Մարտունիում ևս նախկինները հանգրվանել են ՔՊ-ի ցուցակում

Մոռացումի խորխորատից, իրար հերթ չտալով, ՔՊ ցուցակի առաջին տասնյակում քաղաքական ասպարեզ են նետվել Գեղարքունիքի մարզի նակինում ՀՀԿ-ական կարկառուն ներկայացուցիչները, որոնք ժամանակին ընտրական գործընթացներում անձնվիրաբար ծառայել են նախկին իշխանություններին:

Այս իմաստով հատկապես աչքի է ընկել Հովիկ Հովեյանը՝ իր եղբոր՝ Գեղամ Հովեյանի հետ: Հովեյանի եղբայրը՝ Գեղամը, ներկայումս Հաշվեքննիչ պալատի խորհրդի անդամ է, ավելի վաղ՝ 2017 թ., Հանրապետական կուսակցության մեծամասնական ցուցակով Գեղարքունիքում պատգամավոր դառնալու համար ձայներ էր մուրում:

Իսկ հիմա հերթով՝ ՔՊ ցուցակի մյուս «նախկինների»՝ ՀՀԿ-ականների մասին: Անդրանիկ Հարությունյան. դեղագետ Անդոն «Մարտունի» ԲԿ-ի տնօրենն է։ Տարոն Արշակյան․ Մարտունու բժշկական քոլեջի տնօրեն, որն առավել հայտնի է որպես ՀՀԿ-ական Տարոն։ Տարոնը հասցրել է մի քանի անգամ ճամբարափոխվել՝ մե՛կ ՀՀԿ էր, մե՛կ՝ ԲՀԿ, հիմա էլ՝ ՔՊ:

Փաշինյանի՝ Մարտունու թիմում հանգրվան է գտել անգամ նախկինների շնորհիվ ընտանեկան բժշկի որակավորում ստացած՝ Գեղարքունիքի մարզպետարանի սոցիալական և առողջապահական ապահովության վարչության պետ Լուսինե Վարդանյանը, որը ջանք ու եռանդ չի խնայել Աստղաձորում և Ձորագյուղում հանրապետականների համար բարձր քվեներ ապահովելու գործում:

ՔՊ ցուցակի երկրորդ համարը զբաղեցնում է քրեական գործով անցնող Վահագն Դավթյանը: Նա մեղադրվում է մաքսանենգության մեջ՝ մաքսանենգ ճանապարհներով ապրանքներ է ներկրել: Նախընտրական շրջանում Վահագնի խափանման միջոցը փոխել են՝ ՔՊ-ի համար ձայներ բերելու հեռանկարով:

Կրկին վերադառնանք ՔՊ ցուցակը գլխավորող Հովիկ Հովեյանին: Պարզվում է՝ Սերժ Սարգսյանի կառավարման տարիներին՝ 2015 թ. սահմանադրական բարեփոխումների ժամանակ, Հովեյանը, որպես իշխանության համար շատ ձայներ բերած համայնքի ղեկավար, պարգևատրվել է «Նիվա» մակնիշի մեքենայով։ Հովեյանը համայնքում հայտնի է նաև համայնքային սեփականություն հանդիսացող հողատարածքների և շենք-շինությունների աճուրդ-վաճառքով կամ դրանք վարձակալությամբ խնամի-ծանոթ-բարեկամներին, մերձավորներին տրամադրելու շնորհքով: Մեր հերոսը համայնքային հողատարածքը 2015-2016 թթ. ժամանակահատվածում օտարել է որդու՝ Արա Հովեյանի անունով, որն էլ իր հերթին վարձակալության է տրամադրել «Վիվասել ՄՏՍ»-ին:

