Կառավարությունը հաստատել է դրամաշնորհային ծրագիրը
Կառավարությունն այսօրվա նիստում հավանություն տվեց Հայաստանի և Միացյալ Նահանգների միջև դրամաշնորհային համաձայնագրի ստորագրման առաջարկությանը։
Դրամաշնորհի նպատակը Հայաստանին ժողովրդավարության և տնտեսական կայունությանն ուղղված բարեփոխումներում աջակցելն է։
ԱՄՆ Միջազգային զարգացման գործակալության կողմից Հայաստանին տրամադրվելիք դրամաշնորհը 120 մլն ԱՄՆ դոլար է, որը կհատկացվի մասնաբաժիններով։
Հիմնավորման մեջ նաև նշված է, որ դրա մեծ մասը՝ 68,5 մլն ԱՄՆ դոլարը, կուղղվի ժողովրդավարության խթանմանը, իսկ մնացած մասը՝ 51,5 մլն ԱՄՆ դոլարը՝ տնտեսական բարելավմանը։