Փաշինյանը հայտնվելու է խաղից դուրս վիճակում
Պնդումներն այն մասին, որ նոյեմբերի 9-ին Մոսկվայում ստորագրվելիք փաստաթուղթը Նիկոլի վերջնաժամկետն է, զուրկ չեն հիմքերից: Ընդ որում, ըստ այդ պնդումների, Փաշինյանը թե ստորագրելով, թե չստորագրելով Արցախը Ադրբեջանին նվիրելու մասին փաստաթուղթը, հայտնվելու է խաղից դուրս վիճակում: Ավելի պատկերավոր ասած` նա այլևս պետք չի լինելու ոչ Մոսկվային, ոչ Արևմուտքին, ոչ էլ մանավանդ Հայաստանին ու Արցախին:
Ի՞նչ կորոշի Փաշինյանը` հեռանալ Արցախի վերջնագիրը ստորագրա՞ծ, թե՞ հեռանալ` չստորագրելով նոր կապիտուլյացիան` ապագա սերունդներից չխլելով Արցախի նկատմամբ հայրենատիրության իրավունքը:
Առաջին ճանապարհը նրան տանում է դեպի լիակատար ոչնչացում` թե որպես ղեկավար, թե որպես հայ, թե որպես մարդ: Երկրորդ ճանապարհն ընտրելու դեպքում նա կարող է հույս ունենալ, որ ամեն ինչ կավարտվի դավաճան, հողատու, կապիտուլյանտ ձևակերպումներով և ինքը պատմության մեջ կմնա որպես հայ ժողովրդին հակացուցված ղեկավարի մոդել, այսինքն որպես նոր ու յուրահատուկ ԼՏՊ:
Գրել է Էդիկ Անդրեասյանը