Ավելի վաղ մամուլում հրապարակում էր եղել Հովեյանի մասին, որում մասնավորապես ասվում է. «Դեկտեմբերի 5-ի ՏԻՄ ընտրություններում Գեղարքունիքի մարզի Մարտունի համայնքի քաղաքապետի թեկնածուի՝ նախկին ՀՀԿ-ական Հովհաննես Հովեյանի հարցում ՔՊ-ականները երկար-բարակ մտորելու պատճառ չեն ունեցել։ Ավելին՝ այս կերպ Փաշինյանը Հովեյան ընտանիքի՝ ժամանակին արած լավության դիմաց վարձահատույց է լինում: Ըստ տեղեկությունների՝ երբ 2018-ին Աննա Հակոբյանը մեկնել էր Ռուսաստան՝ հանդիպելու ռուսաստանաբնակ խոշոր գործարարների հետ, որևէ մեկը նրան չէր ընդունել, չէր պատվել, բացի Հովեյանի՝ Տյումենում ապրող մեծահարուստ բիզնեսմեն եղբորից՝ Աբրահամ Հովեյանից: Որպեսզի եղբայրն ավելի հպարտ ու ինքնագոհ քայլի Վարդենիկում, ասում են, նա Փաշինյանին բարձր դասի զրահապատ մեքենա էր նվիրել: ՀՀ վարչապետն էլ, լավության առավելագույն չափ սահմանելով, Աբրահամ Հովեյանի մի եղբորը բարձր պաշտոն է տվել պետական ապարատում, իսկ մյուսին՝ Հովհաննես Հովեյանին, Մարտունու քաղաքապետ դառնալու հնարավորություն ընձեռել: 2005թ․ նախկին «թալանչիների» հետ սերտաճած, այսօր արդեն ճամբարափոխված ՀՀԿ-ականը քաղաքական հետագիծն ուրանալու հնարավորությունը ձեռքից բաց չի թողել։ Ղեկավար աթողն այդպիսի բան է՝ ծառից ծառ պիտի թռչես, որ տակիցդ չփախչի։ Հովեյանը Փաշինյանին անձնուրաց ծառայել է նաև 2020 թ․ խոհրդարանական ընտրությունների ժամանակ՝ դռնեդուռ ընկած ձայն է «որսացել»։ Հովեյանը մարզում, շատ մեծ աթոռ զբաղեցնելու փափագով, ամենուր ներկայանում է որպես անկուսակցական՝ հանուն աթոռի մոռանալով նախկինների հետ անցած քաղաքական հետագիծն ու իր՝ ով լինելը: Նա գուցե մոռացել է, բայց Վարդենիկում երբեք չեն մոռանա: Պատմում են, որ Հովեյանի և Փաշինյանի սիրելի «նախկին կոռումպացված թալանչիների» միջև կապը բավականին ամուր է եղել, ինչի շնորհիվ Հովեյանին հաջողվել է համայնքում մի քանի բարեփոխումներ անել՝ այդպիսով արժանանալով վարդենիկցիների վստահությանը: Աղբյուրի հաղորդմամբ՝ Հովեյանը գաղափարական ուղղվածություն երբեք չի ունեցել: Պատերազմի ժամանակ ընդհատակ է անցել, իսկ երբ ադրբեջանցիները զավթեցին Գեղարքունիքի մարզի ռազմավարական նշանակության դիրքերը, որպես Վարդենիկի համայնքապետ՝ մարզի դիրքերից գեթ մեկ անգամ ելույթ չի ունեցել: Մի խոսքով՝ ով գալիս է իշխանության, մեր «հերոսը» հետևից վազում է»։

Այսքանից հետո՝ հռետորական հարց. ովքե՞ր են «նախկին», ովքե՞ր՝ «նոր», և արդյոք Փաշինյանը «նո՞ր» է, եթե վերջինիս սպասարկում են ամենակարկառուն նախկիններն ու վերջիններիս ամենավատահամբավ ներկայացուցիչները:

Աղբյուրը՝ yerevan.today

դիտվել է 751 անգամ
Լրահոս
Նավալնիի մորը վերջնագիր են ներկայացրել Հայաստանի պահանջով հետախուզվող ադրբեջանցի բլոգերի հետ կապված «Ինտերպոլում» ուշագրավ զարգացումներ են եղել ՀՀ տարածքում կան փակ և դժվարանցանելի ավտոճանապարհներ Ուշագրավ զարգացումներ առողջապահության նախարարությունում. Անահիտ Ավանեսյանը կհեռանա՞ Գարդման-Շիրվան-Նախիջևան միության անդրադարձը Ադրբեջանի մարդու իրավունքների պաշտպանի կողմից Հայաստանին ուղղված մեղադրանքներին Ուկրաինայի նախագահ Զելենսկին առաջիկայում կժամանի Հայաստան Արկերից մեկն ուղիղ տան վրա է ընկել, տունը բռնկվել է, էդ պահին էլ ննջասենյակում նորածին երեխա էր քնած․ Խաչմաչից բռնի տեղահանված Ես ևս լուսաբացը արդեն 5 ամիս է, ինչ դիմավորում եմ անժպիտ, տագնապը սրտումս, շատ հաճախ՝ թաց աչքերով․ Հակոբյան Պարզվում է՝ «խոպանչիները» իրավունք չունեն երթևեկել Հայաստանի ճանապարհներով․ Հակոբ Բադալյան Արտակարգ դեպք՝ Երևանում Զգուշացնում ենք՝ Ադրբեջանը և նրա դաշնակիցներն ընդդեմ Հայաստանի հերթական ագրեսիային են պատրաստվում. դեսպան Թուրքիայի երկու քաղաքացի, ՀՀ քաղաքացու օժանդակությամբ, կեղծ փաստաթղթով հատել են պետական սահմանը. ՔԿ Խոպանչիների կառավարություն․ Վահե Հովհաննիսյան Ֆրանսիայի զինված ուժերի նախարարի պաշտոնական այցը Հայաստան ավարտվել է Դիվերսիֆիկացիան իրականացնում են ոչ թե ի հաշիվ եղած ռեսուրսների, այլ ի լրումն եղածի, այնինչ այսօր մենք կորցնում ենք Ռուսաստանը և չենք ստանում Արևմուտքը․ Արմեն Աշոտյան Երևանում թալանել են սիրված ու ճանաչված դերասան, Համազգային թատրոնի տնօրեն Արման Նավասարդյանի ավտոմեքենան Դատարանը մերժեց Գագիկ Խաչատրյանին վիրահատության նպատակով արտերկիր մեկնելու թույլտվության վերաբերյալ պաշտպանի միջնորդությունը Պարույր Սևակի փողոցի շենքերից մեկի վերելակի հորանը քաղաքացի է ընկել Արտաքին գովազդով զբաղվող ընկերությունները դժգոհ են Երևանի քաղաքապետարանի որոշումից․ դատարան են դիմելու Դուք եք Նիկոլին դարձրել ձեր գլխին ոչ միայն հարկահավաք, այլ նաև համազգային փորձանք․ Արտակ Զաքարյան «Գոյ» թատրոնը դիմել է ՄԻՊ-ին Պետդումայի պատգամավորը մեկնաբանել է ՀԱՊԿ-ում Հայաստանի անդամակցության սառեցումը ՌԴ-ն պարզաբանում է ակնկալում` ինչ են նշանակում ՀԱՊԿ-ում Հայաստանի մասնակցությունը «սառեցնելու» մասին ՀՀ վարչապետի խոսքերը»․ ՌԴ ԱԳՆ-ն պատասխանել է Փաշինյանին Հանրապետության որոշ տարածաշրջաններում ձյուն է տեղում Մինսկը ՀԱՊԿ-ի հարցով ծանուցում չի ստացել Երևանից. ԱԳՆ
Ամենաընթերցվածները
Շուտով
Փետրվարի 23-ին՝ ժամը 15։00-ին, Հայելի ակումբի հյուրն է Մայր Հայաստան դաշինքի ավագանու անդամ Սամվել Հակոբյան Փետրվարի 23-ին՝ ժամը 13։00-ին, Հայելի ակումբի հյուրն է բանաստեղծ Արցախից Արմեն-Ավո Փետրվարի 22-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Փետրվարի 22-ին՝ ժամը 14։00-ին, Հայելի ակումբի հյուրն է Մանուկ Սուքիասյանը Փետրվարի 22-ին՝ ժամը 12։00-ին, Հայելի ակումբի հյուրն է «Թոշակառուների միություն» հասարակական կազմակերպության ղեկավար Վռամ Սարգսյանը Փետրվարի 22-ին՝ ժամը 13։00-ին, Հայելի ակումբի հյուրն է Խաչիկ Մանուկյանը Փետրվարի 21-ին՝ ժամը 14։30-ին, Հայելի ակումբի հյուրն է Էդգար Ղազարյանը Փետրվարի 21-ին՝ ժամը 15։00-ին, Հայելի ակումբի հյուրերն են վրացական համարանիշներով մեքենաների վարորդները Փետրվարի 21-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը Փետրվարի 20-ին՝ ժամը 15։00-ին, Հայելի ակումբի հյուրն է Արմինե Կյուրեղյանը
Հետևեք մեզ Viber-ում https://cutt.ly/5wn8sJBS
Hayeli.am