Թուրք բնորոշման իրական նշանակությունը խճճել է ազգային արժանապատվության նվաստացման հարցում չկողմնորոշվածին

 Հայտնի դարձավ, որ ձերբակալվել է պրոդյուսեր Արմեն Գրիգորյանը՝ մի քանի ամիս առաջ «Հայելի» ակումբում տեղի ունեցած ասուլիսի ժամանակ հնչեցրած մտքերի համար։

ԱԱԾ տարածած հաղորդագրության համաձայն՝ համացանցում և զանգվածային լրատվության միջոցներում հրապարակվել են «Հայելի» ակումբում և այլ տեղերում պրոդյուսեր Արմեն Գրիգորյանի կողմից տրված հարցազրույցները, որոնց ժամանակ վերջինս, անտեսելով ՀՀ Սահմանադրությամբ ամրագրված՝ մարդու արժանապատվության անխախտելիության սկզբունքը, հրապարակայնորեն նվաստացրել է Շիրակի և Արարատյան դաշտավայրերի բնակչության ազգային արժանապատվությունը և մտացածին գաղափարներով կասկածի տակ դրել նրանց էթնիկ ծագումնաբանությունը:
«ՀՀ ազգային անվտանգության ծառայության քննչական դեպարտամենտում ազգային արժանապատվությունը հրապարակայնորեն նվաստացնելու դեպքի առթիվ հարուցված քրեական գործի շրջանակներում Արմեն Գրիգորյանը ՀՀ քրեական օրենսգրքի 226-րդ հոդվածի 2-րդ մասով նախատեսված հանցանք կատարելու համար ձերբակալվել է, միաժամանակ քննիչի կողմից միջնորդություն է ներկայացվել դատարան` նրա նկատմամբ կալանավորումը որպես խափանման միջոց կիրառելու համար:
Ազգային անվտանգության ծառայությունը զգուշացնում է, որ իրեն վերապահված լիազորությունների շրջանակում այսուհետ ևս հետամուտ է լինելու ազգային արժանապատվությունը նվաստացնելուն, ազգային թշնամանք հարուցելուն ուղղված նմանատիպ դրսևորումները չեզոքացնելու համար և համարժեք միջոցներ է ձեռնարկելու` կատարված հանցագործության դեպքերի բացահայտման ու մեղավորներին քրեական պատասխանատվության ենթարկելու ուղղությամբ»,- հայտնում է ԱԱԾ կայքը և հավելում, որ նշված հանցավոր արարքի համար ՀՀ քրեական օրենսգրքով նախատեսված է ազատազրկում` 3-6 տարի ժամկետով:

Նկատենք, որ տվյալ դեպքում խոսքն այն մասին է, որ ամիսներ առաջ Արմեն Գրիգորյանը հայտարարել է, թե բոլոր նրանք, այդ թվում նաև Շիրակի և Արարատյան դաշտի այն բնակիչները, ովքեր քվեարկել են Նիկոլ Փաշինյանի օգտին, թուրք են։ Փաստորեն, թուրք բնորոշումը ազգային արժանապատվության նվաստացում է դիտվում։
Բայց չէ՞ որ Փաշինյանի քաղաքական թիմը գիշեր-ցերեկ հայտարարում է հայ և թուրք ժողովուրդների միջև բարեկամական հարաբերությունների ձևավորման հրատապության մասին։ Այդ ինչո՞ւ են հանկարծ այդ բնորոշումից իրենց նվաստացած զգացել։ Նվաստացած ազգային արժանապատվությամբ հնարավոր չէ բարեկամություն և ընդհանրապես որևէ նորմալ հարաբերություն ստեղծել։ Նվաստացած ազգային արժանապատվությամբ հնարավոր է կառուցել միայն նոր ցեղասպանության նպաստավոր միջավայր։ Եթե ՀՀ ԱԱԾ-ն ունի այդ գիտակցումը, պետք է անհապաղ կալանքի վերցնի նաև Նիկոլ Փաշինյանին ու նրա քաղաքական թիմին՝ հայ ժողովրդի ազգային արժանապատվության նվաստացման հաշվին թուրքերի հետ <<բարեկամություն>> սկսելու համար։ Հակառակ պարագայում պրոդյուսեր Արմեն Գրիգորյանի հրապարակային հայտարարությունները պետք է դիտարկվեն բացառապես քաղաքական համատեքստում՝ ընդունելով, որ նա որևէ մեկին չի վիրավորել, այլ հնչեցրել է քաղաքական գնահատական, որը յուրաքանչյուր մարդու սահմանադրական իրավունքն է։

Ըստ էության Նիկոլ Փաշինյանը հանձնարարել է ԱԱԾ-ին անպայմանորեն ձերբակալել Արմեն Գրիգորյանին՝ նրան վերագրելով ՀՀ քրեական օրենսգրքի 226-րդ հոդվածի 2-րդ մասով նախատեսված հանցանքը։ Հասկանալով այս պարզ իրողությունը՝ փորձենք թարմացնել պետության անվտանգության համար պատասխանատու կառույցի հիշողությունը։ Իշխանության և Նիկոլ Փաշինյանի մոլի պաշտպաններից մեկը՝ Ռուստամ Ավագյանը, 2020-ի նոյեմբերին արցախցիների հասցեին հնչեցրել է վիրավորական բնորոշումներ, այդ թվում նաև արտաբերել է այն բառը, որը, ըստ վերը նշված հողորդագրության, ԱԱԾ-ն դիտարկել է Շիրակի և Արարատյան դաշտավայրերի բնակչության ազգային արժանապատվության հրապարակային նվաստացում։ Նիկոլ Փաշինյանի աջակիցը ձերբակալված չէ, և սա լավագույն փաստն է այն մասին, որ Արմեն Գրիգորյանի հանդեպ քաղաքական հալածանք է իրականացվում։

