ՌԴ-ի և ԱՄՆ-ի ԶՈՒ ղեկավարների ու ՊՆ-ների առաջին բանակցությունները. Պուտինի հետ արդեն հաշվի են նստում

Առաջին հեռախոսազրույցը ԱՄՆ-ի և ՌԴ-ի զինված ուժերի գլխավոր շտաբների ղեկավարների միջև

ՌԴ պաշտպանության նախարար Սերգեյ Շոյգուն երկրի նախագահ Վլադիմիր Պուտինին երեկ զեկուցեց գործողություններն ավարտելու և «Ազովստալ» գործարանի ու Մարիուպոլի ամբողջական գրավման մասին, հայտնում է ՌԴ ՊՆ-ն: «Ազովստալ» գործարանի տարածքը, որը գտնվում էր «Ազով» նացիստական կազմավորման վերահսկողության ներքո, ամբողջովին ազատագրվել է, ուրբաթ հայտարարել է ՌԴ ՊՆ պաշտոնական ներկայացուցիչ, գեներալ-մայոր Իգոր Կոնաշենկովը: «Մարիուպոլում գտնվող մետալուրգիական գործարանի տարածքը, որտեղ ապրիլի 21-ից արգելափակվել էր «Ազով» զորամիավորումը, ամբողջովին ազատագրվել է»,- ասել է Կոնաշենկովը:

Հատկանշական է, որ հենց երեկ ռուս - ուկրաինական պատերազմի մեկնարկից ի վեր առաջին անգամ հեռախոսազրույց են ունեցել Միացյալ Նահանգների և Ռուսաստանի զինված ուժերի գլխավոր շտաբների ղեկավարները։ Վալերի Գերասիմովը և Մարկ Միլին հեռախոսազրույցի ընթացքում «քննարկել են երկկողմ հետաքրքրություն ներկայացնող հարցերը՝ այդ թվում իրավիճակը Ուկրաինայում», - ասվում է Ռուսաստանի պաշտպանության նախարարության հաղորդագրությունում։ Այլ մանրամասներ չեն հրապարակվում։

Անցած շաբաթավերջին էլ հեռախոսազրույց էր կայացել Ռուսաստանի և Միացյալ Նահանգների պաշտպանության նախարարների միջև՝ նույնպես առաջին անգամ Ուկրաինայում պատերազմի ընթացքում: Ավելի վաղ Պենտագոնի ներկայացուցիչները հայտարարել էին, որ մի քանի անգամ փորձել են կապ հաստատել ռուսական կողմի հետ, սակայն իրենց զանգերն անպատասխան են մնացել:

Անցյալ շաբաթ, ռուս-ուկրաինական պատերազմը սկսվելուց հետո առաջին անգամ հեռախոսազրույց են ունեցել Միացյալ Նահանգների և Ռուսաստանի պաշտպանության նախարարներ Լլոյդ Օսթինը և Սերգեյ Շոյգուն։ Պենտագոնի մայիսի 13-ի երեկոյան տարածած հաղորդագրությունում նշված է, որ «Օսթինը կոչ է արել անհապաղ հրադադար հաստատել Ուկրաինայում և ընդգծել կապեր պահպանելու կարևորությունը»։

Ռուսաստանի պաշտպանության նախարարության հաղորդագրության համաձայն՝ քննարկվել են միջազգային անվտանգության հրատապ հարցերը, ներառյալ Ուկրաինայի իրավիճակը։ Նշվել էր, որ հեռախոսազրույցը կայացել է ամերիկյան կողմի նախաձեռնությամբ։ Նախորդ անգամ ԱՄՆ-ի և Ռուսաստանի պաշտպանության նախարարները հեռախոսազրույց էին ունեցել փետրվարի 18-ին՝ մինչև Ռուսաստանի ներխուժումը Ուկրաինա։

Մոսկվան «համարժեք հակաքայլեր է ձեռնարկում» ի պատասխան ՆԱՏՕ-ին Ֆինլանդիայի և Շվեդիայի դիմումների

Ռուսաստանի պաշտպանության նախարար Սերգեյ Շոյգուն հայտարարել է, որ ի պատասխան Շվեդիայի և Ֆինլանդիայի՝ ՆԱՏՕ-ի ռազմական դաշինքին միանալու քայլին, Մոսկվան մինչև տարեվերջ 12 նոր զորամաս և ստորաբաժանումներ կստեղծի Արևմտյան ռազմական օկրուգում։ «Լարվածությունը շարունակում է աճել Արևմտյան ռազմական օկրուգի պատասխանատվության գոտում: Մենք համարժեք հակաքայլեր ենք ձեռնարկում», - ասել է Շոյգուն։

Ֆինլանդիան և Շվեդիան մայիսի 18-ին պաշտոնապես դիմել են ՆԱՏՕ-ին՝ արևմտյան ռազմական դաշինքին միանալու համար։ Սկանդինավյան երկու երկրների երկարամյա չեզոքության կարգավիճակից հրաժարվելու պատճառը, ինչպես հայտարարել են, անվտանգության հետ կապված աճող մտահոգություններն են, որոնք ի հայտ են եկել Ուկրաինա Ռուսաստանի ներխուժման ֆոնին։ Ռուսաստանի նախագահն անցած օրերին հայտարարել է, որ Շվեդիայի և Ֆինլանդիայի ՆԱՏՕ-ին անդամակցությունը վտանգ չի ներկայացնում Ռուսաստանի համար, սակայն նախազգուշացրել է, որ Մոսկվան կպատասխանի, եթե դաշինքն ընդլայնի ռազմական ենթակառուցվածքները այդ երկրների տարածքներում։

Գերմանիայի նախկին կանցլերը լքում է «Ռոսնեֆտ»-ի տնօրենների խորհուրդը

Գերմանիայի նախկին կանցլեր Գերհարդ Շրյոդերը լքում է ռուսաստանյան «Ռոսնեֆտ»-ի տնօրենների խորհուրդը։ Այս մասին հայտնեց Ռուսաստանյան պետական ընկերությունը՝ առանց նշելու գերմանացի քաղաքական գործչի որոշման պատճառները։ «Ռոսնեֆտ»-ը շնորհակալություն է հայտնել Գերմանիայի նախկին կանցլերին «շարունակական աջակցության համար»:

Գերհարդ Շրյոդերը «Ռոսնեֆտ»-ի տնօրենների խորհրդում է 2007 թվականից, Ռուսաստանի իշխանությունների հետ իր սերտ կապերի պատճառով նա կոշտ քննադատության է արժանանում հայրենիքում, որտեղ նախօրեին պետության նախկին ղեկավարին զրկել են Բունդեսթագում գրասենյակից:

Գերմանիայի նախկին կանցլեր Գերհարդ Շրյոդերը, որին քննադատում են Ռուսաստանի հետ սերտ կապերի համար, պետք է հրաժարվի Բունդեսթագի իր գրասենյակից, գերմանական աղբյուրների համաձայն՝ նման որոշում է ընդունել օրենսդիր մարմնի աշխատակազմը։

Գերմանական լրատվամիջոցները նշում էին, որ, այդուհանդերձ, 78-ամյա նախկին կանցլերը կշարունակի թոշակ ստանալ, օգտվել թիկնապահների ծառայությունից, ինչը նախատեսված է կառավարության նախկին ղեկավարների համար։

Գերմանիայի սոցիալ-դեմոկրատական կուսակցության անդամ Շրյոդերը, ով կանցլերի պաշտոնում աշխատել է 1998-2005թթ., հայտնի է Ռուսաստանի նախագահ Վլադիմիր Պուտինի հետ ընկերական կապերով: Պետական պաշտոնը թողնելուց հետո նա նախ աշխատում էր «Հյուսիսային հոսք» ռուս-գերմանական գազատարի շինարարությունն իրականացնող ընկերությունում, ապա՝ մինչ օրս, ռուսական «Գազպրոմ» գազային կոնցեռնում։

Մայիսի 19-ին Եվրամիության օրենսդիր մարմնի կողմից հավանության արժանացած բանաձևն էլ կոչ է անում պատժամիջոցներ սահմանել «ռուսաստանյան խոշոր ընկերությունների ղեկավարության եվրոպացի ներկայացուցիչների և քաղաքական գործիչների նկատմամբ, ովքեր շարունակում են Ռուսաստանից փող ստանալ»։

«Ռուսաստանի պետական ակտիվներն Ուկրաինային փոխանցելու որոշումը կլինի բացահայտ թալան»

Օրերս Կրեմլը հայտարարեց, թե «Մեծ յոթնյակը» և Եվրոպական միությունը կդիմեն բացահայտ թալանի, եթե որոշեն Ռուսաստանի սառեցված պետական ակտիվները փոխանցել Ուկրաինային:

