Մոսկվայում այսօր ֆիքսվեց Արցախի ապագայի լուծման վախճանը

Հայաստանի արտգործնախարար Արարատ Միրզոյանն աշխատանքային այցով Մոսկվայում է: Նրա այցի նշանավորվել է սենսացիոն արձանագրությամբ՝ Լավրովի կողմից:

Նախօրեին Ռուսաստանի ԱԳՆ պաշտոնական ներկայացուցիչ Մարիա Զախարովան նշեց, որ արտգործնախարարությունների ղեկավարները մանրամասն կքննարկեն բոլոր ոլորտներում երկկողմ համագործակցության, այդ թվում՝ ԵԱՏՄ, ՀԱՊԿ, ԱՊՀ շրջանակներում, հետագա ամրապնդման հարցերը։

Սերգեյ Լավրովի և Արարատ Միրզոյանի օրակարգում էին՝ Ռուսաստանի, Ադրբեջանի և Հայաստանի ղեկավարների միջև 2020թ. նոյեմբերի 9-ին, 2021-ի հունվարի 11-ին ու նոյեմբերի 26-ին Լեռնային Ղարաբաղի շուրջ ձեռք բերված պայմանավորվածությունները: «Հուսով ենք, որ Մոսկվայում կայանալիք բանակցությունները կօգնեն խորացնել դաշնակցային համագործակցությունը Երևանի հետ, նպաստել խաղաղությանն ու կայունությանը Անդրկովկասում», - ընդգծել էր Զախարովան։

Արդեն Մոսկվայում կայացել է Միրզոյանի ու Սերգեյ Լավրովի առանձնազրույցը, որի ընթացում Լավրովն ասել է, որ Ռուսաստանի Դաշնությունը կշարունակի աջակցել Հայաստանին պաշտպանունակության ամրապնդման և սահմանների պաշտպանության գործում: Նա հավելել է, որ Ռուսաստանի Դաշնությունը կշարունակի ապահովել եռակողմ պայմանավորվածությունների կատարումը, այդ թվում՝ Ղարաբաղում ռուսական խաղաղապահ զորակազմի գործունեությունը։

Ռուսաստանը առանցքային դեր է խաղացել 2020թ. աշնանը Լեռնային Ղարաբաղի հակամարտության գոտում հրադադարի և ռազմական գործողությունների մեջ, Մոսկվայում ՌԴ ԱԳ նախարար Սերգեյ Լավրովի հետ հանդիպմանը հայտարարեց Հայաստանի արտգործնախարար Արարատ Միրզոյանը։ «Վստահ ենք, որ Լեռնային Ղարաբաղում ռուսական խաղաղապահ ուժերի արդյունավետ գործունեությունը, որն ապահովում է Արցախի ժողովրդի անվտանգությունը, կծառայի Լեռնային Ղարաբաղում հրադադարի ռեժիմի ամրապնդման և սադրանքների բացառման, նորմալ կյանքի վերականգնման, մեր տարածաշրջանում կայունության և անվտանգության ապահովման շահերին», - ասել է նա: Միրզոյանը հայտարարել է, որ Հայաստանը բարձր է գնահատում Ռուսաստանի միջնորդական ջանքերը, այդ թվում՝ որպես ԵԱՀԿ Մինսկի խմբի համանախագահող երկիր՝ նպատակ ունենալով կարգավորել ԼՂ հիմնախնդրի բացառապես խաղաղ ճանապարհով։

Այսպես, Լավրովը Միրզոյանի հետ հանդիպմանն արձանագրել է, որ Ռուսաստանը շարունակելու է աջակցել Հայաստանին սահմանի պահպանության ապահովման և պաշտպանունակության ամրապնդման գործում. «Մենք շարունակելու ենք Հայաստանի առանցքային դաշնակցի դիրքերից օգնել ձեզ պաշտպանունակության ամրապնդման, սահմանի պահպանության ապահովման գործում»:

Բայց ավելի սենսացիոն բան է այսօր ասել Լավրովը, որն այսօրվա բանակցությունների մեխն է: Հակառուսական ալիքի համատեքստում Արևմուտքը չեղարկել է ԵԱՀԿ Մինսկի խմբի համանախագահության մեխանիզմը՝ արձանագրել է Լավրովը։ «ԵԱՀԿ Մինսկի խմբի շրջանակներում ղարաբաղյան բանակցությունների ձևաչափը չեղարկվել է: Մեր ֆրանսիացի և ամերիկացի գործընկերները ռուսաֆոբիայի թնջուկի մեջ ասացին, որ մեզ հետ չեն շփվելու նաև այդ ձևաչափով», հայտնել է Լավրովը։

Բայց իրականում փաստն այն է, որ ԵԱՀԿ Մինսկի խումբը համանախագահող ԱՄՆ-ն ու Ֆրանսիան, ի տարբերություն Մոսկվայի, մինչև անգամ մի քանի օր առաջ խոսել են ԵԱՀԿ Մինսկի խմբի գործունության շարունակման օգտին, շեշտել են Լեռնային Ղարաբաղի կարգավիճակն ու համապարփակ լուծում գտնելու անհրաժեշտությունը:
Իրականությունն այն է, որ մինչև ռուս-ուկրաինական պատերազմը մեկ տարուց ավելի, եթե Մոսկվան ցանկանում էր ԵԱՀԿ ՄԽ-ի գործունեության շարունակություն՝ գոնե մեկ պաշտոնական հայտարարություն արած կլիներ՝ ԵԱՀԿ ՄԽ-ի գործունեության անհրաժեշտության օգտին:

Բայց, ցավոք, չի եղել նման պաշտոնական որևէ հայտարարություն Մոսկվայի կողմից: Ավելին, Մոսկվան մշտապես կողմնակից է եղել եռակողմ՝ Ռուսաստան-Հայաստան-Ադրբեջան ձևաչափերով գործունությանը, եռակողմ փաստաթղթեր են ստորագրվել՝ Մոսկվայի հովանու ներքո:

Գումարած, Մոսկվան Անկարայի հետ սահմանային մոնիտորինգային կենտրոն ստեղծեց, որը պարզ չէ, թե ինչով է զբաղվում, որովհետև այդ կենտրոնի առկայության պայմաններում՝ Արցախում ադրբեջանական զինուժը առաջ տեղաշարժվում է ռուս խաղաղապահների վերահսկողության գոտում, երբեմն էլ հայ քաղաքացիական անձանց են սպանում:

Ինչևէ, ունենք այն ինչ ունենք. ռուս-ուկրաինական պատերազմից հետո մեկուկես ամիս անց, երբ գագաթնակետին են Ռուսաստան-Արևմուտք հարաբերությունները, Լավրովը պաշտոնապես արձանագրեց, որ ԵԱՀԿ Մինսկի խումբ չկա:

Իսկ ԵԱՀԿ Մինսկի խումբ չկա՝ նշանակում է չկա Լեռնային Ղարաբաղի կարգավիճակի որոշման հարցով բանակցություն, չկա Արցախի խնդրով համապարփակ լուծում պահանջելու որևէ հիմք:

Ահա, այսքանը...

Մետաքսյա Շալունց

դիտվել է 27825 անգամ
Լրահոս
Տեսախցիկն արձանագրել է՝ ինչպես է Արմավիր քաղաքում ԳԱԶ 31-ը բախվում Peugeot-ին, Peugeot-ն էլ՝ Mercedes G 500-ին Դավթաշենում մեկ գիշերում թալանել են մի քանի Lexus և Range Rover. ինչ կապ ունի Հենրիկ Նավասարդյանի որդին Թոխմախի Մհերին հրավիրել են դատախազություն «Մենք խելքի պիտի գանք, ուրիշ ճար չկա, էս կռիվը մինչև վերջ ենք տալու»․ Կարին Տոնոյան «Էրդողանի սիրտը 20 միլիարդ դոլար է ուզում» Բախվել են Nissan Pathfinder-ն ու Volkswagen Touareg-ը. վերջինս գլխիվայր շրջվել է Ծանրորդ Սերյոժա Բարսեղյանը՝ Եվրոպայի Մ15 տարեկանների չեմպիոն, Ժորա Գրիգորյանը՝ պատանիների փոխչեմպիոն «Եվ այս երևույթը աշխատու՞մ է, և սա ամեն օր դուրս է գալիս փողո՞ց․․․»․ Ավետիք Իշխանյան Չինաստանն անհանգստանում է Ուկրաինայում սկսվել է թուրքական «Բայրաքթար» ԱԹՍ-ների արտադրության գործարանի շինարարությունը Ադրբեջանի և Իրանի սահմանին փոխհրաձգություն է տեղի ունեցել ՔՊ պատգամավորի եղբայրը սպառնացել է աշխատակիցներին. հանցագործության մասին հաղորդում Ալիևը հայտնել է, թե ինչ է սպասվում Ղարաբաղի հայերին Առաջիկա շաբաթներին սպասում ենք, որ Հայաստանը կտրամադրի «Զանգեզուրի միջանցքի» երթուղին. Ալիև Վատագույն սցենարով՝ Իրանը կգնա մինչև վերջ․ կլինի՞ ռազմական միջամտություն․ իրանագետ (video) Նոր ցեղասպանություն ու ոչինչ չասող մտքեր՝ Արևմուտքից Էրդողան-Ալիև համակարգված սադրիչ քաղաքականությանը դիմագրավող չկա ՌԴ-ում ստեղծվել է մարտական ռոբոտ Աղավնոյի և Բերձորի գաղթը կազմակերպած իշխանությունները հարկ չեն համարում կազմակերպել մարդկանց փոխադրումը Մարինե Մելքոնյանը նշանակվել է Վերաքննիչ քրեական դատարանի դատավոր Ռոբերտ Քոչարյանի գործով նախկին դատախազը՝ Քոչարյանին կալանքից ազատած դատավորի գործով դատավոր Ադրբեջանցիների զրույցն եմ լսում․ասում են՝ որպես ահաբեկիչների՝ կխփեն բերձորցիներին, եթե․․․ազատամարտիկ (video) Ստեփանակերտում տեղի ունեցած վթարի դեպքի առթիվ հարուցվել է քրեական գործ Մոռացե՛ք, Հայաստանն Արցախի հետ նոր ճանապարհ չի ունենալու․ զենք պիտի վերցնենք․Հայկազուն Ալվրցյան (video) Աղավնոյի, Բերձորի ճակատագիրը որոշվելու է Երևանում. գործելու ժամն է. Հայկ Փայտյան (video)
Ամենաընթերցվածները
Շուտով
Օգոստոսի 12-ին, ժամը 13:30-ին Հայելի ակումբի հյուրն է իրանագետ Գարիկ Միսակյանը: Օգոստոսի 12-ին, ժամը 13:00-ին Հայելի ակումբի հյուրն է ազատամարտիկ Շահե Աճեմյանը: Օգոստոսի 12-ին, ժամը 12:30-ին Հայելի ակումբի հյուրն է Հայկազուն Ալվրցյանը: Օգոստոսի 12-ին, ժամը 11:30-ին Հայելի ակումբի հյուրն է Հայկ Փատյանը: Օգոստոսի 11-ին՝ ժամը 13:00-ին, «Հենարան» մամուլի ակումբում կհյուրընկալվի ՀՀԿ խորհրդի անդամ Հայկ Դերզյանը: ԹԵՄԱ՝ օգոստոսի 25-ից Սոս, Բերձոր և Աղավնո համայնքները կհայտնվել Ադրբեջանի վերահսկողության ներքո. հայերի տեղահանումը բնակավայրերից. ՀՀ և Արցախի սահմանների անվտանգությունը: Օգոստոսի 11-ին, ժամը 14:00-ին Հայելի ակումբի հյուրն է «Հայրենիք» կուսակցության անդամ Արսեն Նիկողոսյանը: Օգոստոսի 11-ին, ժամը 13:00-ին Հայելի ակումբի հյուրն է Տաթև Արցախը: Օգոստոսի 11-ին, ժամը 12:30-ին Հայելի ակումբի հյուրն է Ադրբեջանի հարցերով փորձագետ Գառնիկ Դավթյանը: Օգոստոսի 11-ին՝ ժամը 12:00-ին Հայելի ակումբի հյուրն է հոգեբան Կարինե Նալչաջյանը։ Օգոստոսի 11-ին՝ ժամը 11:00-ին Հայելի ակումբի հյուրերն են զոհվածների ծնողներ:
Հետևեք մեզ Facebook-ում https://www.facebook.com/hayeliclub