Նիկոլ Փաշինյանի պողպատե մանդատը․ Ալիևն արդեն պահանջում է

 Կառավարության վերջին նիստում Նիկոլ Փաշինյանը հայտարարեց, որ իր գլխավորած <<Քաղաքացիական պայմանագիր» կուսակցությունը 2021 թվականի արտահերթ խորհրդարանական ընտրություններում ստացել է Հայաստանի և Արցախի համար խաղաղ զարգացման դարաշրջան բացելու մանդատ: Մանդատը ստացել է Հայաստանի Հանրապետության քաղաքացիներից:

Այդ մանդատը, ըստ Փաշինյանի՝ ենթադրում է մեր երկրի շուրջ բարենպաստ միջավայրի ձևավորում, տարածաշրջանային կոմունիկացիաների բացում, տարածաշրջանային կայունության ու տևական խաղաղության հաստատում: Փաշինյանը, սակայն, հաջորդ պարբերության մեջ հակաել է ինքն իրեն՝ մատնանշելով Ադրբեջանի ապակառուցողական դիրքորոշումն այս հարցում։ Ըստ Փաշինյանի՝ Ադրբեջանը փորձ է անում տպավորություն ստեղծել, թե Հայաստանը դեմ է խաղաղությանը և խաղաղության պայմանագրին: Ստեղծված իրավիճակում Հայաստանի համար ընդունելի է ԵԱՀԿ Մինսկի խմբի համանախագահների մոտեցումը, որն արտահայտվել է մասնավորապես ապրիլի 13-ի հայտարարության մեջ, որում նրանք կոչ են անում հատուկ ուշադրություն դարձնել վերջնական համապարփակ և կայուն կարգավորմանը։ Կարգավորման հիմքում հայտնի սկզբունքներն են՝ ազգերի ինքնորոշում, ուժի կամ ուժի սպառնալիքի կիրառման բացառում ու տարածքային ամբողջականություն։

Իր հերթին Ադրբեջանն անընդհատ հայտարարում է, թե Արցախի հարցն արդեն լուծված է, ավելին՝ 2020 թվականի նոյեմբերի 9-ի տխրահռչակ թղթով նախանշվում է նաև սահմանազատման հարցը՝ խորհրդային Ադրբեջանի ու խորհրդային Հայաստանի սահմանների գծով։ Ալիևը բազմիցս է հայտարարել, որ սահմանազատման համատեքստում ուզում է ստանալ Արցախն ամբողջությամբ, դեռ որոշ տարածքներ էլ Հայաստանի Հանարապետության տարածքից։ Ալիևի ախորժակը այնքան է բացվել, որ նա հրապարակավ խոսում է <<Պատմական Զանգեզուրը և Էրիվանը վերադարձնելու>> մասին։ Այս հայտարարությունները կարելի էր դիտարկել սոսկ ադբեջանական ներքին սպառման համատեքստում արտաբերված ինչ-որ մտքեր։ Սակայն ադրբեջանական զինուժի ավելի քան երեքամսյա ներկայությունը Սյունիքի տարածքում բոլորովին այլ իրողության մասին է վկայում։ Ալիևը, ըստ էության, նոր պատերազմի է պատրաստվում և իր այդ մտադրությունը նա չի էլ թաքցնում։

Հայկական կողմը, մասնավորապես վերջին արտահերթ ընտրության ժամանակ պողպատե մանդատ ստացած Նիկոլ Փաշինյանը հրաշալի գիտի այդ մասին։ Եվրոպական խորհրդի ղեկավար Շառլ Միշելի հետ Երևանում կայացած հանդիպման ժամանակ
Նիկոլ Փաշինյանն ասել է, որ Ադրբեջանը մտադիր է նոր ռազմական բախումներ հրահրել Արցախում և հայ-ադրբեջանական սահմանին, և դրա դրսևորումները տեսնում ենք հայ-ադրբեջանական սահմանի Նախիջևանի հատվածում: Եվրոպացի պաշտոնյան Հայաստանի և Ադրբեջանի սահմանին ծավալվող իրադարձություններն անվանել է վիճելի տարածքների կարգավիճակի հստակեցմամբ պայմանավորված կոնֆլիկտ և կոչ արել գտնել խաղաղ լուծումներ։ Նիկոլ Փաշինյանը անգամ չի էլ ընդդիմացել և չի փորձել ուղղում մտցնել խոսակցության մեջ առ այն, որ խոսքը ՀՀ ինքնիշխան տարածքի մասին է։ Սա կարելի է դիտարկել նախապատրաստական աշխատանք՝ նոր ռազմական բախումներ սկսվելու դեպքում Հայաստանի տարածքները զիջելու համար։ Մեր զինված ուժերը դիմակայելու ռեսուրս չունեն, Նիկոլ Փաշինյանի և իշխանության հույսն ամբողջությամբ Հայաստանում տեղակայված ռուսական բանակն է։ Բայց մի տեսակ դժվար է պատկերացնել, որ ռուսական բանակը կպաշտպանի այն պետության սահմանները, որին Եվրոպական Միությունը 2,6 մլրդ եվրո աջակցություն է տրամադրելու։