Այդպես Ռուսաստանի նախագահ Վլադիմիր Պուտինի խոսնակ Դմիտրի Պեսկովն արձագանքել է Գերմանիայի ֆինանսների նախարար Քրիստիան Լինդներին, ով ասել է, թե պատրաստ է քննարկել «ռուսական առգրավված պետական միջոցները Կիևին փոխանցելու և դրանցով Ուկրաինայի վերակառուցումը ֆինանսավորելու հնարավորությունը»: «Ոչ ոք նման բան ռուսական կողմին կամ Կրեմլին չի ասել, և եթե լինի նման բան, ապա այդ որոշումը կլինի բացարձակ ապօրինի, աղաղակող և կպահանջի համապատասխան արձագանք, դա բացահայտ թալան կլինի»,- ասել է Պեսկովը:

Գերմանիայի ֆինանսների նախարարը նշել է, որ Եվրամիության և «Մեծ յոթնյակի» շրջանակներում քննարկում են այդ հնարավորությունը:

Ուկրաինայի վրա հարձակվելու կապակցությամբ արևմտյան երկրների բանկերում սառեցրել են Ռուսաստանի ակտիվները, դրամական միջոցները և արժեթղթերը: Ենթադրվում է, որ դրանց ընդհանուր գումարը հարյուր միլիարդավոր դոլարների է հասնում:

ԱՄՆ-ը և ԵՄ-ը կհամակարգեն գործողությունները՝ մեղմելու Ուկրաինայում պատերազմի հետևանքները

Եվրամիությունը և ԱՄՆ-ը պայմանավորվեցին հետագայում համակարգել իրենց գործողությունները՝ «մեղմացնելու Ուկրաինայում Ռուսաստանի պատերազմի բացասական հետևանքները համաշխարհային տնտեսության համար»: ԵՄ գործադիր մարմնի՝ Եվրահանձնաժողովի և ամերիկյան վարչակազմի ներկայացուցիչները մի քանի օր առաջ հավաքվել էին Փարիզի Սակլե արվարձանում՝ քննարկելու համագործակցության հարցեր։ ԵՄ-ԱՄՆ Առևտրի և տեխնոլոգիաների հարցերով խորհրդի նիստից հետո հրապարակված համատեղ հայտարարությունում ասվում է, որ նրանք հավատարիմ են՝ «աշխատելու Ուկրաինայի հետ՝ վերականգնելու նրա տնտեսությունը և խթանելու առևտուրն ու ներդրումները»:

Երկուստեք բարձր է գնահատվել «արտահանման վերահսկողության ոլորտում աննախադեպ համագործակցությունը», որը, մասնավորապես, ուղղված է Մոսկվայի արդյունաբերական ու ռազմական ներուժի զարգացումը խոչընդոտելուն։

