Բաքուն փորձում է օգտվել այն հանգամանքից, որ ՌԴ-ն զբաղված է Ուկրաինայում. Միխայիլ Ալեքսանդրով
Ադրբեջանը, օգտվելով այն հանգամանքից, որ Ռուսաստանը զբաղված է Ուկրաինայում հատուկ ռազմական գործողությամբ, փորձում է ուժով հասնել իր նպատակներին Լեռնային Ղարաբաղում: Այս մասին REGNUM գործակալության թղթակցին հայտնել է МГИМО-ի Ռազմա-քաղաքական հետազոտությունների կենտրոնի առաջատար փորձագետ Միխայիլ Ալեքսանդրովը:
«Ադրբեջանը փորձում է քաղել ամեն ինչ ներկայիս իրավիճակից, երբ Ռուսաստանի ձեռքերը լրիվ կապված են հատուկ ռազմական գործողությամբ Ուկրաինայում: Բաքուն ահա հասկանում է, որ Ռուսաստանը հավանաբար չի ցանկանա խոշոր զորակազմ նետել Լեռնային Ղարաբաղ, եթե այնտեղ լուրջ պատերազմ սկսվի: Դա հնարավորություն կտա Ադրբեջանին վերջնականապես լուծելու ղարաբաղյան հիմնախնդիրը: Ադրբեջանի համար գլխավորն այն է, որ ցույց տա, թե ինքն է ենթարկվում ագրեսիայի հայկական կողմից, թե հայկական կողմը չի կատարում համաձայնությունները, շարունակում է հարձակվել ադրբեջանցիների վրա, և այդ պատրվակով սկսի ռազմական գործողությունը: Եվ քանի որ մեր խաղաղապահ զորակազմն այնտեղ բավական թույլ է քանակական առումով և սպառազինության տեսանկյունից, ոչինչ չի կարողանա դիմակայելու համար: Նրան պարզապես կշրջափակեն և կգրավեն ողջ Լեռնային Ղրաբաղը»,- ասել է փորձագետը:
Հետևեք մեզ Viber-ում
