ՌԴ-ի դեմ պատժամիջոցները չաշխատեցին. Օրբան
Եվրամիությանը նոր ռազմավարություն է անհրաժեշտ Ուկրաինայի հակամարտության կարգավորման համար, քանի որ Մոսկվայի դեմ պատժամիջոցները չաշխատեցին, շաբաթ օրը հայտարարել է Հունգարիայի վարչապետ Վիկտոր Օրբանը, փոխանցում է Reuters-ը։
«Նոր ռազմավարություն է անհրաժեշտ, որը պետք է կենտրոնանա խաղաղության բանակցությունների եւ խաղաղության լավ առաջարկի մշակման վրա... պատերազմում հաղթելու փոխարեն»,- ասել է Օրբանը Ռումինիայում ելույթի ժամանակ:
Օրբանն ասել է, որ ռազմավարությունը ձախողվել է, քանի որ Եվրոպայում կառավարություններն ընկնում են «դոմինոյի պես», էներգակիրների գները բարձրացել են, եւ նոր ռազմավարություն է անհրաժեշտ: