«Յասին 90» ռումբի օգնությամբ ոչնչացվել են հիպոթետիկ թշնամու կենսական թիրախները
Ինչպես գրում է IRNA գործակալությունը, Իրանի բանակի օդային պաշտպանության ուժերը սկսել են Velayat Sky Defenders 10 («Վելայաթի պաշտպաններ») զորավարժությունների հիմնական և օպերացիոն փուլը, որը մեկնարկել է օդանավերի և անօդաչու սարքերի կիրառմամբ:
Զորավարժությունները ցուցադրել են ՀՕՊ ուժերի հնարավորությունների մի մասը:
Մինչդեռ mehrnews.com-ը հավելում է, որ զորավարժությունների ընթացքում «Յասին 90» ռումբի օգնությամբ ոչնչացվել են հիպոթետիկ թշնամու կենսական թիրախները:
Իրանի ռազմաօդային ուժերի գլխավոր հրամանատար, բրիգադային գեներալ Համիդ Վահեդին ասել է, որ զորավարժությունների մարտական փուլի առաջին օրը գործարկվել են բարձր ճշգրտության, խելացի հրթիռներով հագեցած F-4 և F-5 ռմբակոծիչներ, «Յասին 90» ռումբերով և հրթիռներով հագեցած F-7 ինքնաթիռներ, որոնք հաջողությամբ ոչնչացրել են հիպոթետիկ թշնամու կարևոր և կենսական թիրախներն ինչպես ցամաքում, այնպես էլ ծովում: