Ալեք Բոլդուինը ֆիլմի նկարահանումների ընթացքում կին օպերատորի է սպանել
Հոլիվուդյան դերասան Ալեք Բոլդուինը Նյու Մեքսիկո նահանգում նկարահանման ընթացքում կրակել է կին օպերատորի վրա։ Այս մասին գրում է РИА Новости-ն՝ տեղական լրատվամիջոցներին հղումով։
Բոլդուինը պետք է կրակեր ռեկվիզիտային ատրճանակից, բայց գնդակի մասնիկները ցրվել են, ինչի հետևանքով լուրջ վնասվածքներ են ստացել ռեժիսոր Ջոել Սոուզն ու օպերատոր Հալինա Հաչինսը։
Ջոելը ծայրահեղ ծանր վիճակում է, Հալինային փրկել չի հաջողվել։ Ոստիկանությունում արդեն հաստատել են 63–ամյա դերասանի կապը միջադեպի հետ։«Շերիֆի գրասենյակը հաստատում է, որ ռեկվիզիտի համար ատրճանանից կրակոցը կատարվել է Ալեք Բոլդուինի կողմից»,- ասված է Սանտա Ֆե շրջանի շերիֆի հայտարարության մեջ ։