«2008 թվականից հետո իշխանությունների հետ որևէ առնչություն չեմ ունեցել». Քոչարյան
«Բացառում եմ, որ իշխանության գալու դեպքում Հայաստանում կլինեն արտոնյալ անձինք։ Եթե այս երևույթները չլինեին, 2018 թվականի ապրիլյան իրադարձություններն էլ չէին լինի ։
Դուք երբևիցե լսե՞լ եք իմ ընտանիքի անդամի կամ բարեկամի, հարազատի կողմից որևէ լկտիություն, որևէ տեղ»,- հարցրեց «Հայաստան» դաշինքի վարչապետի թեկնածու, երկրորդ նախագահ Ռոբերտ Քոչարյանը քաղաքացուն, ինչին ի պատասխան վերջինս բացասական պատասխան տվեց՝ միևնույն ժամանակ ավելացնելով, որ երկրորդ նախագահի ընտանիքի անդամները պարկեշտ են եղել, բայց այլ արտոնյալներ եղել են։
Հշենք, որ Քոչարյանը Կոտայքի մարզի Եղվարդ համայնքում է:
Քոչարյանը քաղաքացուն հարց ուղղեց, թե որ ժամանակաշրջանը նկատի ունի՝ 1998-2008-ը՝ իր նախագահության տարինե՞րը, թե՞ դրանից հետո։ Քաղաքացին պատասխանեց՝ այս վերջին տարիները։
«2008 թվականից հետո ես իշխանությունների հետ որևէ առնչություն չեմ ունեցել։ 2009-ից մինչև 2018 թվականը նույնիսկ շփումներ չեմ ունեցել, որովհետև շատ բաներ կար, ինչի հետ համաձայն չէի, դրա համար ուղղակի շփումներ չէի ունենում։ Եվ հիմա ասում եմ՝ բացառվում է, որ մենք նման կարգի դրսևորումներ թույլ տանք, դա միանշանակ է»,- ասաց «Հայաստան» դաշինքի առաջնորդը։
Հետևեք մեզ Viber-ում