Մետաքսյա Շալունց

դիտվել է 3593 անգամ
Լրահոս
Ինքը մի մեծ բանդա ունի, որոնք թիրախավորված աշխատում են, բողոքում այս կամ այն ալիքի ու էջի դեմ․ Անժելա Թովմասյան Տրամաբանական է, որ Փաշինյանը Հայելու մեջ իրեն տեսնելով պիտի ընկներ ցնցումների մեջ և փորձեր ճնշումների ենթարկել Ավերողին թողել, ավերմունքի դեմ խոսողին են ուզում բռնել` խելքի աշեցեք Դատարանը վարույթ է ընդունել Սորոսի հայաստանյան հիմնադրամի լուծարման պահանջով հայցադիմումը. ՀՀ ԱՆ-ն ներգրավված է որպես երրորդ անձ Նոր քրեական դատավարության օրենսգրքով անընդհատ երկարացվող 2-ամսյա ժամկետի ռեժիմը չի գործում. Ռուբեն Մելիքյան Թրքասեր Արսե'ն, հետաքրքիր է, եղբորդ կամ որդուդ, եթե թուրքը մորթի, կրկին նույն թրքամետ զառանցանքներով հանդես կգա՞ս... Թուրքիայի ԱԳՆ-ն` Սերդար Քըլըչի և Ռուբեն Ռուբինյանի չորրորդ հանդիպման մասին Հուլիսի 4-ին՝ 10:30-ին հավաքվենք Բաղրամյան-Դեմիրճյան խաչմերուկի այգում. Արամ Վարդեւանյան Պատրաստակամությունս եմ հայտնում թե՛ իրավական, թե՛ քաղաքական իմաստով աջակցել Անժելա Թովմասյանին Կեցցե՛ս, Անժելա... Վերջապես նիկոլականների համույթն էլ սկսեց գնահատել քեզ... Տեղապտույտը հենց ձեր «խաղաղության» օրակարգն է Չի հաջողվելու, հետ կանգնեք այդ կործանարար գործողություններից Այս թրքահաճո, ադրբեջանամետ, ստահոտ, անգրագետ և հակահայկական հայտարարության հետքերով ԱՆՊԱՅՄԱՆ պետք է «գնան» համապատասխան ծառայությունները. Արման Աբովյան էրդոհան-ալիև-փաշինյան տրիոն Հայաստանում թիրախավորել է բոլոր այն անհատներին, ովքեր փորձում են ըմբոստանալ իրենց Հայաստանակործան ծրագրերին Վթար Երևան-Գյումրի ավտոճանապարհին Արտամարմնային բեղմնավորմամբ չօգտագործված սաղմերը կարող են տրամադրվել կարիքն ունեցող զույգերին.Ռոբերտ Հայրապետյան Իվետա Տոնոյանը նշանակվել է ԲՀԿ աշխատակազմի ղեկավար Պետական դավաճանության գործը կարճվեց Ովքեր են Ալեքսանյանի դստեր հարսանիքի հյուրերը Էշով տղան ազատ է արձակվել «Տեսնես ո՞ւր մնացին»․ Սուրեն Սարգսյանը՝ Հայաստան չժամանած կոնգրեսականների մասին Տեղապտույտը հենց ձեր «խաղաղության» օրակարգն է․ Արսեն Բաբայան Բայրամովն առաջիկա օրերին կայցելի Իրան Նիկոլը ցույց է տալիս աշխարհին, որ իբրև թե հայ ժողովրդի համար դավաճանությունը «նորմալ երևույթ» է. Զաքարյան Սպասվում է անձրև և ամպրոպ. օդի ջերմաստիճանը կնվազի
Ամենաընթերցվածները
Շուտով
Հուլիսի 1-ին, ժամը 16:30-ին Հայելի ակումբի հյուրն է մանկավարժ Գյուլնարա Ալեքսանյանը: Հուլիսի 1-ին, ժամը 16:00-ին Հայելի ակումբի հյուրն է ՍԴ աշխատակազմի նախկին ղեկավար էդգար Ղազարյանը Հուլիսի 1-ին, ժամը 14:00-ին Հայելի ակումբի հյուրն է ԱԺ նախկին պատգամավոր Գևորգ Պետրոսյանը: Հուլիսի 1-ին, ժամը 13:00-ին Հայելի ակումբի հյուրն է Ադրբեջանի հարցերով փորձագետ Գառնիկ Դավթյանը: Հուլիսի 1-ին, ժամը 11:00-ին Հայելի ակումբի հյուրն է զոհված զինծառայողի մայր Լիդա Առուշանյանը: Հունիսի 29-ին, ժամը 15:30-ին Հայելի ակումբի հյուրերն են զոհվածների հարազատները Հունիսի 29-ին, ժամը 11:00-ին Հայելի ակումբի հյուրն է Ազգային օրակարգ կուսակցությունից Հայկ Փայտյանը։ Թեմա՝ Ջհանգիրյանի և Վարդազարյանի հայտնի ձայնագրությունը, Նիկոլ Փաշինյանի ասուլիսն ու լրատվամիջոցնեորի բոյկոտը Հունիսի 29-ին, ժամը 15:00-ին Հայելի ակումբի հյուրն է Արա Զոհրաբյանը։ Թեմա՝ Ջհանգիրյանի և Վարդազարյանի հայտնի ձայնագրությունը, Նիկոլ Փաշինյանի ասուլիսն ու լրատվամիջոցնեորի բոյկոտը Հունիսի 29-ին, ժամը 14:00-ին Հայելի ակումբի հյուրն է հեռուստամեկնաբան Լիլիթ Մելքոնյանը։ Թեմա՝ Լարսի վիճակը, արտահանողների առջև ծառացած խնդիրները, ինչ է սպասվում գյուղմթերքի շուկայում Հունիսի 29-ին, ժամը 13:00-ին Հայելի ակումբի հյուրն է մուլտիպլիկատոր Դավիթ Սահակյանցը։ Թեմա՝ Լարսի վիճակը, արտահանողների առջև ծառացած խնդիրները, ինչ է սպասվում գյուղմթերքի շուկայում
Հետևեք մեզ Facebook-ում https://www.facebook.com/hayeliclub