Փախուստ ԱՄՆ՝ Մեքսիկայի անտառներով. Նիկոլի Հայաստանում ապագա չկա

yerkir.am-ը գրում է. Հայաստանից մարդիկ ուղղակի փախչում են ԱՄՆ: Այդ երկիր մեկնելու դժվարություններից ելնելով (հիշենք արտագաղթել ցանկացողների վերջին հանրահավաքը ՀՀ-ում ԱՄՆ դեսպանատան առջև)՝ մարդիկ փախուստի նոր, ԱՄՆ օրենքները շրջանցող և բավականին թանկ արժեցող, միաժամանակ՝ չափազանց վտանգավոր ուղի են գտել: «Ճանապարհային քարտեզը» հետևյալն է՝ մարդիկ զանգվածորեն մեկնում են Մեքսիկա, որտեղից էլ մեքսիկացի միջնորդները նրանց անօրինական ճանապարհով անցկացնում են ԱՄՆ:

Yerkir.am-ը պարզել է որոշ մանրամասներ: Այսպես՝ մեկնողներն ԱՄՆ-ում գտնվող իրենց հարազատների միջոցով կամ արդեն այդ ճանապարհով մեկնածների օգնությամբ վաղօրոք ճշտում են, թե Մեքսիկայում ինչ պետք է անեն, ուր գնան և ում դիմեն: Հաջորդ քայլը Մեքսիկա մեկնելն է, որտեղ, պայմանական ասված, «գաղթականների ճամբարում», որոշ ժամանակ էլ հենց Մեքսիկա-ԱՄՆ սահմանի մոտ անցկացնելուց հետո հայ ներգաղթյալները մեքսիկացի միջնորդների օգնությամբ ապօրինաբար հատում են ԱՄՆ պետական սահմանը:

Միջնորդական ծառայության դիմաց մեքսիկացիներին վճարում են՝ կախված հանգամանքներից և այլնից: Ավելին՝ վճարի չափը մեծապես ազդում է ԱՄՆ տարածք անցնելու և՛ ժամկետների, և՛ որակի վրա: ԱՄՆ տեղափոխված Աշխենը (անունը փոխված է), պատմել է, որ վճարի չափը տատանվում է՝ յուրաքանչյուր անձի համար կազմելով 25-40 հազար, լինում են դեպքեր՝ մինչև 50-60 հազար ԱՄՆ դոլար:

Նրանք, ովքեր շատ վճարելու հնարավորություն ունեն, անցնում են ավելի հեշտ տեղերով ու քիչ են սպասում, օրինակ՝ մի քանի օր: Իսկ նրանք, ովքեր հնարավորություն չունեն և, օրինակ, վճարում են 25 հազար դոլար, և՛ ստիպված են շաբաթներով, անգամ ամիսներով սպասել Մեքսիկայում, և՛ անցնել սարսափելի պայմաններում: Նման դեպքերում, օրինակ, մեքսիկացի միջնորդները ուղեկցում են հարմար մի վայր և առաջարկում անտառներով կամ մացառուտներով հատել ԱՄՆ սահմանը: Բնականաբար, նման դեպքերում հայ սահմանախախտների վրա անգամ կարող են կրակել, գրանցվել են նաև ձերբակալման դեպքեր, որոնց կապակցությամբ հարուցված քրեական գործերը քննվում են ԱՄՆ-ում: Բայց անգամ այդ ամենը չի կանգնեցնում մարդկանց, որոնք ուղղակի փախչում են Նիկոլի «ազատ և երջանիկ» Հայաստանից:

Մեքսիկայից ապօրինի ԱՄՆ ներթափանցելու ժամկետներն ու ուղիները կախված են նաև մեքսիկացի միջնորդների ճարպկությունից: Սրբուհին (անունը փոխված է), որն աշխատել է Երևանի գեղեցկության սրահներից մեկում, փաստել է՝ եթե բախտդ բերեց և լավ մեքսիկացու մոտ ընկար, լավ կանցնես և չես սպասի, իսկ եթե՝ ոչ, ապա ստիպված ես երկար սպասել: Լինում են նաև խաբեության դեպքեր, օրինակ՝ մեքսիկացիները մեծ փող են վերցնում՝ արագ և որակով անցկացնելու խոստման դիմաց, սակայն հետո պարզվում է, որ այդ դեպքում էլ ես երկար սպասելու և մեծ դժվարությամբ հատելու ԱՄՆ սահմանը, ինչպես քիչ վճարողները:

Բնականաբար, քչերը կարող են վճարել այդքան մեծ գումարներ, գումարած դրան՝ ճանապարհածախս, Մեքսիկայի այցագրի (վիզա) համար անհրաժեշտ փաստաթղթերի ձևակերպում, Մեքսիկայում «սպասելավճարներ» և այլն, որոնց հանրագումարը բավականին մեծ թիվ է դառնում:

«Նման դեպքերում կա՛մ օգնության են շտապում ՀՀ-ից արտագաղթողների՝ ԱՄՆ-ում ապրող հարազատները, կա՛մ, որն ավելի հաճախ է պատահում, մարդիկ ուղղակի վաճառում են ամբողջ անշարժ գույքը, ունեցվածքը և գրեթե ամբողջ գումարը ներդնում այդ գործի մեջ»,- անդրադառնալով խնդրին՝ մեզ հետ զրույցում նշեց Հայաստանի տուրիստական ընկերություններից մեկի ներկայացուցիչը: Ոլորտի ներկայացուցիչների հետ մեր զրույցներից պարզվեց, որ ահագնացող չափերի է հասնում Մեքսիկայի վիզա ստանալու համար դիմող ՀՀ քաղաքացիների թիվը (նրանք վիզա ստանալու համար դիմում են ՀՀ-ում Մեքսիկայի դեսպանատուն, որը գտնվում է Մոսկվայում):

ԱՄՆ հասնելով կամ, ավելի ճիշտ, ԱՄՆ ներթափանցելով՝ Հայաստանից փախչողները, բնականաբար, որևէ կարգավիճակ չունեն, քանի որ պարզ սահմանախախտներ են, և իրավական առումով նրանց ներկայությունը որևէ կերպ չի ամրագրված ԱՄՆ-ում: Նրանք պետք է տարիներով ծպտյալ ապրեն և սպասեն, մինչև ինչ-ինչ ձևերով ստանան կացության իրավունք և այլն:

ԱՄՆ-ում ապօրինի հայ ներգաղթյալները հիմնականում աշխատանքի են անցնում հարազատների օգնությամբ: Սրբուհին, օրինակ, նշել է, որ ինքը արդեն աշխատում է իր մասնագիտությամբ: Ավելին՝ նա փաստել է, որ իր՝ ԱՄՆ արտագաղթելու պատճառներից մեկն էլ այն է, որ հիմնականում վերջին մեկ տարվա ընթացքում այդ ճանապարհով ԱՄՆ են տեղափոխվել իր լավագույն հաճախորդները, որոնք ևս հորդորել են Սրբուհուն՝ գալ ԱՄՆ՝ խոստանալով, որ այնտեղ ևս կշարունակեն օգտվել իր որակյալ ծառայություններից:

Ինչո՞ւ են մեկնում հայրենիքից, այն էլ՝ նման զարտուղի և վտանգավոր ճանապարհներով․ հարցին գրեթե բոլորը նույն պատասխանն են տալիս՝ Նիկոլի Հայաստանում ապագա չկա:

