Նպատակը՝ վեհ է. Պուտինը կշարունակի պատերազմը

Պուտինը կրկին վստահեցնում է իր հաղթանակի մեջ, Զելենսկին` ահազանգում Դոնբասում սպասվող հարձակման մասին

Մինչ Արևմուտքը խոսում է Դոնբասում սպասվող խոշոր ճակամարտի, ռուսական բանակի պատերազմական հանցագործությունների ու պատժամիջոցները խստացնելու մասին, Ռուսաստանի նախագահը այսօր կրկին պնդել է, թե վստահ է իր հաղթանակի մեջ։ «Այդպես էլ կլինի: Կասկած չկա։ Նպատակները միանգամայն հասկանալի են, դրանք վեհ են։ Հիմնական նպատակը Դոնբասի մարդկանց օգնելն է: Մեզ ստիպեցին դա անել, քանի որ Կիևի իշխանությունները՝ Արևմուտքի կողմից դրդված, հրաժարվեցին կատարել խնդիրների լուծմանն ուղղված Մինսկի համաձայնագրերը», - ըստ «Ազատության» ասել է Պուտինը:

Ընդ որում, «հատուկ օպերացիայի» մասին խոսելիս Կրեմլի ղեկավարն այսօր ընդգծել է, որ այն ընթանում է ոչ թե Ուկրաինայի ողջ տարածքում, այլ Դոնբասում։
Ավելի քան մեկուկես ամիս շարունակվող պատերազմի ընթացքում լրագրողներից ու լրատվամիջոցներից խուսափող Պուտինն այս մասին խոսել է Տիեզերագնացության օրը` այցելելով «Վոստոչնի» տիեզերակայան։ Այցի ընթացքում նրան ուղեկցում էր Արևմուտքի պատժամիջոցների տակ ընկած մյուս առաջնորդը՝ Բելառուսի նախագահ Ալեքսանդր Լուկաշենկոն։

Ինքը՝ Պուտինը, Արևմուտքի աննախադեպ պատժամիջոցների մասին ուղիղ չի խոսել, բայց պնդել է, թե անհնար է Ռուսաստանը մեկուսացնել։ Նրա փոխանցմամբ` ժամանակակից աշխարհում որևէ երկրի հնարավոր չէ կոշտ պայմաններով մեկուսացնել, իսկ Ռուսաստանի նման հսկա երկրին՝ առավել ևս. «Այդ իսկ պատճառով մենք կաշխատենք մեր գործընկերների հետ, որոնք ուզում են համագործակցել»։ Թե որ երկրների մասին է խոսքը, և որ գործընկերներն են պատրաստ շարունակել փոխգործակցությունը Ռուսաստանի հետ, Պուտինը չի հստակեցրել։
Մինչ այդ Ուկրաինայի նախագահը շարունակում է պնդել, որ ռուսական բանակը պատրաստվում է այս շաբաթ կտրուկ հարձակման անցնել Դոնբասի հյուսիսում և հարավում։

Ռազմական վերլուծաբանները կանխատեսում են, որ Դոնբասում կայանալիք մարտերը թեժ են լինելու, ամենամեծը Երկրորդ համաշխարհային պատերազմից հետո։ Այժմ երկու կողմերն էլ իրենց ուժերը տեղափոխում են ճակատամարտի տարածք։ Պատերազմի սկզբունքորեն նոր փուլ պետք է սկսվի, և ռուսական կողմը ամեն ինչ կանի մինչ մայիսի ինը` Հաղթանակի օրը մեծ, շոշափելի հաջողություն արձանագրելու համար, գրում են վերլուծաբանները` հավելելով, թե հակառակ դեպքում նույնիսկ քարոզչության զոհ դարձած շարքային ռուսաստանցիները կտեսնեն, որ Պուտինի ծրագրերը իրականում տապալվել են։

Քաղաքագետ Դմիտրի Օրեշկինը, օրինակ, համոզված է Ուկրաինայում ռուսական կողմի պարտության մեջ. «Այժմ Պուտինի և Շոյգուի փայլուն բանակն ակնհայտորեն տանուլ է տալիս Ուկրաինայի հետ բախումը։ Եթե հաղթեր, այս ամբողջ գործողության հրամանատարին փոխելու կարիք չէր լինի։ Եվ սա հենց այն է, ինչ մենք տեսանք երեկ։ Այսպիսով, Պուտինը պարտվում է, ինչպես կանխատեսվում էր, Պուտինը ռազմավարական պարտվող է: Պարզապես դա դեռ չի գիտակցվում Ռուսաստանի բնակչության կողմից, բայց սա մի քանի ամսվա խնդիր է»,- «Ազատության» Настоящее время ծրագրին ասել է քաղաքագետը` հավելելով, թե Կրեմլն այսօր իր աշխարհաքաղաքական ամբիցիաներն իրագործելու ռեալ ռեսուրսներ չունի:

