Քաղաքապետի եղբայրը վիրավորել է Նիկոլ Փաշինյանին, կռիվ է սկսվել, կրակել են գազային ատրճանակով
Ուրբաթ օրը միջադեպ է տեղի ունեցել Մարմարաշեն համայնքում։ Այս մասին գրում է Hraparak.am-ը:
Մասիսի քաղաքապետի եղբայր Գոռ Համբարձումյանը, որի նկատմամբ 2018 թվականի հեղափոխության օրերին քրեական գործ էր հարուցվել, վիճել է ԵԿՄ Մասիսի տարածքային կառույցի նախագահ Սայեն Հայրապետյանի հետ։ Վեճը սկիզբ է առել սրճարաններից մեկում, այնուհետեւ տեղափոխվել Մասիս քաղաք։
Բանն այն է, որ, երբ Գոռ Համբարձումյանը սկսել է դեմ արտահայտվել Նիկոլ Փաշինյանին, վիրավորական արտահայտություններ անել նրա հասցեին, Հայրապետյանն էլ լսելով այդ խոսքերը, որոշել է կանգնել վարչապետի «թասիբին», և սկսվել է կռիվ։