Կիևը «նեղացած» է Վրաստանի իշխանությունից, իսկ Էրդողանը պարծենում է թուրքական խորամանկ դիվանագիտությամբ

ՌԴ-ն տոնում է հաղթանակ, իսկ Զելենսկին պնդում է, թե հաղթելու են

Գերագույն Ռադան որոշել է ևս 90 օրով` մինչև օգոստոսի 23-ը, երկարաձգել ռազմական դրությունը և մոբիլիզացիան Ուկրաինայի տարածքում։ Նախորդ անգամ խորհրդարանը ռազմական դրությունը երկարաձգել էր 30 օրով՝ ապրիլի 25-ից, իսկ մինչ այդ՝ մարտի 26-ից, ևս 30 օրով։

Ուկրաինայում ռազմական դրություն է հայտարարվել ռուսական զորքերի լայնամասշտաբ ներխուժման օրը՝ փետրվարի 24-ին։

Միաժամանակ, Մոսկվան հայտարարեց «Ազովստալը» վերջնականապես գրավելու մասին, մինչդեռ Ուկրաինայի նախագահն էլ պնդում է՝ վստահ է այս պատերազմում իր երկիրը հաղթելու է:

Փետրվարի 24-ից սկսված ռուսական ագրեսիայի հետևանքով Ուկրաինայում, երկրի գլխավոր դատախազի գրասենյակի տվյալների համաձայն, սպանվել է 232 երեխա, մինչդեռ պատերազմի վերջը դեռ չի երևում: Բանակցություններ չկան։ Ընդորում՝ Մոսկվան հայտարարում է, թե բանակցություններից ուկրաինական կողմն է հրաժարվել։ Ռուսաստանի դեմ շուրջ երեք ամիս պատերազմելուց հետո Ուկրաինայի նախագահը, ում Արևմուտքը ռուսական հարձակման հենց առաջին օրը առաջարկում էր լքել երկիրը, հայտարարում է՝ համոզված է, որ Ուկրաինան հաղթելու է: Այս մասին Վլադիմիր Զելենսկին ասել է ուկրաինական լրատվամիջոցներին տված հարցազրույցում, հավելելով, թե թեև պատերազմի ճակատագիրը որոշվելու է ռազմադաշտում, այն, ամեն դեպքում, պետք է ավարտվի դիվանագիտական ճանապարհով։

Զելենսկին ասում է՝ հաղթանակը արագ ու հեշտ չի լինի, քանի որ Կիևը ցանկանում է վերադարձնել բոլոր օկուպացված տարածքները։ «Պատերազմը մենք չենք սկսել, բայց պետք է ավարտենք: Ես կարծում էի, որ պատերազմը կարող է ավարտվել միայն երկխոսությամբ: Բայց հիմա սա դժվար պատերազմ է, և հաղթանակը շատ դժվար, արյունալի է լինելու», - հայտարարել է Զելենսկին:

Պատերազմի առաջին ամիսը ուկրաինական կողմը Ռուսաստանի հետ բանակցում էր Դոնբասի և Զրիմի կարգավիճակների շուրջ։ Այսօր երբ ակնհայտ է, որ արագ հաղթել ռուսական բանակին չհաջողվեց, իսկ Արևմուտքն էլ հայտարարում է՝ կտա Ուկրաինային այնքան զենք, որքան պետք է հաղթանակի համար, Զելենսկին ասում է՝ Կիևը ցանկանում է վերադարձնել Ռուսաստանի կողմից օկուպացված բացարձակապես բոլոր տարածքները։ Այսինքն՝ և՛ Դոնեցկն ու Լուգանսկը, և՛ Մարիուպոլը ու Խերսոնը, և՛ նույնիսկ Ղրիմը։

Վլադիմիր Զելենսկին ասում է նաև, որ այսօր ուկրաինական բանակի շարքերում ռուսական ուժերին դիմադրում են ավելի քան 700 հազար մարդ։ Նախօրեին Ուկրաինայի արտգործնախարար Դմիտրի Կուլեբան ասել էր, որ Ուկրաինան չի զիջի Ղրիմն ու Դոնբասը հանուն հրադադարի։ Նա կարծում է, որ այդ տարածքները չեն կարող «սակարկության առարկա» դառնալ Ռուսաստանի հետ բանակցություններում։
Միևնույն ժամանակ Ռուսաստանի պաշտպանության նախարարը զեկուցում է երկրի նախագահին «Ազովստալը» վերջնականապես գրավելու մասին։ Այս մասին հայտարարել է Ռուսաստանի պաշտպանության նախարարության պաշտոնական ներկայացուցիչը. «Ազովստալի ստորգետնյա օբյեկտները, որտեղ թաքնվել էին գրոհայինները, անցել են ռուսական զինված ուժերի լիակատար վերահսկողության տակ։️ Գործողությունն ավարտելու և ուկրաինացի զինյալներից գործարանի և Մարիուպոլ քաղաքի ամբողջական ազատագրման մասին Ռուսաստանի Դաշնության պաշտպանության նախարար, բանակի գեներալ Սերգեյ Շոյգուն զեկուցել է Ռուսաստանի նախագահ Վլադիմիր Պուտինին»։

Ռուսական կողմի տվյալներով՝ ընդհանուր առմամբ ուկրաինացի 2439 զինվոր, որոնք գտնվում էին գործարանի տարածքում, հանձնվել են։ Ուկրաինայի նախագահը պնդում է, որ հանձնվելու հրամանն ինքն է տվել, և որ փոխանակման միջոցով այդ մարդիկ վերադառնալու են տուն։

Ուկրաինացի զինվորականները, որոնք գտնվում էին «Ազովստալի» տարածքում, մայիսի 16-ին են սկսել հանձնվել։ Նրանց հետագա ճակատագիրը պարզ չէ։ Պետդումայում արդեն կոչեր են հնչել՝ «Ազովի» գնդի մարտիկներին Ուկրաինա ոչ մի պարագայում չտեղափոխելու մասին։ Իսկ դեռևս մայիսի 17-ին հայտնի դարձավ, որ Ռուսաստանի գլխավոր դատախազությունը դիմել է Գերագույն դատարան՝ ուկրաինական «Ազովի» գունդը որպես ահաբեկչական կազմակերպություն ճանաչելու համար։ «Ազովի» գնդի և ուկրաինական այլ ստորաբաժանումների զինծառայողները պաշտպանում էին Մարիուպոլ քաղաքը, որը շրջափակման մեջ էր մարտի սկզբից, քաղաքը ռուսական բանակի կողմից գրավելուց հետո նրանք արգելափակված էին «Ազովստալ» մետալուրգիական գործարանում։ «Ազով» կազմավորումը հիմնադրվել է 2014-ին որպես կամավորական գումարտակ; Ազովի հիմնադիրների շարքում էին նաև մարդիկ, ում համարում էին ծայրահեղ։ Միևնույն ժամանակ, Ազովի շատ մարտիկներ շեշտում են, որ իրենք նեոնացիստներ չեն, և գունդն ինքնին դարձել է Ուկրաինայի զինված ուժերի անբաժանելի մասը։

Բայրամովն ու Չավուշօղլուն քննարկել են իրավիճակը Ուկրաինայում

Մինչ Մոսկվան ու Կիևը շարունակում են պատերազմը, իսկ արևմուտքի նոր հավաստիացումներ է տալիս ուկրաինական իշխանություններին, որ կշարունակի զինել՝ տարածաշրջանային երկրները ուկրաինական հարցով նորանոր խնդիրներ են առաջ քաշում...

Ադրբեջանի և Թուրքիայի ԱԳ նախարարներ Ջեյհուն Բայրամովը և Մևլյութ Չավուշօղլուն կիրակի օրը հեռախոսազրույց են ունեցել: Ըստ Ադրբեջանի ԱԳՆ-ի՝ նրանք քննարկել են երկկողմ համագործակցության օրակարգը, եռակողմ ձևաչափով համագործակցությունը, իրավիճակը տարածաշրջանում և Ուկրաինայում:

Վրաց գործարարները ռուսական ընկերություններում մեծ բաժնեմասեր ունեն, նրանք «ռուսական պատժամիջոցներից խուսափելուն հանցակից են»

Ուկրաինայի նախագահի աշխատակազմի ղեկավար Անդրեյ Երմակը Atlantic Council-ի կազմակերպած զրույցի ժամանակ ասել է, որ Վրաստանն այն երկրների ցանկում է, որոնք օգնում են Ռուսաստանին խուսափել պատժամիջոցներից, ըստ News.am-ի, գրում է NetGazeti-ն։ Ի պատասխան երկրորդական պատժամիջոցների մասին FOX News-ի թղթակից Նանա Սաջայայի հարցին, մասնավորապես, թե խնդրում է արդյոք Ուկրաինան պատժամիջոցներ կիրառել այն մարդկանց և ընկերությունների դեմ, որոնք օգնում են Ռուսաստանին խուսափել պատժամիջոցներից, Երմակը պատասխանել է, որ Վրաստանում որոշ ազդեցիկ գործարարներ ռուսական ընկերություններում մեծ բաժնեմասեր ունեն, և նրանք ռուսական պատժամիջոցներից խուսափելուն հանցակից են։

«Սա շատ կարևոր հարց է։ Մենք կարող ենք լուրջ պատժամիջոցներ մշակել (Ռուսաստանի դեմ), բայց միշտ կգտնվեն երկրներ կամ մարդիկ, որոնք սողանցք կգտնեն և կփորձեն օգնել նրանց։ Մենք շատ բաց ենք այս հարցում։ Մենք կարող ենք ապացուցել, որ որոշ ընկերություններ կամ անհատներ օգնում են Ռուսաստանին խուսափել այդ պատժամիջոցներից։ Մենք իսկապես մեծ հարգանքով ենք վերաբերվում մեր գործընկերներին, ովքեր այս պատժամիջոցների ներքո ռիսկի են դիմում թե՛ տնտեսապես, թե՛ այլ կերպ: Եվ ազնիվ չէ, երբ ոմանք հերքում են նման պատժամիջոցները և դրանից փող են աշխատում։ Ցավոք, այդպես են վարվում որոշ ասիական երկրներ։

Շատ տխուր կլիներ այս ցուցակում տեսնել բարեկամ երկրներին, ինչպիսին Վրաստանն է, որը սև ցուցակում է։ Թեև մենք շատ զգույշ ենք և շարունակում ենք մեր գործընկերների հետ ուսումնասիրել այս հարցը։ Ամեն ինչ պետք է փաստաթղթավորվի և ապացուցվի։ Անկասկած, սա երկրորդական պատժամիջոցների շատ կարևոր մասն է։ ԵՄ-ի և Մեծ Բրիտանիայի պատժամիջոցների հետագա փաթեթները կավելանան։ Եթե խոսենք, օրինակ, Վրաստանի նման երկրի մասին, ապա գիտենք, որ որոշ ազդեցիկ գործարարներ մեծ մասնաբաժիններ ունեն ռուսական ընկերություններում, օրինակ՝ «Գազպրոմ»-ում։ Կարծում եմ, որ նրանք ներառված են (գործընթացի մեջ), որպեսզի Ռուսաստանը խուսափի պատժամիջոցներից»,- ասել է Անդրեյ Երմակը։

Անդրեյ Երմակը ղեկավարում է ուկրաինացի և միջազգային փորձագետների խումբը, որը գնահատում է Ռուսաստանի դեմ պատժամիջոցների արդյունավետությունը և նրանց աշխատանքը։

Թուրքական խորամանկ քաղաքականությունը՝ Մոսկվայի ու Կիևի հետ

Մինչ ուկրաինական իշխանությունները կշտամբում են վրացական իշխանություններին՝ Անկարան շարունակում է խորամանկ քաղաքականությունը՝ չնեղացնելով ոչ Ռուսաստանին, ոչ Ուկրաինային:

Թուրքիայի նախագահ Ռեջեփ Թայիփ Էրդողանն օրերս հայտարարեց, որ մտադիր չէ խզել հարաբերությունները Ռուսաստանի նախագահ Վլադիմիր Պուտինի հետ՝ Ուկրաինայում ստեղծված իրավիճակի պատճառով: «Ռուսաստանի և Ուկրաինայի հետ հարաբերություններում մենք վարում ենք հավասարակշռված քաղաքականություն։ Ես մտադիր չեմ խզել կապերը ո՛չ Պուտինի, ոչ էլ Զելենսկու հետ»,- նշել է Էրդողանը:

Նա հավելել է, որ Անկարան չի կարող հրաժարվել ռուսական գազի մատակարարումներից. դա ռազմավարական նշանակության հարց է: Էրդողանը հավելել է, որ երկրի սպառած գազի կեսը Թուրքիան ստանում է Ռուսաստանից: «Մենք կապեր ունենք երկու կողմերի հետ (Ռուսաստանի և Ուկրաինայի): Ռուսաստանի հետ մենք ունենք «Ակկույու» ատոմային Էլեկտրակայանի նախագիծը: Դա մեզ համար շատ լուրջ աղբյուր Է: Մենք Ռուսաստանից ստանում ենք մեր կողմից սպառվող գազի 50 տոկոսը: Դա մեզ համար ռազմավարական հարց Է, ռազմավարական հարաբերություններ: Մենք չենք կարող հրաժարվել դրանցից», ասել է Էրդողանը:

Մետաքսյա Շալունց

դիտվել է 2589 անգամ
Լրահոս
Ինքը մի մեծ բանդա ունի, որոնք թիրախավորված աշխատում են, բողոքում այս կամ այն ալիքի ու էջի դեմ․ Անժելա Թովմասյան Տրամաբանական է, որ Փաշինյանը Հայելու մեջ իրեն տեսնելով պիտի ընկներ ցնցումների մեջ և փորձեր ճնշումների ենթարկել Ավերողին թողել, ավերմունքի դեմ խոսողին են ուզում բռնել` խելքի աշեցեք Դատարանը վարույթ է ընդունել Սորոսի հայաստանյան հիմնադրամի լուծարման պահանջով հայցադիմումը. ՀՀ ԱՆ-ն ներգրավված է որպես երրորդ անձ Նոր քրեական դատավարության օրենսգրքով անընդհատ երկարացվող 2-ամսյա ժամկետի ռեժիմը չի գործում. Ռուբեն Մելիքյան Թրքասեր Արսե'ն, հետաքրքիր է, եղբորդ կամ որդուդ, եթե թուրքը մորթի, կրկին նույն թրքամետ զառանցանքներով հանդես կգա՞ս... Թուրքիայի ԱԳՆ-ն` Սերդար Քըլըչի և Ռուբեն Ռուբինյանի չորրորդ հանդիպման մասին Հուլիսի 4-ին՝ 10:30-ին հավաքվենք Բաղրամյան-Դեմիրճյան խաչմերուկի այգում. Արամ Վարդեւանյան Պատրաստակամությունս եմ հայտնում թե՛ իրավական, թե՛ քաղաքական իմաստով աջակցել Անժելա Թովմասյանին Կեցցե՛ս, Անժելա... Վերջապես նիկոլականների համույթն էլ սկսեց գնահատել քեզ... Տեղապտույտը հենց ձեր «խաղաղության» օրակարգն է Չի հաջողվելու, հետ կանգնեք այդ կործանարար գործողություններից Այս թրքահաճո, ադրբեջանամետ, ստահոտ, անգրագետ և հակահայկական հայտարարության հետքերով ԱՆՊԱՅՄԱՆ պետք է «գնան» համապատասխան ծառայությունները. Արման Աբովյան էրդոհան-ալիև-փաշինյան տրիոն Հայաստանում թիրախավորել է բոլոր այն անհատներին, ովքեր փորձում են ըմբոստանալ իրենց Հայաստանակործան ծրագրերին Վթար Երևան-Գյումրի ավտոճանապարհին Արտամարմնային բեղմնավորմամբ չօգտագործված սաղմերը կարող են տրամադրվել կարիքն ունեցող զույգերին.Ռոբերտ Հայրապետյան Իվետա Տոնոյանը նշանակվել է ԲՀԿ աշխատակազմի ղեկավար Պետական դավաճանության գործը կարճվեց Ովքեր են Ալեքսանյանի դստեր հարսանիքի հյուրերը Էշով տղան ազատ է արձակվել «Տեսնես ո՞ւր մնացին»․ Սուրեն Սարգսյանը՝ Հայաստան չժամանած կոնգրեսականների մասին Տեղապտույտը հենց ձեր «խաղաղության» օրակարգն է․ Արսեն Բաբայան Բայրամովն առաջիկա օրերին կայցելի Իրան Նիկոլը ցույց է տալիս աշխարհին, որ իբրև թե հայ ժողովրդի համար դավաճանությունը «նորմալ երևույթ» է. Զաքարյան Սպասվում է անձրև և ամպրոպ. օդի ջերմաստիճանը կնվազի
Ամենաընթերցվածները
Շուտով
Հուլիսի 1-ին, ժամը 16:30-ին Հայելի ակումբի հյուրն է մանկավարժ Գյուլնարա Ալեքսանյանը: Հուլիսի 1-ին, ժամը 16:00-ին Հայելի ակումբի հյուրն է ՍԴ աշխատակազմի նախկին ղեկավար էդգար Ղազարյանը Հուլիսի 1-ին, ժամը 14:00-ին Հայելի ակումբի հյուրն է ԱԺ նախկին պատգամավոր Գևորգ Պետրոսյանը: Հուլիսի 1-ին, ժամը 13:00-ին Հայելի ակումբի հյուրն է Ադրբեջանի հարցերով փորձագետ Գառնիկ Դավթյանը: Հուլիսի 1-ին, ժամը 11:00-ին Հայելի ակումբի հյուրն է զոհված զինծառայողի մայր Լիդա Առուշանյանը: Հունիսի 29-ին, ժամը 15:30-ին Հայելի ակումբի հյուրերն են զոհվածների հարազատները Հունիսի 29-ին, ժամը 11:00-ին Հայելի ակումբի հյուրն է Ազգային օրակարգ կուսակցությունից Հայկ Փայտյանը։ Թեմա՝ Ջհանգիրյանի և Վարդազարյանի հայտնի ձայնագրությունը, Նիկոլ Փաշինյանի ասուլիսն ու լրատվամիջոցնեորի բոյկոտը Հունիսի 29-ին, ժամը 15:00-ին Հայելի ակումբի հյուրն է Արա Զոհրաբյանը։ Թեմա՝ Ջհանգիրյանի և Վարդազարյանի հայտնի ձայնագրությունը, Նիկոլ Փաշինյանի ասուլիսն ու լրատվամիջոցնեորի բոյկոտը Հունիսի 29-ին, ժամը 14:00-ին Հայելի ակումբի հյուրն է հեռուստամեկնաբան Լիլիթ Մելքոնյանը։ Թեմա՝ Լարսի վիճակը, արտահանողների առջև ծառացած խնդիրները, ինչ է սպասվում գյուղմթերքի շուկայում Հունիսի 29-ին, ժամը 13:00-ին Հայելի ակումբի հյուրն է մուլտիպլիկատոր Դավիթ Սահակյանցը։ Թեմա՝ Լարսի վիճակը, արտահանողների առջև ծառացած խնդիրները, ինչ է սպասվում գյուղմթերքի շուկայում
Հետևեք մեզ Facebook-ում https://www.facebook.com/hayeliclub