Վ. Սարգսյան

դիտվել է 5680 անգամ
Լրահոս
Թուրք բնորոշման իրական նշանակությունը խճճել է ազգային արժանապատվության նվաստացման հարցում չկողմնորոշվածին Փաշինյանի Հայաստանը չունի դաշնակիցներ ո՛չ ՀԱՊԿ-ում, ո՛չ էլ ՀԱՊԿ-ից դուրս՝ անկախ նրա «ջղային» ելույթից Փառավորվեք անհայրենիքներ․ video ԱԱԾ-ն ռեժիսոր Արմեն Գրիգորյանին կալանավորելու միջնորդություն է ներկայացրել դատարան Փաշինյանը ծնունդի է ․ Նա արդեն հասցրել է մի քանի բաժակ օղի խմել և զվարճանալ Երթը կանգ կառնի կառավարական ամառանոցների դիմաց Չմեռանք, մեղադրյալ էլ դարձանք… Մենք այսպիսի խայտառակ վիճակ երբեք չենք ունեցել․Հրանտ Բագրատյան Ականի պայթյունի հետևանքով պայմանագրային զինծառայող է վիրավորում ստացել. ՊՆ Պուտինի այցը Թուրքիա չի նախատեսվում․ Կրեմլը հերքում է Հայաստանի ոչ մի հատվածում հայելային հետքաշում չի լինելու․ Աննա Գրիգորյան Շատ դեպքերում հրմշտոց կամ միջադեպ ստեղծելուն հրահրել են ոստիկանության ծառայողները․ ՄԻՊ Նիկոլ Փաշինյանին ձերբակալելու նոր միջնորդություն ներկայացվեց գլխավոր դատախազին. News.am Բերման են ենթարկում ԳՇ նախկին պետ Յուրի Խաչատուրովի որդուն՝ Իգոր Խաչատուրովին. video Ըստ Կրեմլի պաշտոնական կայքի` Նիկոլ Անհողը հայրանուն չունի «Ոստիկաններն ասում էին՝ հերիքա, էսքան մի բերեք, քաղմասերում տեղ չկար». Շահե Աճեմյանն այսօր բերման է ենթարկվել Ֆրանսիայի հրապարակում մեկնարկել է Նիկոլ Փաշինյանի հրաժարականի պահանջով հանրահավաքը Այսօրվա բերման ենթարկելու ավելի քան 400 դեպքերից միակ օրինականը․․․ Ես գնահատական այստեղ չեմ տա այս վայրագությանը Ճիշտ ճանապարհով եք գնում, քայլիստ Գևորգ՝ իրականցնելով թուրքերի երազանքը՝ տեսնել Հայաստանն առանց հայերի... «Իգոր Խաչատուրովը վաղուց է թիրախավորված այս ստահակների կողմից։ Եվ ոչ միայն նա։ Խաչատուրովների ողջ ընտանիքը»․ Մելիք–Շահնազարյան Նիկոլի փոքրաթիվ «կողմնակիցները» ընդդիմությանն են ասում՝ գնացեք սահման. Խենթի երկիր է դարձել. Արտակ Զաքարյան Նարեկ Մանթաշյանի առողջական վիճակը շարունակում է ծանր մնալ. փաստաբան Ռեժիսոր Արմեն Գրիգորյանին ձերբակալել են բռնություն գործադրելու կոչերի, բռնության քարոզի հոդվածով Երկրաշարժ Խաշթառակ գյուղից 3 կմ արևմուտք
Ամենաընթերցվածները
Շուտով
Մայիսի 17-ին, ժամը 15։00-ին Հայելի ակումբի հյուրն է «Ազգային ճակատ» կազմակերպության հիմնադիր, ռազմական գործիչ Գևորգ Գևորգյանը: Թեմա՝ Հայաստանին և Արցախին սպառնացող վտանգներ, ՀՀ ամբողջ տարածքում սկսված բողոքի ակցիաներ Մայիսի 17-ին, ժամը 15։30-ին Հայելի ակումբի հյուրն է երգչուհի Արմինե Գրիգորյանը։ Թեմա՝ Հայաստանին և Արցախին սպառնացող վտանգներ, ՀՀ ամբողջ տարածքում սկսված բողոքի ակցիաներ Մայիսի 16-ին, ժամը 16։00-ին Հայելի ակումբի հյուրն է պրոդյուսեր Արմեն Գրիգորյանը:Թեմա՝ Հայաստանին և Արցախին սպառնացող վտանգներ, ՀՀ ամբողջ տարածքում սկսված բողոքի ակցիաներ Մայիսի 16-ին, ժամը 14։00-ին Հայելի ակումբի հյուրն է Միջազգայնագետ, տնտեսագետ Լևոն Մնացականյանը:Թեմա՝ Հայաստանին և Արցախին սպառնացող վտանգներ, ՀՀ ամբողջ տարածքում սկսված բողոքի ակցիաներ Մայիսի 16-ին, ժամը 12։30-ին Հայելի ակումբի հյուրն է Ազատագրական շարժման անդամ Վազգեն Պետրոսյանը:Թեմա՝ Հայաստանին և Արցախին սպառնացող վտանգներ, ՀՀ ամբողջ տարածքում սկսված բողոքի ակցիաներ Մայիսի 16-ին, ժամը 11։30-ին Հայելի ակումբի հյուրն է ռազմական փորձագետ Դավիթ Ջամալյանը:Թեմա՝ Հայաստանին և Արցախին սպառնացող վտանգներ, ՀՀ ամբողջ տարածքում սկսված բողոքի ակցիաներ Մայիսի 13-ին, ժամը 15։00-ին Հայելի ակումբի հյուրն է Ոստիկանության գեներալ մայոր Գագիկ Համբարձումյանը:Թեմա՝ Հայաստանին և Արցախին սպառնացող վտանգներ, ՀՀ ամբողջ տարածքում սկսված բողոքի ակցիաներ Մայիսի 13-ին, ժամը 14։30-ին Հայելի ակումբի հյուրն է ազատամարտիկ Դավիթ Մկրտչյանը։Թեմա՝ Հայաստանին և Արցախին սպառնացող վտանգներ, ՀՀ ամբողջ տարածքում սկսված բողոքի ակցիաներ Մայիսի 13-ին, ժամը 14։00-ին Հայելի ակումբի հյուրն է ազատամարտիկ Շահե Աճեմյանը։ Թեմա՝ Հայաստանին և Արցախին սպառնացող վտանգներ, ՀՀ ամբողջ տարածքում սկսված բողոքի ակցիաներ Մայիսի 13-ին, ժամը 16։30-ին Հայելի ակումբի հյուրն է «Համերաշխություն» կուսակցության ղեկավար Սարգիս Ավետիսյանը: Թեմա՝ Հայաստանին և Արցախին սպառնացող վտանգներ, ՀՀ ամբողջ տարածքում սկսված բողոքի ակցիաներ
Հետևեք մեզ Facebook-ում https://www.facebook.com/hayeliclub