Մենք բոլոր աճպարարությունները հասկանում ենք, եւ դուք էլ եք հասկանում. Խաչատուր Սուքիասյան

«Նախկին 10 տարիների հետ համեմատած 3 տարվա մեջ շատ մեծ ձեռքբերումներ ունենք, ուղղակի մեզ խանգարեց COVID-19-ը եւ պատերազմը, զոհվեցին մեր զավակները։ Շատ հումորով, շատ թասիբով, շատ հյուրասեր ժողովուրդ եք։ Դուք պետք է ցույց տաք Հայաստանի մնացած բնակիչներին, թե ինչպես են հարգում հեղափոխությունը, որը տվել է ժողովրդավարություն, ազատություն. այդ ամենը երեւում է սպիտակ թղթի վրա։ Նախկին 10 տարիների հետ համեմատած 3 տարվա մեջ շատ մեծ ձեռքբերումներ ունենք, ուղղակի մեզ խանգարեց COVID-19-ը եւ պատերազմը, զոհվեցին մեր զավակները։ Խոնարհվում եմ այդ զավակների շիրիմների առջեւ, որովհետեւ նրանք բոլորիս զավակներն են, բայց այդ ամեն ինչը 20 տարվա սխալ քաղաքականության, սխալ պատկերացումների, սխալ հարաբերությունների, սխալ դիվանագիտության արդյունք են»,-  Գյումրիում քարոզարշավի ժամանակ հայտարարեց ՔՊ անդամ Խաչատուր Սուքիասյանը։

 «Երեւան-Գյումրի ճանապարհը կառուցելուց հետո Գյումրին ուրիշ կարգավիճակ է ձեռք բերելու: Գյումրին դա այցեքարտ է, շատ գեղեցիկ քաղաք է, դուք շատ տաղանդաշատ ժողովուրդ եք, դուք պետք է հավելյալ արժեք ստեղծեք, դուք ամեն օր պետք է մտածեք՝ ինչ անեք, որ նոր արժեք ստեղծեք։ Երեւան-Գյումրի ճանապարհը կառուցելուց հետո Գյումրին լրիվ ուրիշ կարգավիճակ է ձեռք բերելու, այստեղ գալու են ավելի հաճախ, դառնալու է հյուրընկալ քաղաք։ Ես ձեզ խորհուրդ եմ տալիս, մեկ տարի հետո ձեզ մոտ անշարժ գույքի, հողի, ամեն ինչի գները բարձրանալու են։ Հաշվի առնելով, որ դուք տաղանդաշատ եք, ճկուն եք, ուզում եմ մի հատված ասել, որ դուք պատկերացնեք՝ ինչի մասին է խոսքը։ Ամսի 9-ի ստորագրած փաստաթղթից մինչեւ այսօր հազարավոր աճպարարություններ են արել, որպեսզի զավթեն իշխանությունը։ Սիրելի գյումրեցիներ դուք բան ունեք ապացուցելու, դուք պետք է շատ բարձր տոկոս ապահովեք։ Մենք բոլոր աճպարարությունները հասկանում ենք, եւ դուք էլ եք հասկանում։ Բոլորս պատրաստ ենք մինչեւ անգամ մեր կյանքը զոհաբերել, որ մեր սերունդները լավ ապրեն Հայաստանում»,-ասաց նա: