար։ «Հակառակ դեպքում մենք կունենանք խաղաղության պայմանագրի ուրվական, որից հետո Ադրբեջանը սահմանի դելիմիտացիայի գործընթացը կշահարկի՝ Հայաստանին տարածքային նոր պահանջներ ներկայացնելու և գրավելու համար», - ասաց նա։

Ելույթ ունենալով միջազգային ամբիոնից՝ Փաշինյանը ոչ միայն Ադրբեջանին, այլև դաշնակիցներին քննադատեց՝ առանց անուններ հնչեցնելու։ Մի դեպքում ասաց՝ իրավիճակը կարող է սրվել, քանի որ անվտանգության տարածաշրջանային կազմակերպությունները պատշաճ չեն արձագանքում։ «Այդ հանգամանքը շատ հարցեր է առաջ բերել հայաստանյան հասարակության մեջ», - ակնարկեց վարչապետը։

Մեկ այլ դեպքում էլ մանրամասներ բացահայտեց դռնփակ բանակցություններից ու անցած տարվա բախումներից։ «Անցած տարվա մայիսին Ադրբեջանը ավելի քան քառասուն քառակուսի կմ տարածք օկուպացրեց։ Այդ ժամանակ Ադրբեջանը պատճառաբանել էր, թե իբր Երևանը մերժում է դելիմիտացիայի հանձնաժողով ստեղծել։ Մենք չենք հրաժարվել, միայն պնդել ենք, որ դրան զուգահեռ պետք է սահմանային անվտանգության մեխանիզմ ներդրվի։ Ի վերջո, երբ մեր միջազգային դաշնակիցների խնդրանքով, որոնք պնդում էին, թե սահմանային հանձնաժողովի աշխատանքն ինքնին կդառնա հուսալի գործոն սահմանների անվտանգության համար, մենք համաձայնեցինք սկսել աշխատանքը։ Հիմա, երբ այդ հանձնաժողովը ստեղծվել է և աշխատում է, Ադրբեջանը սանձազերծել է ագրեսիայի նոր փուլ, և միջազգային այդ դաշնակիցներից ոմանք լուռ են», - ընդգծեց Հայաստանի վարչապետը:

Ումի՞ց է բողոքում Փաշինյանը.. Որ բոլորը իրեն խաբում ու օգտագործում են իրենց շահերին համապատասխա՞ն... Իսկ ո՞վ է պաշտպանելու Հայաստանի պետության շահը... Փաշինյանին թվում էր՝ էրդողանն ու Ալիևը, կամ՝ Պուտինն են պաշտպանելու Հայաստանի շահերը:

Ի վերջո՝ ո՞ւմ վրա է «մուննաթ» գալիս Փաշինյանը, եթե ինքն է անձամբ Ալիևին ասում՝ «քարտեզ ցույց տուր, հասկանամ՝ ո՞ր տարածքն ես Հայաստան համարում»...
Աբսուրդը հասել է նրան, որ Հայաստանի ղեկավարը թշնամական երկրի ղեկավարից է հարցնում է՝ թե նրա պատկերացրած Հայաստանը ո՞րն է:

Դեռ պարզ չի՞, ուրեմն, Փաշինյանի համար, որ այսօրվա Ադրբեջանի ու Թուրքիայի համար քարտեզի վրա ցանկալի չէ, որ Հայաստան լինի ընդհանրապես:

Մետաքսյա Շալունց

դիտվել է 1352 անգամ
Լրահոս
Հատուցման պահը մոտենում է․ Չալաբյան «Վերին Լարս» անցակետում 2300 մեքենայից բաղկացած հերթ է գոյացել Սեպտեմբերի 25-ի ՏԻՄ ընտրություններում ո՛վ ընտրեց ՔՊ-ին՝ կողմ է Հայաստանի կործանմանը Դիմանալու չէ...Երկնքից գլխիս ընկած այս հաջողությանը ես ինչպե՞ս պատասխանեմ... 25-ամյա Վաչիկ Տոնոյանը փրկել էր 19-ամյա զինծառայողին, ինքը զոհվել. նա 3 ամսից կզորացրվեր Ինչ իրավիճակ է սահմանին «Հայկական ԱԱԾ եւ թուրքական MIT՝ քույր կառույցնե՞ր». Գեղամ Մանուկյան Կրակոցներ Երևանում. կա մեկ զոհ, մեկ վիրավոր Արշակունյաց պողոտայում բռնկված հրդեհի հետեւանքով շինության տարածքում առկա է փլուզման վտանգ. ԱԻՆ Շուռնուխում սեպտեմբերի 13-ից հետո կրակոցներ եղե՞լ են Ես մինչև նոյեմբերի 30-ը պայմանագիր ունեմ․ Կապառոսը՝ իր՝ հրաժարական տալու վերաբերյալ Ինքնակամ գերի հանձնվելու դեպքում՝ 10 տարի ազատազրկում. Պուտինը նոր որոշումների փաթեթ է ստորագրել Ազգային պաշտպանության ռազմավարության շտապ պահանջ. Դոկտ. Արշավիր Գյոնջյան Հայաստանի հավաքականը Երևանում պարտվեց Ուկրաինային Զապորոժիեի ԱԷԿ շարժվող Բայրաքթար է խոցել ԵՏՀ-ն երկարացրել է մինչեւ 2023 թվականի մարտի 31-ը ներմուծվող ապրանքների մի մասի ներմուծման զրոյական դրույքաչափերը Պայմանագրային զինծառայողը, ում հայրը ինքնասպանության էր գործել, պատերազմից հետո այլեւս չի զանգահարել. համայնքապետ Հայաստանի հավաքականն արդեն խոշոր հաշվով է պարտվում Ուկրաինային Հրապարակվել է Հայաստանի ազգային հավաքականի վերջնական հայտացուցակը Ուկրաինայի դեմ խաղում Կարմիր խաչի ներկայացուցիչները այցելել են սեպտեմբերի 13-ի ադրբեջանական ագրեսիայի հետևանքով գերեվարված հայ զինծառայողներին Սիրիայում միգրանտներ տեղափոխող նավ է խորտակվել. 88 զոհ կա Ով է պաշտպանության նոր փոխնախարարը Ակնհայտ է,գործի է դրվում պատերազմով միջանցք տալու հանցավոր սցենարը. Էդուարդ Շարմազանով Քաղաքակիրթ եղանակով այս ձութ ու ծամոններին աթոռներից պոկել հնարավոր չէ, մնում է՝ ոչ քաղաքակիրթ եղանակը․ Սրապիոնյան Կարող ենք Իրանից էլ սպառազինություն ձեռք բերել. Սուրեն Սարգսյան
Ամենաընթերցվածները
Շուտով
Սեպտեմբերի 24-ին, ժամը 12:00-ին Հայելի ակումբի հյուրն է Հայաստան համահայկական հիմնադրամի նախկին ղեկավար Արա Վարդանյանը։ Սեպտեմբերի 24-ին, ժամը 12:00-ին Հայելի ակումբի հյուրն է հասարակական գործիչ Աշոտ Անդրեասյանը: Սեպտեմբերի 24-ին, ժամը 13:00-ին Հայելի ակումբի հյուրն է ազատամարտիկ Տիգրան Չոբանյանը։ Սեպտեմբերի 23-ին, ժամը 13:00-ին Հայելի ակումբի հյուրն է ՀՀԿ ԵԿ ղեկավար Հենրիխ Դանիելյանը: Սեպտեմբերի 23-ին, ժամը 13:30-ին Հայելի ակումբի հյուրն է ոստիկանության գնդապետ Թաթուլ Պետրոսյանը։ Սեպտեմբերի 23-ին, ժամը 15:00-ին Հայելի ակումբի հյուրն է Արմինե Գրիգորյանը: Սեպտեմբերի 23-ին, ժամը 12:00-ին Հայելի ակումբի հյուրերն են զոհված զինծառայողների ծնողները Սեպտեմբերի 23-ին ժամը՝ 12:00-ին, «Հենարան» մամուլի ակումբում կհյուրընկալվեն ՀՀԿ խորհրդի անդամներ Շուշան Զաքարյանը և Հովհաննես Խաչատրյանը: ԹԵՄԱ՝ պատերազմական իրավիճակը. «Եռաբլուրում» զոհվածների հարազատների և ծնողների նկատմամբ բռնի ուժի կիրառումը. սպասվող զարգացումներն ու հեռանկարները: Սեպտեմբերի 22-ին, ժամը 12:00-ին Հայելի ակումբի հյուրն է ՀՀԿ խորհրդի անդամ Տիգրան Վարդանյանը։ Սեպտեմբերի 22-ին, ժամը 13:00-ին Հայելի ակումբի հյուրն է Սոնա Աղեկյանը։
Հետևեք մեզ Facebook-ում https://www.facebook.com/hayeliclub