Ադրբեջանցիների հանդեպ լինելու է հակազդեցություն և ռազմավարական դաշնակցի հետ միասին գործակցությամբ այդ հարցը վերջնականապես փակվելու է. Տիգրան Ուրիխանյանը ներկայացրեց իրենց կուսակցության ծրագիրը
«Մեր տունը Հայաստանն է» կուսակցությունն այսօր ներկայացրեց իր նախընտրական ծրագիրը։ Կուսակցության ցուցակի առաջին համար Տիգրան Ուրիխանյանը նշեց, որ այս պահին առաջինային 4 խնդիրներ կան:
Ինչպես տեղեկացրեց՝ իրենց համար առաջնային է երկրի անվտանգության հարցը:
«Անվտանգության խնդիրներ կան ոչ միայն սահմաններին, որտեղ սպանվում են մեր զինվորները, այլև այդ վտանգը կախված է բոլորիս գլխին։ Այդ հատվածներից մենք գտնվում ենք 150-160 կմ հեռավորության վրա, և որևէ քաղաքացի իրեն չպետք է զգա կայուն և անվտանգ։ Մեր ծրագրում ներառված է, որ ժամեր առաջ պետք է վերանայվի աբողջ կոնցեպտը։ Պետք է իմանալ ճշմարտությունը ռազմավարական դաշնակցի՝ ՌԴ-ի հետ փոխհարաբերությունների վերաբերյալ, Ադրբեջանի հետ փոխգործակցության առումով և բանակի իրավիճակի մասին։ Մենք իշխանության գալուց հետո անմիջապես ժողովրդին ներկայացնելու ենք ճշմարտությունը։ Բանակցային գործընթացով վերանայելու ենք ռազմավարական գործընկերոջ հետ փոխգործակցության որոշ դրվագներ»,- ասաց Ուրիխանյանը:
Տիգրան Ուրիխանյանը հայտնեց, որ տեղի է ունենալու զինված ուժերի վերանայում, ադրբեջանցիների հանդեպ լինելու է հակազդեցություն և ռազմավարական դաշնակցի հետ միասին գործակցությամբ այդ հարցը վերջնականապես փակվելու է: