Չնաշխարհիկ …-ը

Բազմակետերի փոխարեն, իհարկե, բառ պիտի լիներ: Բայց այն կարող էր կոպիտ հնչել, նույնիսկ՝ վիրավորական: Մյուս կողմից, սիրելի ընթերցողը կարող էր մեր տված բնորոշումը շատ մեղմ համարել և ավելի թունդ բառ գործածել, ավելի ջերմ, այսպես ասած: Ուտի որոշեցինք սիրելի ընթերցողների ճաշակին թողնել, այնպես որ նիկոլի անձնական սպասարկման «էկոնոմիկայի նախարար» Վահան Քերոբյանին յուրաքանչյուրը կարող է ընթերցելուն զուգահեռ անկաշկանդ բնորոշել իր ճաշակով: Քավ լիցի, բնորոշումների ճոխ մենյու կա:

Մենյուների մասին: Այսինքն, այս դեպքում՝ դույն անձնավորության: Նա, դե Քերոբյան Վահանը, էլի, երեկ քնել-զարթնել է, ու թե բա՝ «այսօր ևս չնաշխարհիկ ծրագրեր ընդունեցինք գյուղատնտեսության և տնտեսության ոլորտներում, ծրագրեր, որոնք կոգեշնչեն մարդկանց նոր սխրանքների: Ամեն Աստծո օր ես տեսնում եմ, թե ինչպես են իմ գործընկերները լավացնում մարդկանց կյանքն ու դարձնում Հայաստանն ավելի լավ տեղ ապրելու ու արարելու համար»:

Սա լրիվ «փերֆեքթ-թի-վի» վիճակ է, եթե չասենք՝ բացարձակ «զուգահեռ աշխարհների» պատրանք: Փաստորեն, կարելի է գրեթե առանց սխալվելու ենթադրել, որ նիկոլի «մենյու» Քերոբյանը նիկոլազոմբիների պաշտած «փըրֆեքթ-թի-վի»-ի գաղափարախոսն ու գլխավոր խորհրդատուն է:

Ուրեմն, դրա ասածից ստացվում է, որ իրենք ամեն օր չնաշխարհիկ ծրագրեր են ընդունում, այն էլ՝ գյուղատնտեսության և տնտեսության ոլորտներում: Ճիշտն ասած՝ չգիտեինք, որ գյուղատնտեսությունն ու տնտեսությունն առանձին-առանձին գոյություն ունեն: Դե մենք, հետամնաց, տոտալիտար սովետական կրթություն ենք ստացել, եվրոպական հնչեղ համալսարանների դիպլոմներ չունենք, ուստի թյուրիմացաբար կարծում էինք, թե գյուղատնտեսությունը տնտեսության կարևոր բաղկացուցիչներից է: Այնքան կարևոր, որ Հայաստանի տնտեսության մի զգալի մասն է ապահովում ու բոլոր «հները» անհրաժեշտ էին համարում, որ առանձին գյուղնախարարություն լինի: Եկան նիկոլենք, ու քանի որ իրենց նպատակը Հայաստանը վարի տալն էր ու է, հայությանը Հայաստանից ռադ անելը, վերացրեցին նաև գյուղնախարարությունը:

Դա, իհարկե, չի խանգարում, որ Վահան Քերոբյանի նման մեկը ելնի ու հայտարարի, թե… չնաշխարհիկ ծրագրեր են ընդունել: Երևի դիպլոմավորված չոբանների նոր խմբաքանակ են ներկրել: Կամ էլ «խոպան գնացածներին» են «բերման ենթարկել (մի երկու օր առաջ նման դարակազմիկ չնաշխարհիկություն էր դա բլթացրել):

Հա, ու այդ չնաշխարհիկ ծրագրերը Վահան Քերոբյանին ու նրա «կոկորդիլոսաբույծ» քայլոներին մղելու է նոր սխրանքների…

Չէ, բայց հենց նիկոլն ու իր նիկոլիկները խոսում են «նոր սխրանքներից», սկսում ես լրջորեն անհանգստանալ, թե է՛լ ի՞նչն են պատրաստվում նվիրել իրենց սիրելի թուրքերին:

Հա, ու ըստ Վահան Քերոբյանի, իրենք ոչ թե ոչնչացնում ու լափում են Հայաստանը, այլ այն դարձնում են «ավելի լավ տեղ՝ ապրելու համար»: Սա, փաստորեն, նիկոլից հետո, երկրի թիվ 2 հեքիաթասացն է: Ձեռքներն արյունոտ, գլխակեր ու մարդատյաց, բայց՝ հեքիաթասաց: Չնայած, նա հո չի՞ ասում՝ հայերի համար ավելի լավ ապրելու տեղ: Վաղը կելնի, կասի, որ երբ նման բան էր գրում, նկատի ուներ, որ Հայաստանն ավելի լավ ապրելու տեղ են իրենք դարձնում թուրքերի, ադրբեջանցի թուրքերի, պակիստանցիների ու առհասարակ, հայերից բացի՝ բոլորի համար:

Ախր այնքան լավ «ապրելու տեղ» են Հայաստանը դարձրել նիկոլենք, որ մարդիկ արդեն հարյուր հազարավորներով ոչ թե արտագաղթում, այլ արտափախչում են արյան, աղետի, պաշտոնական ստախոսության, բեսպրեդելի, նիկոլաօլիգարխների ամենաթողության, հակամարդկայնության, անիրավության ճահճի վերածված Հայաստանից:

Բայց դա կարևոր չէ: Կարևորն այն է, որ Հայաստանի ու հայության դեմ աններելի ոճիր գործած ռեժիմն ու այդ ստորագույն ռեժիմի այս «քյաբաբ ցրելու» (տարածելու իմաստով) գորձ կպցրած ներկայացուցիչը ամեն օր չնաշխարհիկ ծրագրեր ընդունելու մասին բլթացնի, հայտարարի, թե մի 5000 տոկոս տնտեսական աճ է եղել, մի խոսքով՝ նիկոլի արյունարբու ցիռկի արենայում դրսևորվի:

Ի դեպ, Թուրքիայի մասին: Վահան Քերոբյանի պատկերացրած «չնաշխարհիկ ծրագրերը» առանձնապես մի գաղտնիք էլ չեն: Սա այն նիկոլանձն է, որը բացահայտ, անթաքույց ու անպատիժ զբաղված էր և զվաղված է թուրքական ու ադրբեջանական շահերի լոբբինգով: Երևում է՝ շաբաթ-կիրակի օրերին էլ «փերֆեքթ թի-վի»-ի ոսպինգով է զբաղվում՝ չնաշխարհիկ, գալակտիկական մասշտաբների ծրագրեր մտմտալու միջակայքում:

Արմեն Հակոբյան

7or.am

դիտվել է 2054 անգամ
Լրահոս
Նիկոլ Փաշինյանի նյարդերը տեղի են տվել Նոր դիվանագիտական սկանդալ է հասունանում արտգործնախարարությունում Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար Փաշինյանը փակագծերը չի բացում. Արեւմտամետները կասկածում են Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին Ովքե՞ր են ընդգրկված լինելու Հայկ Մարությանի նոր կուսակցությունում Դիանա Գալոյանը նոր պաշտոն կստանա՞ Գյումրիում Նիկոլ Փաշինյանին շատ «ջերմ» ընդունելություն են ցույց տվել Այսօր ընթանում ենք խաչելության խորհրդով՝ մատնված, դավաճանված՝ խաղաղության համբույրի պատրվակի ներքո Պատգամավորներից մինչև ՊԵԿ օպերլիազորներ․ թանկարժեք ժամացույց հայտարարագրած պաշտոնյաները. «Հետք» Վիճաբանություն և ծեծկռտուք՝ Երևանում․ կռվի մասնակիցների մեծ մասը անչափահասներ են․ կա վիրավոր Վթարային ջրանջատում է սպասվում մի շարք հասցեներում Ի՞նչ հիմքով են ուզում պետականացնել «Գրողների միության» և «Նկարիչների միության» շենքերը. Դատախազության տեղեկանքը Հայաստանում ԵՄ առաքելությունը վերածվում է ՆԱՏՕ-ի առաքելության. ՌԴ ԱԳՆ ՀՀ իշխանությունը ամեն կերպ մոռացության է տալիս Արցախն ու Արցախի հարցը. ՀՅԴ Բյուրո Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Խելքի աշաեցե՜ք. Նիկոլին սպասարկող և թուրքերին բացահայտ ծառայողի պահվածք դրսևորող սույն քայլիստ երեսփոխանը ուրիշների գործակալ լինելու մասին է խոսում... Թուրքիան ԱՄՆ-ի հետ բանակցություններ է սկսել Ուկրաինային զինամթերք մատակարարելու հարցով Հայկազ Բաղմանյանը հերքում է Սուրիկ Խաչատրյանից 10 մլն դրամ պարտք վերցնելը․ Հետք «Ջերմուկի» ապակյա շիշը կոտրվել է և դրա բեկորը դիպել է քաղաքացու աչքին Լարսը բաց է ՀՀ ղեկավարությունը միտումնավոր փլուզում է հարաբերությունները Ռուսաստանի հետ․ Լավրով Գողացել են «Գոյ» թատրոնի անձնակազմի սեփական գույքը Խոշոր ավտովթար՝ Երևանում․ բախվել են «Nissan»-ն ու «Ford Transit»-ը. վարորդները հիվանդանոցում են
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am