«Ժողովուրդ» օրաթերթը գրում է. Հանրապետության մի քանի հիվանդանոցներում պետպատվերի գումարներն ավարտվել են, Առողջապահության նախարարությունն էլ մինչեւ տարեվերջ մտադիր չէ ավելացնել պետպատվերի հատկացումները: Ինչ անել հարցին ի պատասխան՝ նախարարությունը հիշեցնում է օգտվել հերթագրման գործող կարգից: Հերթագրում իրականացնող հարթակն «Արմեդ»-ն է, որ շուրջ 400 հազարից ավելի շահառուներ ունի, որոնք մինչև տարեվերջ բուժօգնությւոն ստանալու համար վաղուց են գրանցվել:
Թե ինչքանով է արդյունավետ գործում պետբյուջեից տարեկան 19 մլն դրամ գումար ստացող «Արմեդ» համակարգը, փորձեցինք հասկանալ՝ ըստ հրապարակված ցուցանիշների ու հրապարակումների: Մասնավորապես, ուսումնասիրելով Առողջապահության նախարարությունում Հաշվեքննիչ պալատի կողմից իրականացված հաշվեքննության արդյունքները (2021-ի 1-ին եռամսյակի ցուցանիշների վերաբերյալ)՝ տեղեկանում ենք՝ վերոնշյալ ծրագրով բժշկական բաղադրիչի հսկողությունը «գրեթե բացակայում է»: Ի՞նչ է ստացվում. Հաշվեքննիչ պալատը շատ ավելի վաղ էր զգուշացրել, որ պետպատվերի հետ կապված խնդիր է առաջանալու: Մյուս կողմից՝ հայտնի չէ, թե այդ ծրագրով իրականացված բժշկական օգնությունը որքանով էր համահունչ պացիենտների վիճակին ու կարիքներին:
Հարց է առաջանում՝ հնարավոր չէ արդյոք պացինետի բուժումն իրականացվել պոլիկլինիկայում, խնայել այդ միջոցներն ու դրանք ուղղել այլ ծրագրերն, օրինակ՝ վիրավոր զինծառայողների բուժօգնությանը: Նշենք, որ նախկինում էլ էր պատահում, երբ տարվա կեսին հատկապես խոշոր հիվանդանոցներում, որտեղ բժշկական մեծ ծավալի բուժսպասարկում է իրականացվում, պետպատվերի գումարներն ավարտվում էին, սակայն նման դեպքերում հիվանդանոցը շարունակում էր սպասարկել պետպատվերով բուժում ստանալու իրավունք ունեցող հիվանդին, ինչի դիմաց պետությունը հետո էր վճարում ԲԿ-ին: Այսինքն՝ պետությունը պարտք էր կուտակում, ապա այն մարում էր կա՛մ հաջորդ տարի, կա՛մ բյուջեում վերաբաշխումներ անելով:
Այսպիսի պայմանավորվածություն էր ձեռք բերվում մասնավոր հիվանդանոցների և Առողջապահության նախարարության միջև։ Նախարարությունը, սակայն, ինչպես երևում է, համապատասխան քայլեր չի ձեռնարկում, որ ընթացիկ խնդիրները ոչ միայն չկրկնվեն եկող տարիներին, այլ նաև էական ազդեցություն չթողնեն մարդկանց առողջության և կյանքի որակի վրա»:
Ապրիլի 23-ին՝ ժամը 16:45-ին, Հայելի ակումբի հյուրն է Աննա Մայիլյանը
Ապրիլի 23-ին՝ ժամը 16:00-ին, Հայելի ակումբի հյուրն է վերլուծաբան Արգիշտի Կիվիրյանը
Ապրիլի 23-ին՝ ժամը 13:30-ին, Հայելի ակումբի հյուրն է Տաթև Արցախը
Ապրիլի 22-ին՝ ժամը 16:30-ին, Հայելի ակումբի հյուրն է Հայկ Նահապետյանը
Ապրիլի 22-ին՝ ժամը 15։00-ին, Հայելի ակումբի հյուրն է Սուրեն Սուրենյանցը
Ապրիլի 22-ին՝ ժամը 11։00-ին, Հայելի ակումբի հյուրն է Էդգար Ղազարյանը
Ապրիլի 22-ին՝ ժամը 12։00-ին, Հայելի ակումբի հյուրն է Վոլոդյա Հովհաննիսյանը
Ապրիլի 19-ին՝ ժամը 13։00-ին, Հայելի ակումբի հյուրն է Հովհաննես Իշխանյանը
Ապրիլի 19-ին՝ ժամը 16։00-ին, Հայելի ակումբի հյուրն է Պարույր Հայրիկյանը
Ապրիլի 19-ին՝ ժամը 11։00-ին, Հայելի ակումբի հյուրն է Տիգրան Չոբանյանը