Ռուսաստանի նախագահը վճռական է շարունակելու պատերազմը Ուկրաինայում

Ռուսաստանի նախագահ Վլադիմիր Պուտինն այսօր ասել է, թե Ուկրաինայում «աճեցված հակառուսական ուժերի» հետ բախումն անխուսափելի էր, այն պարզապես ժամանակի հարց էր։ Պուտինը Բելառուսի նախագահ Ալեքսանդր Լուկաշենկոյի հետ այցելել է «Վոստոչնի» տիեզերակայան, որտեղ աշխատակիցների հետ հանդիպմանն ասել է․- «Ուկրաինան սկսել էին վերածել հակառուսական պլացդարմի, սկսել էին սնուցել վաղուց այնտեղ առկա ազգայնականության և նեոնացիզմի ծիլերը: Հատուկ աճեցրել են նեոնացիզմի ճյուղեր և այդ ուժերի հետ Ռուսաստանի բախումն անխուսափելի էր, նրանք միայն ժամանակ էին ընտրում հարձակման համար»,- պնդել է Պուտինը, նշելով, թե հատուկ ռազմական գործողության «վեհ նպատակը» Դոնբասի բնակիչներին օգնել է, ինչպես նաև ապահովել Ռուսաստանի անվտանգությունը։ «Ակնհայտ է, որ ուրիշ ընտրություն մենք չունեինք, սա է ճշմարտությունը։ Իսկ այն, որ նպատակները ձեռք կբերվեն, որևէ կասկած չկա»,- ըստ «Ազատության» հայտարարել է Պուտինը։ Նա «Վոստոչնի» էր գնացել տիեզերագնացության օրվա կապակցությամբ ու պարգևներ է հանձնել աշխատակիցներին։

Ուկրաինան ստուգում է ռուսական ուժերի կողմից ֆոսֆորային զենք կիրառելու կասկածները

Ուկրաինայի պաշտպանության փոխնախարար Հաննա Մալյարն այսօր ասել է, որ զինվորականներն ուսումնասիրում են Մարիուպոլում անօդաչու թռչող սարքի հարձակումից հետո մի խումբ մարդկանց շնչառական և նյարդաբանական հիվանդությունների պատճառները։ Հեռուստատեսության հարցազրույցում նա այսօր ասել է, թե վարկած կա, որ դա կարող է ֆոսֆորային զենքի հարձակման հետևանք լինել։ Նա նշել է, որ պաշտոնական հաղորդագրություն ավելի ուշ կլինի։ Ֆոսֆորներ պարունակող զինատեսակը քիմիական զենք չի համարվում, այն հրկիզող զենքի տեսակ է, որի կիրառումը անօրինական չէ, բայց ամեն դեպքում Ժնևյան կոնվենցիաներով բնակչության դեմ ցանկացած զենքի օգտագործում արգելված է։ ԱՄՆ-ն և Բրիտանիան ասել են, որ կստուգեն ռուսական ուժերի կողմից նման զենք կիրառելու կասկածները։

Ըստ Ռուսաստանի ՊՆ-ի՝ Մարիուպոլում ուկրաինական ուժերը շրջափակումը ճեղքելու անհաջող փորձ են կատարել 

Ռուսաստանի պաշտպանության նախարարության խոսնակ, գեներալ Իգոր Կոնաշենկովն այսօր ասել է, որ գիշերը Մարիուպոլի «Իլյիչի» գործարանում շրջափակված ուկրաինական ուժերը փորձել են ճեղքել շրջափակումը, բայց նրանց փորձը ձախողվել է։ «Ուկրաինայի շուրջ 100 զինվորականների խումբը զրահամեքենաներով փորձել է մարտերով դուրս գալ գործարանի տարածքից և հյուսիսային ուղղությամբ հեռանալ քաղաքից։ Հրետանու և ավիացիայի հարվածներով այդ փորձը կասեցվել է։ Ոչնչացվել է ուկրաինական 3 տանկ, 5 հետևակի մարտական մեքենա, 7 ավտոմեքենա և մինչև 50 զինվորական։ Եվս 42 ուկրաինացի զինվորականներ վայր են դրել զենքը և հանձնվել», - ըստ «Ազատության» ասել է Ռուսաստանի պաշտպանության նախարարության խոսնակը։ Պատերազմի պայմաններում կողմերի հայտնած տվյալներն անկախ աղբյուրներից հնարավոր չէ ճշտել։

