Երևանի ընդհանուր իրավասության դատարանը՝ դատավոր Մնացական Մարտիրոսյանի նախագահությամբ, որոշեց Վրեժ Մարկոսյանի վերաբերյալ մասն անջատել և առանձնացնել ՀՀ նախկին գլխավոր դատախազ, ՔԿ նախկին նախագահ Աղվան Հովսեփյանի գործից։ Նշենք, որ Վրեժ Մարկոսյանն առողջական խնդիրներ ունի և դատական նիստերին հաճախ կարող է չներկայանալ, բացի այդ, քրեական գործով Մարկոսյանին մեղսագրվում է միայն մեկ դրվագ, իր դրվագին վերաբերող ապացույցները կարող են ավելի արաց հետազոտվել, հետևաբար, դեռևս նախորդ դատական նիստին հենց դատավորի կողմից բարձրացվել էր գործից մաս անջատելու հարցը։ Այսօրվա դատական նիստին Վրեժ Մարկոսյանի պաշտպանը միջնորդեց գործից մաս անջատել կամ հնարավորություն տալ, որ Վրեժ Մարկոսյանը մասնակցի այն նիստերին, որը վերաբերելի կլինի իր դրվագին։ Աղվան Հովսեփյանի պաշտպան Երեմ Սարգսյանն առարկեց միջնորդության առաջին մասի դեմ՝ համաձայն չլինելով գործից մաս առանձնացնելուն, քանի որ գտնում է, որ առանձնացված մասով կայացված որոշումը կարող է ազդեցություն ունենալ նաև մյուս գործով։ Միևնույն ժամանակ, Սարգսյանն արձանագրեց, որ Մարկոսյանին պետք է հնարավորություն տրվի մասնակցել այն ծավալով, որը վերաբերելի է իրեն։ Հանրային մեղադրողները հակառակը՝ կողմ էին առանձնացմանը՝ նշելով, որ գործից պետք է մաս անջատվի, իսկ Մարկոսյանին՝ միայն իր վերաբերելի ծավալով քննությանը մասնակցելու համար նախատեսված կառուցակարգեր չկան։ Դատարանը որոշեց գործից մաս անջատել և քննել առանձին վարույթով։ Հատկանշական է, որ առանձնացված գործով՝ Վրեժ Մարկոսյանի մասով՝ քննությունը ևս կիրականացնի դատավոր Մնացական Մարտիրոսյանը, նա առանձացված վարույթ վերամակագրման չի հանձնի, իսկ երկու գործերն իր կողմից քննելը նա մեկնաբանեց՝ հղում կատարելով ԲԴԽ որոշմանը։
Հիշեցնենք, որ Աղվան Հովսեփյանը ձերբակալվել է 2021թ սեպտեմբերի 7-ին՝ առավոտյան։ Նախաքննական մարմինը մինչ այդ շուրջ 1.5 տարի քննություն էր իրականացրել՝ առանց Հովսեփյանին հարցաքննության հրավիրելու։ Նրան միանգամից մեղադրանք են առաջադրել և որպես խափանման միջոց ընտրել կալանավորումը։ Ընդ որում՝ դատարանները բավարարել են քննիչի միջնորդությունները՝ կալանավորումը որպես խափանման միջոց ընտրելու կամ այն երկարացնելու մասին՝ ընդունելով հանդերձ, որ հիմքեր չկան կարծելու , որ նա կարող է թաքնվել քննությունից։ Քրեական գործի շրջանակներում Աղվան Հովսեփյանին մեղադրանք է առաջադրվել ՀՀ քրեական օրենսգրքի 310-րդ հոդվածով, 311-րդ հոդվածի 4-րդ մասի 2-րդ կետով, 38-308-րդ հոդվածի 2-րդ մասով, 38-179-րդ հոդվածի 3-րդ մասի 1-ին կետով, 190-րդ հոդվածի 3-րդ մասի 1-ին կետով (2 դրվագ) և 190-րդ հոդվածի 2-րդ մասի 1-ին կետով: Նրա նկատմամբ որպես խափանման միջոց է ընտրվել կալանավորումը:Վրեժ Մարկոսյանին մեղադրանք է առաջադրվել ՀՀ քրեական օրենսգրքի 179-րդ հոդվածի 3-րդ մասի 1-ին կետով: Նրա նկատմամբ որպես խափանման միջոց է ընտրվել ստորագրություն չհեռանալու մասին:
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը
Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը
Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ)
Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը
Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը
Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը
Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը
Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը
Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը
Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը