Ես ինքս եմ տեսել, թե ինչպես է դողում Հեյդար Ալիեւի կզակը Ռոբերտ Քոչարյանի առջեւ. Հենրիկ Քոչինյան
«Երբ 1988-ին սկսվեց Արցախյան շարժումը, մեզանից շատերը չէին կարող պատկերացնել, թե ինչ դժվարին ուղու վրա ենք կանգնել: Բայց եկավ 1994 թվականը, եւ մենք տեսանք հաղթանակներ՝ Շուշիի, Կովսականի, Ջրականի, Քարվաճառի ազատագրումը: Ցանկացած աշխատանք կատարվում է թիմով: Այս տաղանդավոր մարդկանց աշխատանքը ղեկավարում էր Ռոբերտ Քոչարյանը: Հաճախ՝ առաջնագծում կանգնած զինվորի կողքին»,- Վանաձորում «Հայաստան» դաշինքի հանրահավաքում հայտարարեց Լոռու մարզի նախկին մարզպետ Հենրիկ Քոչինյանը:
«Հիմա ինչու՞ չստացվեց:Որովհետեւ որոշումներն ընդունում էր մի մարդ, ով պատկերացում չուներ բանակի մասին: Հաղթանակ ոչ միայն ռազմի դաշտում, այլեւ դիվանագիտության մեջ: Ես ինքս եմ տեսել, թե ինչպես է դողում Հեյդար Ալիեւի կզակը Ռոբերտ Քոչարյանի առջեւ: Հերթը Ալիեւ-կրտսերինն է»,- հիշեց Հենրիկ Քոչինյանը :