Եպիսկոպոսին թալանել են քարոզի ժամանակ՝ գողանալով 1 միլիոն դոլարի թանկարժեք իրեր
ԱՄՆ-ում եպիսկոպոսին թալանել են քարոզի ժամանակ՝ գողանալով 1 միլիոն դոլարի թանկարժեք իրեր։ Եպիսկոպոս Լամոր Միլլեր-Ուայթհեդը, որը շքեղ ապրելակերպ էր վարում եւ նրան հաճախ կարելի էր տեսնել Նյու Յորքում իր Rolls-Royce-ով շրջելիս, քարոզ կարդալիս է եղել, երբ ներս են մտել երեք կողոպտիչներ։ Նրանք ցույց են տվել զենքերը եւ պահանջել են Միլլեր-Ուայթհեդի եւ նրա կնոջ զարդերը։
Միլլեր-Ուայթհեդն ասել է, որ կողոպտիչները պոկել են իր օձիքը, որպեսզի բռնեն իր շղթան, եւ ատրճանակը պահել են իր մանկահասակ դստեր դեմքին՝ գողանալով կնոջ զարդերը:
44-ամյա Միլլեր-Ուայթհեդը 2013-ին՝ անձնական տվյալների գողության եւ խոշոր կողոպուտի համար 5 տարվա ազատազրկման պատիժը կրելուց հետո ստեղծել է Leaders of Tomorrow International Ministries կազմակերպությունը: Միլլեր-Ուայթհեդը պնդում է, որ իրեն անօրինական են դատապարտել: