Նիկոլ Փաշինյանը կհանձնի Երևանը. սկսվել է այլանդակ խաղը

Չնայած շուրջ կես ամիս է ադրբեջանական զորքը ՀՀ տարածքում է եւ արդեն զոհեր ունենք, բայց վարչապետի պաշտոնակատարի աթոռը զբաղեցնող անձը ակտիվ գործողությունների փոխարեն, վտանգավոր խաղի մեջ է մտել ռազմավարական դաշնակցի հետ: Իրենց ընդդիմադիր հռչակած պատգամավորներ Էդմոն Մարուքյանի եւ Տիգրան Ուրիխանյանի հետ պասերով մեկ հեգնում էր Ռուսաստանին, մեկ սպառնում, մեկ դրվատանքի խոսքեր ասում: Մասնավորապես, Մարուքյանի հարցին ի պատասխան՝ ինչ բանակցություններ են ընթանում ադրբեջանցիցներին հայկական տարածքից դուրս բերելու ուղղությամբ Փաշինյանն ասաց, թե Ադրբեջանի նախագահն ուժի գործադրմամբ փորձում է հասնել միջանցքին, բայց ապարդյուն.

«Այս գնահատականն էր պատճառը, որ ՀՀ-ն որոշեց դիմել ՀԱՊԿ-ին։ Ընդ որում, ես ուզում եմ հստակ արձանագրենք՝ շատ է խոսվում այն մասին, որ Հայաստանի բանակը ուժային գործողություն չի անում, այլ դիմում է ՀԱՊԿ-ին։ Ես ուզում եմ բոլորիս ուշադրությունը հրավիրել այն փաստի վրա, որ հենց ՀԱՊԿ-ն ու այդ կազմակերպության անդամ մեր գործընկեր երկրներն են, որ Հայաստանի հանրապետությանը հորդորել են չգնալ ռազմական ճանապարհով այս իրավիճակի հանգուցալուծմանը։ Եվ հետևաբար տվյալ դեպքում ՀԱՊԿ-ում ՀՀ-ն ոչ թե հանդես է գալիս որպես խնդրարկու, այլ դա մի գործիք է, որ այդ բոլոր երկրները միասին ստեղծել են՝ նմանատիպ իրավիճակներում օգտագործելու համար։ Պատկերավոր ասած՝ ոնց որ համատեղ ստեղծում են օդորակիչ և շոգի ժամանակ օգտագործում։ Ոնց որ ասեն՝ ինչո՞ւ պատուհանները չեք բացում, որ սկվազնյակ լինի, այլ օդորակիչն եք միացնում»,- ասաց Փաշինյանն ու խրոխտ հայտարարեց, թե այս պահի դրությամբ ՀԱՊԿ գործողությունների արագությունը հայկական կողմին չի բավարարում։

«Օրինակ՝ ասվում է, որ այդ հատվածում դեմարկացիա ու դելիմիտացիա արված չէ։ Նույն Ռուսաստանի և Ադրբեջանի սահմանները ամբողջությամբ դեմարկացված ու դելիմտացված չեն, ի՞նչ է սա նշանակում։ Եվ մենք պետք է այս հարցերում հստակություն մտցնենք»: Փակագծերն ավելի բացելով` Փաշինյանը անուղակիորեն ՌԴ-ին մեղադրեց Ադրբեջանին աջակցելու հարցում: «Ես չգիտեմ՝ ում հետ է համաձայնեցված այս ծրագիրը, ենթադրում եմ, որ Ադրբեջանը միայնակ չէր հանդգնի այսպիսի գործողություն իրականացնել։ Եվ ես կարծում եմ, որ այնուամենայնիվ ոմանց հետ նախապես համաձայնեցվել է այս ծրագիրը, բայց քանի որ կոնկրետություն չկա, մենք այդ ուղղություններով պետք է աշխատենք։ Եվ անհրաժեշտության դեպքում, երբ ունենանք հիմնավոր տեղեկություն, որ այս-այս միջազգային սուբյեկտների հետ այս ծրագիրը համաձայնեցված է, նաև պետք է մեր ժողովրդին բաց ու հրապարակային ասենք։ Գուցե մեր ժողովրդին պետք է բաց հրապարակային ասենք վերջին 3, 4, 7, 8, գուցե 10 տարվա իրադարձությունների մասին», -հավելեց նա։

Փաշինյանն ասաց, որ առաջիկայում սպասվում է Պաշտպանության նախարարի այցը Ռուսաստան։ «Եվ մենք որոշ հարցերի պատասխանը պետք է ստանանք և շարունակենք խորացնել մեր համագործակցությունը ՀԱՊԿ մեր գործընկերների և անվտանգության թիվ մեկ դաշնակից ՌԴ հետ»: Ճշտող հարցին ի պատասխան էլ չբացառեց, որ կդիմի ՄԱԿ-ին: Մարուքյան-Փաշինյան խաղից անմասն չմնաց Տիգրան Ուրիխանյանը՝ մանեւրի դաշտ բացելով Փաշինյանի համար, որպեսզի վերջինս սկսի խաղարկել եւ-եւ-ի քաղաքականություն եւ դրվատի ՌԴ-ին: «Դուք ունե՞ք մտավախություն, ես դա կարդում եմ տողատակերում, որ եթե ՀՀ-ն պատժիչ գործողություններ իրականացնի մեր սահմանը հատած ադրբեջանական զինված ուժերի նկատմամբ, այնուհետև ՌԴ-ն կամ ՀԱՊԿ զորքերը չեն ցուցաբերի անհրաժեշտ աջակցություն՝ խախտելով պարտավորությունները»,- հարցրեց պատգամավորը

Նիկոլ Փաշինյանն ի պատասխան ասաց ՀԱՊԿ-ը կամ Ռուսաստանի Դաշնությունն իրենց պայմանագրային պարտավորությունը չեն կարող չկատարել։ <<Այդպիսի բան ո՞նց է հնարավոր, էդ նշանակում է այդ կազմակերպությունը կամ որևէ երկիր հայտարարի ինքնալուծարման մասին։ Եթե ինքն իր միջազգային պարտավորությունը չի կատարում, դա ո՞նց եք հնարավոր համարում»։

Փաշինյանը հավելեց․ «ՌԴ նախագահը նաև հրապարակային հայտարարել է և ինձ հետ աշխատանքային քննարկումների ժամանակ ասել է, որ Ռուսաստանի դիրքորոշումը եղել է և մնում է այն, որ ՀՀ սահմանը կարմիր գիծ է ՌԴ համար։ Եվ, այո, ցավալի փաստ է, որ Ադրբեջանն այդ կարմիր գիծը հատել է։ Եվ ես անհավանական եմ համարում, անհնարին եմ համարում, որ Ռուսաստանի Դաշնությունը իր պայմանագրային պարտավորությունները չկատարի։ Այդ պայմանագրային պարտավորությունների ամբողջ իմաստն ու մեկնաբանությունն այն է, որ հարձակումը ՀՀ վրա հարձակում է ՌԴ վրա։ Դա գրված է թղթի վրա։ Սա նշանակում է, որ եթե որևէ մեկն անպատիժ կարող է հարձակվել ՀՀ վրա, ուրեմն ցանկացած մեկը անպատիժ կարող է հարձակվել ՌԴ վրա»։

Այսպիսով՝ ՀՀ սահմանների նկատմամբ ոտնձգությունը, մի քանի տասնյակ ադրբեջանցիներին չեզոքացնելու ջանքեր գործադրելու փոխարեն, Նիկոլ Փաշինյանը զբաղված է գեոքաղաքական կեղտոտ խաղով, ՀԱՊԿ-ը վարկաբեկելու գործով: Նիկոլ Փաշինյանը հավանաբար մոռացել է անցած տարվա հուլիսյան պատերազմը Տավուշի սահմանին, երբ ոչ միայն չդիմեց ՀԱՊԿ-ին, այլ մի դիրքի համար պատերազմը փորձեց ներկայացնել քարոզչական հզոր զենք, յոթ տասնյակ զինվորականների պարգեւատրեց: Հիմա եթե մի քանի տասնյակ ադրբեջանցի ոչ թե ռազմական գործողություն է իրականացնում, այլ ներխուժել են մեր տարածք, նշանակում է, որ ՀԱՊԿ-ը անելիք ունի՞: Իսկ որտեղ է Հայաստանի հանրապետություն սուվերեն պետությունը, չունի արդյոք պետական կառույցներ, որոնք կարող են ինքնուրույն լուծել զավթիչների հարցերը: Եթե Փաշինյանը չի տիրապետում նման օպերացիաների, կարող է իր կիրթ ընկերոջից խորհուրդ հարցնել, թե ինչպես 44 օրյա պատերազմից հետո Արցախում զինվորական ծառայություն իրականացնող մեր հայրենակիցներին գերեվարեցին, նրանց հռչակեցին իբրեւ ահաբեկիչներ եւ մի քանիսին էլ արդեն ռազմական տրիբունալի են ներկայացրել:
Փաշինյանը մատը մատին չի խփում, ինչու պիտի ՀԱՊԿ-ը աջակցի գոյություն չունեցող պետությանը: Թեման նոր թափով շահարկելու փաշինյանական փորձերը խորամանկ գավառամտության դրսեւորում են, նախընտրական փիառ՝ իբր ինքնուրույն երեւալու, ՌԴ-ին սպառնալու, բայց վերջնարդյունքում նրան քծնելու էժանագին բեմականացում, որը կարող է վտանգավոր հետեւանքներ ունենալ առանց այն էլ ճգնաժամային իրավիճակում Հայտնված Հայաստանի համար:

Անի Սահակյան

դիտվել է 3678 անգամ
Լրահոս
Փաշինյանը պաշտոնա՞նկ կանի Շիրակի մարզպետին Ռուսական և ամերիկյան քաղաքական շրջանակները՝ «Միասնություն» շարժման հավաքին «Ամեն մարդ թող իր գործով զբաղվի. դա իր տիրույթում չէ». Փաշինյանին վրդովեցրել է Պապիկյանի ասածը. նոր մանրամասներ՝ Ոսկեպարի հանդիպումից Ձյան առատ տեղումներն ու բուքը վերադառնում են․ եղանակն՝ առաջիկա օրերին Աննախադեպ երեւույթ «բարեգործությունների» պատմության ընթացքում Որևէ պաշտոնյա իրավասու չէ միանձնյա որոշել, թե որն է ՀՀ տարածքը. ի՞նչ էր անում «Հայաքվեն» վտանգված գյուղերում ԲԱՑԱՌԻԿ․ Տավուշի բնակիչները 10 օր ժամանակ են տվել Փաշինյանին Ոսկեպարի և Բաղանիսի բնակիչները Նիկոլ Փաշինյանի հետ հանդիպումից հետո պատրաստակամություն են հայտնել փակել ճանապարհները ԱԱԾ պահեստազորի սպաների միությունը շնորհավորել է Վլադիմիր Պուտինին Ստոլտենբերգն Անդրկովկասում սկում է «Մեծ խաղ» Հայաստանը չպետք է դառնա միաբևեռ աշխարհի ջատագով․ Էդուարդ Շարմազանով Ռուսաստանը կարող է «սանիտարական գոտի» ստեղծել Ուկրաինայում. Պուտին ՆԱՏՕ-ի գլխավոր քարտուղարը Վրաստանում է Սփյուռքը պետք է վերակազմակերպվի, Արցախի գերեվարված ռազմաքաղաքական ղեկավարները պետք է ազատ արձակվեն. Արամ Ա Որոշ շրջաններում ձյուն է տեղում․ ինչ իրավիճակ է ՀՀ ճանապարհներին ժամը 20։00-ի դրությամբ Առաջին անգամ Ոսկեպարում մետաղորսիչ սարքեր են դրել Փաշինյանի հետ հանդիպմանը. Նոր մանրամասներ Փաշինյանի «ահաբեկչական» այցը Ոսկեպար Ժողովու'րդ, Նիկոլի կողմից այդ 4 գյուղերի նվիրումը Ադրբեջանին ԲՈԼՈՐՍ խնդիրն է և միայն ոսկեպարցին կամ բաղանիստցին այդ հարցով չպետք է զբաղվեն... «Թարգմանեմ ՔՊերենից». Վլադիմիր Մարտիրոսյանը ցանկ է ներկայացրել Փաշինյանը գնացել էր համոզելու ոսկեպարցիներին, որ Ոսկեպարը մերը չի և պետք է հանձնի Ալիևին. Հակոբյան «SOCAR»-ը Թուրքիայում նոր ներդրումային քաղաքականություն է մշակում Եգիպտոսը հաստատել է, որ իր պատվիրակությունը Կատարում մասնակցում է Գազայի հարցով բանակցություններին Ստոլտենբերգը հուսով է, որ Վրաստանը կդառնա ՆԱՏՕ-ի անդամ Քանաքեռավանի գազալցակայանում տեղի ունեցած պայթյունի հանգամանքները պարզվում են քրեական վարույթի շրջանակում Լարսը բացվել է բեռնատարների համար
Ամենաընթերցվածները
Շուտով
Մարտի 19-ին՝ ժամը 16։30-ին, Հայելի ակումբի հյուրն է Աննա Այվազյանը/ Արցախ/ Մարտի 19-ին՝ ժամը 13։00-ին, Հայելի ակումբի հյուրն է Վարդուհի Գևորգյանը Մարտի 19-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը Մարտի 19-ին՝ ժամը 16։00-ին, Հայելի ակումբի հյուրն է Մանուել Մանուկյանը Մարտի 18-ին՝ ժամը 12։30-ին, Հայելի ակումբի հյուրն է Հովհաննես Իշխանյանը Մարտի 18-ին՝ ժամը 14։00-ին, Հայելի ակումբի հյուրն է Սարգիս Ավետիսյանը Մարտի 18-ին՝ ժամը 11։00-ին, Հայելի ակումբի հյուրն է Էդգար Ղազարյանը Մարտի 18-ին՝ ժամը 16։00-ին, Հայելի ակումբի հյուրն է Դավիթ Սահակյանցը Մարտի 18-ին՝ ժամը 15։00-ին, Հայելի ակումբի հյուրն էՍուրեն Սուրենյանցը Մարտի 15-ին՝ ժամը 16։00-ին, Հայելի ակումբի հյուրն է վաստակավոր մանկավարժ Գյուլնարա Ալեքսանյանը
Հետևեք մեզ Viber-ում https://cutt.ly/5wn8sJBS
Hayeli.am