Հայաստանն ու Ադրբեջանը դելիմիտացիա-դեմարկացիան ավարտեցի՞ն. Ալիևը գնում է Մոսկվայի հետ «կամուրջներ» այրելու

Երեկ ՀՀ ազգային անվտանգության ծառայությունը մի «ցնցող» տեղեկություն հայտնեց. «Սույն թվականի սեպտեմբերի 12-ին, ժամը 12։00-ից Գորիս-Կապան միջպետական ճանապարհի Որոտան բնակավայրի մոտ Ադրբեջանի վերահսկողության տակ գտնվող Էյվազլի բնակավայրի հատվածում, Ադրբեջանի Հանրապետության ոստիկանության կողմից իրականացվում է իրանական պետհամարանիշներով բեռնատարների վարորդների ու բեռի փաստաթղթերի ստուգում։ ՀՀ ազգային անվտանգության ծառայության սահմանապահ զորքերի և ՌԴ ԱԴԾ սահմանապահ ծառայության զինծառայողների կողմից համատեղ աշխատանքներ են իրականացվում առաջացած իրավիճակը կարգավորելու ուղղությամբ»։

Այսինքն, մեր պետության ԱԱԾ-ն զբաղված է փաստերի, այն էլ՝ համացանցում որոշ ժամանակ անց՝ արձանագրմամբ: Սա ոչ թե աբսուրդ է, այլ մի զարհուրելի փաստ, որ մեր պետության ԱԱԾ-ն արձանագրում է, որ Հայաստանի թշնամի պետության Ադրբեջանի ոստիկանությունը կետ է դրել, ավելին՝ արդեն գործում է, իսկ ավելի կոնկրետ՝ պարսկական պետհամարանիշներով բեռնատարների վարորդների ու բեռի փաստաթղթերի ստուգում է իրականացնում:

ԱԱԾ-ն չի զլանում, տեղն էլ է նշում՝ «Գորիս-Կապան միջպետական ճանապարհի Որոտան բնակավայրի մոտ Ադրբեջանի վերահսկողության տակ գտնվող Էյվազլի բնակավայրի հատվածում»:

Այսինքն, Հայաստանն ու Ադրբեջանն արդեն դելիմիտացիա-դեմարկացիա արեցի՞ն, ավարտեցին, Ադրբեջանը դիրքավորվել է, գործունեություն է ծավալում, իրանական բեռնատարներից էլ, ըստ համացանցում հայտնված տեղեկությունների, գումար են հավաքում:

Ու մեր երկրում, ուշադրություն դարձրեք՝ քննարկում են Հանրապետության հրապարակում «գունագեղ» միջոցառում կազմակերպելու իշխանությունների՝ թեմա դարձրած հարցը: Պատկան մարմինները՝ պոստ-ֆակտում արձանագրում են մի տեղեկություն, որը առնվազն մեկ-երկու օր արդեն համացանցում էր:
Ու Ադրբեջանի այս կեցվածքից զարմացողներ կա՞ն... Ինչո՞ւ չպետք է Ալիևը վարվի այնպես, ինչպես վարվում է, եթե մեր հասարակությունը հանդուրժում է այս ամենը:
Պարզ չի՞, որ այս վիճակում Ադրբեջանը թե՛ Ռուսաստանին պահանջներ կներկայացնի, թե ում ցանկանա:

Ալիևը հենց այդպես էլ վարվում է, ի դեպ: Ճիշտ նույն պահին, երբ հայտնի դարձավ, Ադրբեջանի ոստիկանության կողմից նշյալ քայլի մասին, ստացվեց մեկ այլ տեղեկություն: Ադրբեջանը նամակներ է ուղարկել Ռուսաստան, որում ասում է, որ այլ երկրների քաղաքացիներն ու նրանց փոխադրամիջոցները չեն կարող մուտք գործել Արցախ առանց Բաքվի համաձայնության:

Այլ երկրների իրավաբանական և ֆիզիկական անձինք և նրանց փոխադրամիջոցները չեն կարող մուտք գործել «Ադրբեջանի տարածք» առանց Բաքվի համաձայնության, նման դեպքերը հանդիսանում են երկրի օրենքների խախտում, հայտարարել է Ադրբեջանի պաշտպանության նախարարությունը։

Գերատեսչությունը նամակներ է ուղարկել Ռուսաստանի պաշտպանության նախարարությանը և Արցախում խաղաղապահ ուժերի հրամանատարությանը՝ կապված այլ երկրներին պատկանող մեքենաների՝ Ադրբեջանի տարածք «անօրինական անցման» հետ, մասնավորապես, այն տարածքներ, որտեղ ժամանակավորապես տեղակայված են ռուս խաղաղապահները: Նամակներում նշվում է, որ նման դեպքերը հակասում են 2020թ. նոյեմբերի 10-ին Ադրբեջանի, Ռուսաստանի և Հայաստանի ղեկավարների ստորագրած եռակողմ հայտարարությանը։

Իսկ Ադրբեջանի արտգործնախարարության մամուլի ծառայության ղեկավար Լեյլա Աբդուլաևան «անթույլատրելի» է համարել ՀՀ-ում ԱՄՆ դեսպանի հայտարարությունը Ղարաբաղի կարգավիճակի վերաբերյալ: Ըստ ԱԳՆ ներկայացուցչի` հակամարտությունն անցյալում է, և «Ադրբեջանն ապահովել է իր տարածքային ամբողջականությունը»: «Ադրբեջանի նախագահի 2021 թվականի հուլիսի 7 -ի հրամանագրով ստեղծվել են Արևելյան Զանգեզուրի և Ղարաբաղի տնտեսական շրջանները: Այս տարածքները Ադրբեջանի անբաժանելի մասն են, և որևէ կարգավիճակի մասին խոսք լինել չի կարող», - շեշտել է Լեյլա Աբդուլաևան:

Հայաստանում ԱՄՆ դեսպանը օրերս հայտարարել էր, որ Լեռնային Ղարաբաղի կարգավիճակը լուծված չէ, ու այն մնալու է ԵԱՀԿ Մինսկի խմբի օրակարգում: Իսկ ըստ ԱԳՆ մամուլի քարտուղարի՝ նոյեմբերի 9 -ի եռակողմ հայտարարությունը հնարավորություններ է տալիս հարաբերությունները կարգավորել` տարածաշրջանում նոր իրողությունների, այդ թվում ՝ միջազգային իրավունքի սկզբունքների հիման վրա, իսկ ԱՄՆ դեսպանի հայտարարությունը ծառայում է «իրավիճակի սրմանը և անհիմն սպասելիքներ է ստեղծում հայկական կողմի մոտ»:

Բաքուն բավական կտրուկ է իր վերջին հայտարարություններում, սա նշանակում է, որ Ալիևը կոշտ հակահարձակման է գնում, նա պատրաստ է անգամ, այլև Ռուսաստանի հետ կամուրջներ, կամ՝ ցույց է տալիս, որ պատրաստ է նույնիսկ դրան, եթե իր պատկերացրածը Մոսկվան չապահովի ստանալ:

Իսկ ինչի՞ է պատրաստ Փաշինյանի իշխանությունը: Ի՞նչ է նշանակում այս հեզ ու խոնարհ պահվածքն՝ ընդդեմ ադրբեջանական զավթողականության:

Մետաքսյա Շալունց

դիտվել է 4040 անգամ
Լրահոս
«Մտահոգիչ է, եթե նման բաներ կան», ԲԴԽ անդամը՝ «չաթի» արտահոսքի հետևանքով դատավորների հրաժարականի մասին «Կրոկուսի» ահաբեկչության ժամանակ մի խումբ մարդկանց փրկած Կարեն Ենգիբարյանը մահացել է Ինչպես են դատավորները փախչում, երբ խոսքը գնում է Փաշինյանի իշխանության կողմից ճնշվելու մասին (video) Փրկարարները դուրս են բերել ավտոմեքենան Արփա գետից «Ալենի երգը երգած է․ չի պլստալու»․ Միկա Բադալյան (video) Ռուս փորձագետ Մաքսիմ Վասկովը հակադարձում է Փաշինյանին ու իր ՔՊ-ականներին (video) Մենք էլ մարդ ենք ման գալիս, ով կապացուցի, որ Ալենն իր հոր տղեն է, ոչ թե՝ հարևան Գագոյի․ Կիվիրյան (video) Բլինքեն-Փաշինյան-Ֆոն դեր Լայեն հանդիպումը նվիրված չէ «անվտանգության երաշխիքներին». Պիտեր Ստանո Ո՞վ է մատնիչը․․․ (video) Վտանգավոր Մհերը, ով վտանգում է մեր հողերը «Ղռերի կատվի» մեկ միլիոնանոց կայֆերը․ նոր թալանը սկսված է․ Մանկավարժ (video) Փաշինյան-Ավինյան-ՔՊ-ն շարունակում է Երևանում ԾԱՌԱՄՈՐԹԸ Աննա Հակոբյան, թանկ չի՞․․․ 200 հազարով գիտե՞ս՝ ինչեր կան․․․ (video) «Դուք տեսե՞լ եք իմ ձերբակալության կադրերը»․ Սամսոնյանի նամակը ԱՄՆ դեսպանին․ ակցիա (video) Քրեական վարույթի շրջանակներում որոնվում են տեսագրության մեջ պատկերված անձինք ՀՀ տարածքում կան փակ ավտոճանապարհներ Թուրքիայի լրջագույն կապը Ռուսաստանում սարսափելի ահաբեկչությանը․․․ (video) Ծանրամարտի ԵԱ-ի բացման ժամանակ տեղի ունեցած անմիտ արարքից հետո միջազգային ֆեդերացիան լուրջ մտահոգություն ուներ. Արայիկ Հարությունյան Վահե Ղազարյան, ես ձեզ զգուշացնում եմ՝ բոլորդ փտելու եք բանտերում․ Մարինա Խաչատրյան (video) Ռուս փորձագետն զգուշացրեց՝ ինչ է սպառնում Հայաստանին՝ հակառուսական այս խայտառակ քարոզի պատճառով (video) 102-րդ ռազմաբազայի և ռուս սահմանապահների ներկայությունը Հայաստանի ինքնիշխանության միակ իրական երաշխիքն է. ՌԴ ԱԳՆ Տավուշում Նիկոլն Ալիևի հետ գաղտնի պայմանավորվածության է եկել. Ադրբեջանի հարցերով փորձագետ (video) Կորել են բնաՊԱՀՊԱՆԱԿները, համարել անվավեր Ծառահատումներ՝ բռնությունների կիրառմամբ Դատավորի սիրտը Ծաղկաձորում տուն է ուզում․․․ (video)
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am