«Քավե՞լ» մեղքերը, թե՞ հակադրվել Մոսկվային

Ֆրանսիան ու Միացյալ Նահանգները հրաժարվել են համագործակցել Ռուսաստանի հետ՝ Մինսկի խմբի եռյակում, օրերս հայտարարեց ՌԴ արտգործնախարար Սերգեյ Լավրովը, պնդելով, թե Արևմուտքը վեր է դասել Ռուսաստանի հետ տարաձայնությունները ղարաբաղյան խնդրի կարգավորումից։ «Ես չգիտեմ՝ հետագա ինչ ճակատագիր է ունենալու այդ միջնորդական խումբը, քանի որ մեր ֆրանսիացի ու ամերիկացի գործընկերները ռուսաֆոբիայի ալիքի տակ՝ ձգտելով չեղարկել ամենը, ինչ վերաբերում է Ռուսաստանի Դաշնությանը, չեղարկել են նաև Մինսկի խմբի եռանախագահությունը, հայտարարելով, թե մեզ հետ չեն շփվելու այդ ձևաչափով։ Դա նրանց իրավունքն է, եթե նրանք պատրաստ են զոհաբերել ղարաբաղյան խնդրի, և ընդհանուր առմամբ՝ Կովկասի շահերը, պատրաստ են զոհաբերել տվյալ դեպքում հայկական կողմի շահերը՝ դա նրանց ընտրությունն է», - նշել էր Լավրովը:

Ի՞նչն էր ուշագրավ, որ հենց նույն օրը Լավրովի հետ մամլո ասուլիսում՝ Հայաստանի արտգործնախարար Միրզոյանը, մինչդեռ, չկիսեց ռուս գործընկերոջ հոռետեսական այս գնահատականն ու պնդեց, թե չնայած դժվարին աշխարհաքաղաքական իրադրությանը՝ եռանախագահության ձևաչափը վերջնականապես իր ուժը չի կորցրել. «Ես, ի դեպ, մի քիչ այլ նորություններ ունեմ։ Հաշվի առնելով շատ հստակ ազդակները, որոնք ստացել եմ մյուս համանախագահող երկրներից, ուզում եմ հաստատել, որ միջազգային համայնքը շարունակում է ղարաբաղյան խնդրի կարգավորումը տեսնել Մինսկի խմբի ձևաչափով, ինչը, պետք է ասեմ, շատ է հուսադրում»։ Միրզոյանը կրկնեց նաև Երևանի դիրքորոշումը, թե համանախագահությունը պետք է աջակցի հայ-ադրբեջանական խաղաղության պայմանագրի նախապատրաստման աշխատանքներին։

Նկատենք, որ շաբաթներ առաջ Երևանն այս հարցով դիմել էր միջնորդներին, երեք երկրներից որևէ մեկը, սակայն, դեռևս այդ հարցին պաշտոնապես չի արձագանքել։ Արարատ Միրզոյանը շեշտեց՝ իր այցը Մոսկվա տեղի է ունենում մի փուլում, երբ երկու երկրների ղեկավարների քննարկման առանցքում է լարված իրավիճակը Հարավային Կովկասում, Ղարաբաղում և հայ-ադրբեջանական սահմանին։

Այսօր, ահա, ՀՀ ԱԳ նախարար Արարատ Միրզոյանն այսօր Երևանում ընդունել է ԵԱՀԿ Մինսկի խմբի ֆրանսիացի համանախագահ Բրիս Ռոքֆոյին: Ըստ հանդիպմանը հաջորդած մամուլի հաղորդագրության` կարևորվել է ԵԱՀԿ Մինսկի խմբի համանախագահության դերը՝ իր մանդատի շրջանակներում Լեռնային Ղարաբաղի հակամարտության կարգավորման գործընթացում։ Կողմերը մեկ անգամ ևս ընդգծում են ԵԱՀԿ Մինսկի խմբի համանախագահության և համանախագահ երկրների միջնորդական դերը, և սա այն դեպքում, երբ օրեր առաջ Միրզոյան-Լավրով հանդիպումից հետո, Մինսկի խմբի համանախագահ երկիր Ռուսաստանի արտգործնախարարը կասկածի տակ էր դրել Ղարաբաղի հարցի լուծման միակ միջազգային մանդատ ունեցող ձևաչափի հետագա ճակատագիրը։

«Ես չգիտեմ՝ հետագա ինչ ճակատագիր է ունենալու այդ միջնորդական խումբը, քանի որ մեր ֆրանսիացի ու ամերիկացի գործընկերները ռուսաֆոբիայի ալիքի տակ՝ ձգտելով չեղարկել ամենը, ինչ վերաբերում է Ռուսաստանի Դաշնությանը, չեղարկել են նաև Մինսկի խմբի եռանախագահությունը, հայտարարելով, թե մեզ հետ չեն շփվելու այդ ձևաչափով։ Դա նրանց իրավունքն է, եթե նրանք պատրաստ են զոհաբերել ղարաբաղյան խնդրի և, ընդհանուր առմամբ Կովկասի շահերը, պատրաստ են զոհաբերել տվյալ դեպքում հայկական կողմի շահերը, դա նրանց ընտրությունն է», - հայտարարել էր Լավրովը:

Եվ ահա Լավրովի այս հայտարարությունից երեք օր անց Հայաստան ժամանեց Ֆրանսիացի համանախագահը։ Ըստ ԱԳՆ-ի՝ արտգործնախարարի հետ հանդիպմանը քննարկվել է նաև Լեռնային Ղարաբաղում՝ ՌԴ խաղաղապահ զորախմբի պատասխանատվության գոտի՝ Փառուխ գյուղ և մերձակա հատվածներ, ադրբեջանական զինված ուժերի ներխուժման արդյունքում ստեղծված իրավիճակը։

Միրզոյանը ներկայացրել է Ադրբեջանի կողմից Արցախի հայության համար միտումնավոր ստեղծվող հումանիտար խնդիրները և Լեռնային Ղարաբաղն էթնիկ զտումների ենթարկելուն ուղղված գործողությունները։ Ընդգծվել է ադրբեջանական զինված ստորաբաժանումների՝ մարտի 23-ի ելման դիրքեր վերադառնալու անհրաժեշտությունը, հաղորդում է ԱԳՆ-ն: Միրզոյանը ներկայացրել է Հայաստանի դիրքորոշումը՝ խաղաղության պայմանագրի շուրջ Ադրբեջանի բանակցություններ սկսելու վերաբերյալ՝ այդ համատեքստում ընդգծելով ԵԱՀԿ Մինսկի խմբի համանախագահության և համանախագահ երկրների միջնորդական դերը:

Իհարկե, այս մթնոլորտում, առանձնապես լավատես հնարավոր չէ լինել Մինսկի խմբի կենսունակության հարցում։ Մի կողմից, փաստ է, որ ԵԱՀԿ Մինսկի խումբը վաղուց գոյություն չունի, փաստացի գոյություն չունի 44-օրյա պատերազմից հետո»: Դրա փլուզմանը նպաստել են թե՛ պաշտոնական Բաքուն՝ տարիներ շարունակ, դեռ մինչև 44-օրյա պատերազմը, թե՛ Փաշինյանը՝ 2018-ի իր «թավշյա հեղափոխությունից» սկսած, երբ սկսեց առանձին բանակցություններ վարել Ալիևի, փաստացի, նպաստելով, որ ԵԱՀԿ ՄԽ-ի գործունեությունը կամաց-կամաց արգելափակվի:

Հիմա, կարծես, Հայաստանի իշխանությունները սկսել են կարևորել ԵԱՀԿ ՄԽ-ի դերը, հատկապես հիմա, երբ Լավրովն արձանագրեց, որ ԱՄՆ-ի ու Ֆրանսիայի դիրքորոշման պատճառով, ԵԱՀԿ ՄԽ-ի գործունեությունն արգելափակված է:

Մնում է հասկանալ, թե այսօր, երբ Վաշինգտոնն ու Փարիզը լարված հարաբերություններ ունեն Մոսկվայի հետ՝ ինչպե՞ս են աշխատելու ԵԱՀԿ ՄԽ-ի շրջանակներում, եթե անգամ, Փաշինյանի իշխանությունը գիտակցել է իր գործած մեղքի բաժինը՝ ԵԱՀԿ ՄԽ-ի դերն էլ իր մասով՝ նվազեցնելու գործում:

Մետաքսյա Շալունց

դիտվել է 2388 անգամ
Լրահոս
Տեսախցիկն արձանագրել է՝ ինչպես է Արմավիր քաղաքում ԳԱԶ 31-ը բախվում Peugeot-ին, Peugeot-ն էլ՝ Mercedes G 500-ին Դավթաշենում մեկ գիշերում թալանել են մի քանի Lexus և Range Rover. ինչ կապ ունի Հենրիկ Նավասարդյանի որդին Թոխմախի Մհերին հրավիրել են դատախազություն «Մենք խելքի պիտի գանք, ուրիշ ճար չկա, էս կռիվը մինչև վերջ ենք տալու»․ Կարին Տոնոյան «Էրդողանի սիրտը 20 միլիարդ դոլար է ուզում» Բախվել են Nissan Pathfinder-ն ու Volkswagen Touareg-ը. վերջինս գլխիվայր շրջվել է Ծանրորդ Սերյոժա Բարսեղյանը՝ Եվրոպայի Մ15 տարեկանների չեմպիոն, Ժորա Գրիգորյանը՝ պատանիների փոխչեմպիոն «Եվ այս երևույթը աշխատու՞մ է, և սա ամեն օր դուրս է գալիս փողո՞ց․․․»․ Ավետիք Իշխանյան Չինաստանն անհանգստանում է Ուկրաինայում սկսվել է թուրքական «Բայրաքթար» ԱԹՍ-ների արտադրության գործարանի շինարարությունը Ադրբեջանի և Իրանի սահմանին փոխհրաձգություն է տեղի ունեցել ՔՊ պատգամավորի եղբայրը սպառնացել է աշխատակիցներին. հանցագործության մասին հաղորդում Ալիևը հայտնել է, թե ինչ է սպասվում Ղարաբաղի հայերին Առաջիկա շաբաթներին սպասում ենք, որ Հայաստանը կտրամադրի «Զանգեզուրի միջանցքի» երթուղին. Ալիև Վատագույն սցենարով՝ Իրանը կգնա մինչև վերջ․ կլինի՞ ռազմական միջամտություն․ իրանագետ (video) Նոր ցեղասպանություն ու ոչինչ չասող մտքեր՝ Արևմուտքից Էրդողան-Ալիև համակարգված սադրիչ քաղաքականությանը դիմագրավող չկա ՌԴ-ում ստեղծվել է մարտական ռոբոտ Աղավնոյի և Բերձորի գաղթը կազմակերպած իշխանությունները հարկ չեն համարում կազմակերպել մարդկանց փոխադրումը Մարինե Մելքոնյանը նշանակվել է Վերաքննիչ քրեական դատարանի դատավոր Ռոբերտ Քոչարյանի գործով նախկին դատախազը՝ Քոչարյանին կալանքից ազատած դատավորի գործով դատավոր Ադրբեջանցիների զրույցն եմ լսում․ասում են՝ որպես ահաբեկիչների՝ կխփեն բերձորցիներին, եթե․․․ազատամարտիկ (video) Ստեփանակերտում տեղի ունեցած վթարի դեպքի առթիվ հարուցվել է քրեական գործ Մոռացե՛ք, Հայաստանն Արցախի հետ նոր ճանապարհ չի ունենալու․ զենք պիտի վերցնենք․Հայկազուն Ալվրցյան (video) Աղավնոյի, Բերձորի ճակատագիրը որոշվելու է Երևանում. գործելու ժամն է. Հայկ Փայտյան (video)
Ամենաընթերցվածները
Շուտով
Օգոստոսի 12-ին, ժամը 13:30-ին Հայելի ակումբի հյուրն է իրանագետ Գարիկ Միսակյանը: Օգոստոսի 12-ին, ժամը 13:00-ին Հայելի ակումբի հյուրն է ազատամարտիկ Շահե Աճեմյանը: Օգոստոսի 12-ին, ժամը 12:30-ին Հայելի ակումբի հյուրն է Հայկազուն Ալվրցյանը: Օգոստոսի 12-ին, ժամը 11:30-ին Հայելի ակումբի հյուրն է Հայկ Փատյանը: Օգոստոսի 11-ին՝ ժամը 13:00-ին, «Հենարան» մամուլի ակումբում կհյուրընկալվի ՀՀԿ խորհրդի անդամ Հայկ Դերզյանը: ԹԵՄԱ՝ օգոստոսի 25-ից Սոս, Բերձոր և Աղավնո համայնքները կհայտնվել Ադրբեջանի վերահսկողության ներքո. հայերի տեղահանումը բնակավայրերից. ՀՀ և Արցախի սահմանների անվտանգությունը: Օգոստոսի 11-ին, ժամը 14:00-ին Հայելի ակումբի հյուրն է «Հայրենիք» կուսակցության անդամ Արսեն Նիկողոսյանը: Օգոստոսի 11-ին, ժամը 13:00-ին Հայելի ակումբի հյուրն է Տաթև Արցախը: Օգոստոսի 11-ին, ժամը 12:30-ին Հայելի ակումբի հյուրն է Ադրբեջանի հարցերով փորձագետ Գառնիկ Դավթյանը: Օգոստոսի 11-ին՝ ժամը 12:00-ին Հայելի ակումբի հյուրն է հոգեբան Կարինե Նալչաջյանը։ Օգոստոսի 11-ին՝ ժամը 11:00-ին Հայելի ակումբի հյուրերն են զոհվածների ծնողներ:
Հետևեք մեզ Facebook-ում https://www.facebook.com/hayeliclub