Մետաքսյա Շալունց

դիտվել է 2717 անգամ
Լրահոս
Տեսախցիկն արձանագրել է՝ ինչպես է Արմավիր քաղաքում ԳԱԶ 31-ը բախվում Peugeot-ին, Peugeot-ն էլ՝ Mercedes G 500-ին Դավթաշենում մեկ գիշերում թալանել են մի քանի Lexus և Range Rover. ինչ կապ ունի Հենրիկ Նավասարդյանի որդին Թոխմախի Մհերին հրավիրել են դատախազություն «Մենք խելքի պիտի գանք, ուրիշ ճար չկա, էս կռիվը մինչև վերջ ենք տալու»․ Կարին Տոնոյան «Էրդողանի սիրտը 20 միլիարդ դոլար է ուզում» Բախվել են Nissan Pathfinder-ն ու Volkswagen Touareg-ը. վերջինս գլխիվայր շրջվել է Ծանրորդ Սերյոժա Բարսեղյանը՝ Եվրոպայի Մ15 տարեկանների չեմպիոն, Ժորա Գրիգորյանը՝ պատանիների փոխչեմպիոն «Եվ այս երևույթը աշխատու՞մ է, և սա ամեն օր դուրս է գալիս փողո՞ց․․․»․ Ավետիք Իշխանյան Չինաստանն անհանգստանում է Ուկրաինայում սկսվել է թուրքական «Բայրաքթար» ԱԹՍ-ների արտադրության գործարանի շինարարությունը Ադրբեջանի և Իրանի սահմանին փոխհրաձգություն է տեղի ունեցել ՔՊ պատգամավորի եղբայրը սպառնացել է աշխատակիցներին. հանցագործության մասին հաղորդում Ալիևը հայտնել է, թե ինչ է սպասվում Ղարաբաղի հայերին Առաջիկա շաբաթներին սպասում ենք, որ Հայաստանը կտրամադրի «Զանգեզուրի միջանցքի» երթուղին. Ալիև Վատագույն սցենարով՝ Իրանը կգնա մինչև վերջ․ կլինի՞ ռազմական միջամտություն․ իրանագետ (video) Նոր ցեղասպանություն ու ոչինչ չասող մտքեր՝ Արևմուտքից Էրդողան-Ալիև համակարգված սադրիչ քաղաքականությանը դիմագրավող չկա ՌԴ-ում ստեղծվել է մարտական ռոբոտ Աղավնոյի և Բերձորի գաղթը կազմակերպած իշխանությունները հարկ չեն համարում կազմակերպել մարդկանց փոխադրումը Մարինե Մելքոնյանը նշանակվել է Վերաքննիչ քրեական դատարանի դատավոր Ռոբերտ Քոչարյանի գործով նախկին դատախազը՝ Քոչարյանին կալանքից ազատած դատավորի գործով դատավոր Ադրբեջանցիների զրույցն եմ լսում․ասում են՝ որպես ահաբեկիչների՝ կխփեն բերձորցիներին, եթե․․․ազատամարտիկ (video) Ստեփանակերտում տեղի ունեցած վթարի դեպքի առթիվ հարուցվել է քրեական գործ Մոռացե՛ք, Հայաստանն Արցախի հետ նոր ճանապարհ չի ունենալու․ զենք պիտի վերցնենք․Հայկազուն Ալվրցյան (video) Աղավնոյի, Բերձորի ճակատագիրը որոշվելու է Երևանում. գործելու ժամն է. Հայկ Փայտյան (video)
Ամենաընթերցվածները
Շուտով
Օգոստոսի 12-ին, ժամը 13:30-ին Հայելի ակումբի հյուրն է իրանագետ Գարիկ Միսակյանը: Օգոստոսի 12-ին, ժամը 13:00-ին Հայելի ակումբի հյուրն է ազատամարտիկ Շահե Աճեմյանը: Օգոստոսի 12-ին, ժամը 12:30-ին Հայելի ակումբի հյուրն է Հայկազուն Ալվրցյանը: Օգոստոսի 12-ին, ժամը 11:30-ին Հայելի ակումբի հյուրն է Հայկ Փատյանը: Օգոստոսի 11-ին՝ ժամը 13:00-ին, «Հենարան» մամուլի ակումբում կհյուրընկալվի ՀՀԿ խորհրդի անդամ Հայկ Դերզյանը: ԹԵՄԱ՝ օգոստոսի 25-ից Սոս, Բերձոր և Աղավնո համայնքները կհայտնվել Ադրբեջանի վերահսկողության ներքո. հայերի տեղահանումը բնակավայրերից. ՀՀ և Արցախի սահմանների անվտանգությունը: Օգոստոսի 11-ին, ժամը 14:00-ին Հայելի ակումբի հյուրն է «Հայրենիք» կուսակցության անդամ Արսեն Նիկողոսյանը: Օգոստոսի 11-ին, ժամը 13:00-ին Հայելի ակումբի հյուրն է Տաթև Արցախը: Օգոստոսի 11-ին, ժամը 12:30-ին Հայելի ակումբի հյուրն է Ադրբեջանի հարցերով փորձագետ Գառնիկ Դավթյանը: Օգոստոսի 11-ին՝ ժամը 12:00-ին Հայելի ակումբի հյուրն է հոգեբան Կարինե Նալչաջյանը։ Օգոստոսի 11-ին՝ ժամը 11:00-ին Հայելի ակումբի հյուրերն են զոհվածների ծնողներ:
Հետևեք մեզ Facebook-ում https://www.facebook.com/hayeliclub