Այսինքն՝ եթե դու ազգի մի հատվածին վիրավորում ես Նիկոլ Փաշինյանին ու նրա իշխանությանը պաշտպանելու համար, դու Սահմանադրությունն ու Քրեական օրենսգիրքը չես խախտում։ Իսկ եթե ընդդիմադիր ես, կարող ես հայտարարվել ժողովրդի թշնամի, ինչպես դա արվում էր նախորդ դարի 37 թվականին։

 

Հայկ Դավթյան

դիտվել է 4093 անգամ
Լրահոս
ԲԱՑԱՌԻԿ․ Տավուշի բնակիչները 10 օր ժամանակ են տվել Փաշինյանին Ոսկեպարի և Բաղանիսի բնակիչները Նիկոլ Փաշինյանի հետ հանդիպումից հետո պատրաստակամություն են հայտնել փակել ճանապարհները ԱԱԾ պահեստազորի սպաների միությունը շնորհավորել է Վլադիմիր Պուտինին Ստոլտենբերգն Անդրկովկասում սկում է «Մեծ խաղ» Հայաստանը չպետք է դառնա միաբևեռ աշխարհի ջատագով․ Էդուարդ Շարմազանով Ռուսաստանը կարող է «սանիտարական գոտի» ստեղծել Ուկրաինայում. Պուտին ՆԱՏՕ-ի գլխավոր քարտուղարը Վրաստանում է Սփյուռքը պետք է վերակազմակերպվի, Արցախի գերեվարված ռազմաքաղաքական ղեկավարները պետք է ազատ արձակվեն. Արամ Ա Որոշ շրջաններում ձյուն է տեղում․ ինչ իրավիճակ է ՀՀ ճանապարհներին ժամը 20։00-ի դրությամբ Առաջին անգամ Ոսկեպարում մետաղորսիչ սարքեր են դրել Փաշինյանի հետ հանդիպմանը. Նոր մանրամասներ Փաշինյանի «ահաբեկչական» այցը Ոսկեպար Ժողովու'րդ, Նիկոլի կողմից այդ 4 գյուղերի նվիրումը Ադրբեջանին ԲՈԼՈՐՍ խնդիրն է և միայն ոսկեպարցին կամ բաղանիստցին այդ հարցով չպետք է զբաղվեն... «Թարգմանեմ ՔՊերենից». Վլադիմիր Մարտիրոսյանը ցանկ է ներկայացրել Փաշինյանը գնացել էր համոզելու ոսկեպարցիներին, որ Ոսկեպարը մերը չի և պետք է հանձնի Ալիևին. Հակոբյան «SOCAR»-ը Թուրքիայում նոր ներդրումային քաղաքականություն է մշակում Եգիպտոսը հաստատել է, որ իր պատվիրակությունը Կատարում մասնակցում է Գազայի հարցով բանակցություններին Ստոլտենբերգը հուսով է, որ Վրաստանը կդառնա ՆԱՏՕ-ի անդամ Քանաքեռավանի գազալցակայանում տեղի ունեցած պայթյունի հանգամանքները պարզվում են քրեական վարույթի շրջանակում Լարսը բացվել է բեռնատարների համար Իսակովի պողոտայում՝ ռուսական եկեղեցու դիմաց, «КамАЗ»-ը վրաերթի է ենթարկել հետիոտնին և բախվել «Hyundai»-ին Հայաստան,Ադրբեջան և Վրաստան կատարած պատմական այցի ընթացքում կքննարկվեն հայ-ադրբեջանական հարաբերությունների կարգավորման գործընթացը․ Կոլոմինա «ԱՄՆ-ը չի կարող երաշխավորել Հայաստանի անվտանգությունը»․ սառը ցնցուղ Վաշինգտոնից. հեղինակավոր «Ռենդ»-ը հոդված է հրապարակել. 168.am ՀՀ տարածքում կան փակ ճանապարհներ․ Լարսը շարունակում է մնալ փակ բեռնատարների համար Աբովյանում զենքի գործադրմամբ խմբակային խուլիգանության վարույթով մեղադրանք է ներկայացվել ևս երեք անձի. ՔԿ Շիրակի մարզպետարանի 2 աշխատակից կալանավորվել է
Ամենաընթերցվածները
Շուտով
Մարտի 19-ին՝ ժամը 16։30-ին, Հայելի ակումբի հյուրն է Աննա Այվազյանը/ Արցախ/ Մարտի 19-ին՝ ժամը 13։00-ին, Հայելի ակումբի հյուրն է Վարդուհի Գևորգյանը Մարտի 19-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը Մարտի 19-ին՝ ժամը 16։00-ին, Հայելի ակումբի հյուրն է Մանուել Մանուկյանը Մարտի 18-ին՝ ժամը 12։30-ին, Հայելի ակումբի հյուրն է Հովհաննես Իշխանյանը Մարտի 18-ին՝ ժամը 14։00-ին, Հայելի ակումբի հյուրն է Սարգիս Ավետիսյանը Մարտի 18-ին՝ ժամը 11։00-ին, Հայելի ակումբի հյուրն է Էդգար Ղազարյանը Մարտի 18-ին՝ ժամը 16։00-ին, Հայելի ակումբի հյուրն է Դավիթ Սահակյանցը Մարտի 18-ին՝ ժամը 15։00-ին, Հայելի ակումբի հյուրն էՍուրեն Սուրենյանցը Մարտի 15-ին՝ ժամը 16։00-ին, Հայելի ակումբի հյուրն է վաստակավոր մանկավարժ Գյուլնարա Ալեքսանյանը
Հետևեք մեզ Viber-ում https://cutt.ly/5wn8sJBS
Hayeli.am