Հայկ Դավթյան

 

 

 

դիտվել է 1693 անգամ
Լրահոս
Չեխովի փողոցի շենքից քաղաքացիների են տարհանել Բենզինը և հեղուկ գազը ոչ շուկայական պատճառներով են թանկացել Ալմա-Աթայի հռչակագիրը չի կարող հիմք լինել Արցախն Ադրբեջանի կազմում ճանաչելու համար․ Գևորգ Դանիելյան Երեկոյան ժամերին Երևանում հնարավոր է կարճատև անձրև և ամպրոպ Խոշոր հրդեհ է բռնկվել Դավիթաշենում․ հայտարարվել է հրդեհի վտանգավորության Բիս1 աստիճան Ալիևն արդեն բաց է խոսում, իսկ Արայիկ Հարությունյանին՝ անվանում նախագահ կոչվող տարր Փաշինյանը քիչ էր մնում ներողություն խնդրեր Թուրքիայից՝ հայ ժողովրդի կողմից հաղթած Սարդարապատի համար Ալիևը՝ խաղաղության պայմանագրի մասին Ռուսաստանը հյուպատոսություն կբացի Սյունիքում Խորհրդանշական ու հաղթական մայիս Չափազանց կարևոր մի տարբերություն կա Հայաստանի և արհեստածին Ադրբեջանի միջև Ռոբերտ Քոչարյանը շնորհավորել է Հանրապետության օրվա առթիվ Ովքեր են «Մայր Հայաստան» ժողովրդական շարժման նախաձեռնող խմբի անդամները Սարդարապատի հուշահամալիր տանող ճանապարհը փակ է. լրագրողներին թույլ չեն տալիս բարձրանալ Ռաֆայել Հովհաննիսյան․ Ինքս ինձ խոսք եմ տվել, որ կդառնամ աշխարհի չեմպիոն Գազի բալոնի պայթյունից Ստեփանակերտում փլուզվել է ավտոտնակի պատը. փլատակների տակից հայտնաբերվել է 34-ամյա բնակչի դին Ադրբեջանցիների կողմից առեւանգված երկու զինծառայողների հարազատներ ահազանգել են Վթարից տուժած երեխաներից 3-ի վիճակը շարունակում է մնալ շատ ծանր, 1-ի վիճակը՝ ծայրահեղ ծանր Լցվենք վճռականությամբ՝ պաշտպանելու շրջափակման մեջ գտնվող Արցախի մեր ժողովրդի ինքնորոշման իրավունքը. Կաթողիկոսի ուղերձը Նման բառադի երկրում գոյություն ունի պաշտպանության նախարա՞ր․ Ավետիք Իշխանյան
Ամենաընթերցվածները
Շուտով
Մայիսի 29-ին, ժամը 14:00-ին, Հայելի ակումբի հյուրն է Նաիրա Մելիքյանը Մայիսի 29-ին, ժամը 12:00-ին, Հայելի ակումբի հյուրն է Վոլոդյա Հովհաննիսյանը Մայիսի 29-ին, ժամը 13:00-ին, Հայելի ակումբի հյուրն է Լարիսա Ալավերդյանը Մայիսի 29-ին, ժամը 14:30-ին, Հայելի ակումբի հյուրն է Խաչիկ Մանուկյանը Մայիսի 29-ին ,ժամը 15:00-ին, Հայելի ակումբի հյուրն է քաղաքագետ Հայկ Նահապետյանը Մայիսի 26-ին, ժամը 11:30-ին, Հայելի ակումբի հյուրն է Հովհաննես Գալստյանը Մայիսի 26-ին, ժամը 14:30-ին, Հայելի ակումբի հյուրն է Արսեն Նիկողոսյանը Մայիսի 26-ին, ժամը 12:30-ին, Հայելի ակումբի հյուրն է Էդգար Էլբակյանը Մայիսի 25-ին, ժամը 13:00-ին, Հայելի ակումբի հյուրն է Տիգրան Չոբանյանը Մայիսի 25-ին, ժամը 13:30-ին, Հայելի ակումբի հյուրն է Լիդա Առուշանյանը
Հետևեք մեզ Telegram-ում https://t.me/hayeli_am
Hayeli.am