Խնդիրն առաջադրելուց առաջ պաշտոնատար անձը պետք է հասկանա, թե ինչքանով կարող է այդ անձը խնդիրը լուծել․ Տիրան Խաչատրյան

«Պատերազմը Զինված ուժերի խնդիրն է, բայց պատերազմը նաև քաղաքականության շարունակությունն է ռազմական ճանապարհով: Պատերազմում Զինված ուժերի կամ ռազմականացված կառույցների դերակատարությունը 12-15 տոկոս է ընդամենը: Իսկ զինված ուժերը այսօր էլ ի զորու են այն ձևով կատարել խնդիրները, ինչ ձևով որ սահմանվում և դրվում են: Միայն մեկ բան պետք է հաշվի առնել, որ խնդիրն առաջադրելուց առաջ պաշտոնատար անձը պետք է հասկանա, թե ինչքանով կարող է այդ անձը խնդիրը լուծել»,-Ֆրանսիայի հրապարակում անվտանգության հարցերով քննարկման ժամանակ ասաց ԳՇ պետի նախկին տեղակալ Տիրան Խաչատրյանը:

«Այն տեղերում, որտեղ առաջադրանքների կազմակերպումը կազմակերպված է եղել, որևէ խնդիր չենք ունեցել, իսկ որտեղ այդ հարցերին մատների արանքով են նայել, կամ այլ թելադրանքներից ելնելով, ճիշտ չի իրականացվել, եղել են խնդիրներ: Մյուս կողմից, ասում ենք՝ պատերազմը ԶՈՒ խնդիրն է, բայց պատերազմը քաղաքականության շարունակությունն է ռազմական ճանապարհով, քաղաքականությունը ինչպես իր ընթացքը վերցնում է, այնպես էլ պատերազմը վարող ուժերն են իրենց ընթացքը տանում: Զինված ուժերի դերակատարումը պատերազմում 12-15 տոկոս է: Ուստի սխալ է վերլուծել ԶՈւ-ն՝ առանց ամբողջ կառավարման համակարգը հաշվի առնելու։ Բանակը պատրաստ է այսօր կատարել իր վրա դրված խնդիրները»,- շարունակեց Տիրան Խաչատրյանը