Ազգակործան պատուհասի հուղարկավորությունը

Նիկոլ Փաշինյանի անադեկվատ պահվածն ու ստերը այլեւս չեն հանդուրժում անգամ նրանք, ովքեր նրան քաղաքականապես ծնել, սնել, աճեցրել ու բազմացրել են: Քանզի Արցախը հանձնած դավաճանը պիղծ է ողջ էությամբ, անգամ յուրայինների նկատմամբ, եւ հանուն իր շահի, հանուն աթոռի ու իշխանության վերարտադրության կարող է ոչնչացնել սեփական զավակին, տրորել ամենը, որի վրայով ինքը վեր է բարձրացել եւ դա անել բացահայտ ստի ու կեղծիքի միջոցով: Ինչպես հայտնի է Նիկոլ Փաշինյանն ապրիլի 14-ին խորհրդարանում հայտարարեց, որ առաջին նախագահը 2018 թվականի հուլիսին իրեն ասել է՝ «հողերը արդեն պետք է տաս»։ Այդ օրը, այո, բազում հայտարարություններ արեց նույն բովանդակության մեջ, ավելի ճիշտ՝ մեղադրանքներ բոլոր-բոլորի հասցեին, որ հողերը տվել են նախկինները, բանակցությունները մտցրել զրոյական կետ, բանակը թալանել ու այս իրավիճակի հետեւանքն էր 44-օրյա պատերազմը: Այս անադեկվատ մարդը մոռացել էր բանակցությունները իր՝ զրոյական կետից սկսելու հայտարարությունը, բանակի ուժեղացման, սպառազինման մասին պարծենալը եւ նման այլ հայտարարություններ:

Ինչեւ, բազում հասցեատերեր անդրադարձան Փաշինյանի խորհրդարանական արկածներին ու ստերին: Երեկ հերթը ՀԱԿ-ինն էր:
«Ազատության» հետ զրույցում Հայ ազգային կոնգրես կուսակցության փոխնախագահ Լևոն Զուրաբյանը, անդրադառնալով Փաշինյանի հայտարարությանը նշել է.
«Ես ցավով պետք է արձանագրեմ, որ Հայաստանի ղեկավարը ստախոս է, որովհետև նման բան չի եղել, ընդ որում՝ Նիկոլ Փաշինյանը դա շատ կատեգորիկ ձևով է ասում: Դա բացարձակ սուտ է, դա չի համապատասխանում իրականությանը, նման բան չի եղել:
Հայոց պետության ղեկավարի ստելու այդ կարողությունն իրականում ազգային անվտանգությանը վտանգ է ներկայացնում, որովհետև այդ նույն ոճը նա գործածում է ոչ միայն ներքին քաղաքական հանդիպումների ժամանակ, այլ նաև արտաքին քաղաքական հանդիպումների ժամանակ, և այն աղետալի հետևանքները, որ մենք ունենք դիվանագիտության մեջ, այս պատերազմի մեջ, որոշ մասով կապված են նաև իր անվստահելիության հետ և պայմանավորվել չկարողանալու իր այդ որակի հետ և ընդհանրապես բավականին լուրջ համակարգային արատների հետ, որ իր կառավարումն իր մեջ պարունակում է»:

Զուրաբյանն առաջարկում է, եթե Փաշինյանը իր վարկը ցանկանում է փրկել, թեև իր խոսքով՝ արդեն այդ վարկը փրկել ոչինչ չի կարող, ուղղակի թող որևէ ապացույց ներկայացնի.<<Առավել ևս, որ ինքը ասում է մեջբերում, սա նշանակում է, որ ինչ-որ ձևով կարող է ապացուցել, որ նման բան ասվել է: Մենք առաջարկում ենք բերել որևէ ապացույց, որ Տեր-Պետրոսյանը ընդհանրապես նման բան ասել է: Ոչ, դա սուտ է, սխալ է, նման բան չկա>>:
Ինչ է ասել Տեր-Պետրոսյանը, ի տարբերություն Նիկոլ Փաշինյանի, որը Զուրաբյանի խոսքով՝ ոչ միայն չի հասկանում, որ ընդհանրապես գաղտնիքներ չի կարելի բացել, ասում է՝ <<գաղտնիք ասեմ, հետո բացում է գաղտնիք, բայց դրա վրա էլ ավելացնում է մեկ այլ հանցագործություն, ոչ թե գաղտնիք է բացում, այլ գաղտնիք բացելու շղարշի տակ ներկայացնում է բացարձակ սուտ հորինվածք՝ սա անվայել պահվածք է պետության ղեկավարի համար, հետևաբար, ես ասում եմ՝ մենք մի քիչ այլ բարոյականության տեր մարդիկ ենք և ընդհանրապես բանակցությունների կամ պետական քաղաքականության այլ էթիկայի ներկայացուցիչներ ենք, բնականաբար, կոնֆիդենցիալ խոսակցությունների բովանդակությունը չենք բացում: Խոսացվել է լրիվ այլ բան, լրիվ այլ բաներ են ասվել>>:

Ճշտող հարցին, թե հողերի մասին խոսակցություն չի՞ եղել, Զուրաբյանը նույնն է պնդել, միաժամանակ ավելացնելով, որ Տեր-Պետրոսյանի դիրքորոշումը ղարաբաղյան հարցի կարգավորման վերաբերյալ հայտնի է իննսունականներից եւ հիմնադիր նախագահը անգամ հրապարակային է ներկայացրել, թե ինչպես է ինքը տեսնում հարցի կարգավորումը
<<Նույն դիրքորոշումը հայտնվեց 2017 թվականին խորհրդարանական ընտրությունների ժամանակ, երբ որ մենք ուղղակի նախազգուշացրեցինք, երբ Տեր-Պետրոսյանը նախազգուշացրեց ամբողջ ազգին, որ արդեն ստեղծվել է մի իրավիճակ, որ եթե մենք չգնանք խաղաղության, մեզ սպառնում է աղետալի պատերազմ՝ իր բոլոր ծանրագույն հետևանքներով>>:

Զուրաբյանն ասել է նաեւ, որ պատերազմը կարելի էր կանխել, եթե Նիկոլ Փաշինյանը դիվանագիտությունից փոքր-ինչ հասկանար: Ավելին հիշեցրել է, որ նրա իշխանության առաջին երկու տարիներին Ալիեւը <<խելոք> էր, հարձակում չկար մեր սահմանների վրա եւ սադրել է Փաշինյանը: Բայց սա էլ մի կողմ, Փաշինյանը, ըստ էության, համաձայն էր 5+2 տարածքների հանձնումը, բայց չի գնացել դրան, քանի որ Արցախի անկախության հարցն է օդում կախված մնացել: Զուրաբյանը տարակուսանք է հայտնում, փաստորեն, նա կարող էր առանց զոհերի խաղաղություն հաստատել, բայց չի արել.<<Փաշինյանը չունեցավ խիզախություն, չունեցավ իմաստնություն լուծել հարցը խաղաղ ճանապարհով, նա իր փառքի բարձունքում էր, կարող էլ խոսել ժողովրդի հետ, ասել՝ այսպիսի պլան կա, եկեք գնանք փոխզիջման>>:

Ինչպես ասում են՝ մեկնաբանություններն ավելորդ են, մնում է Լեւոն Տեր-Պետրոսյանը, ով ամենալավն է բնորոշել Նիկոլ Փաշինյանին՝ որպես ազգակործան պատուհաս, ներողություն խնդրի ժողովրդից այդ պատուհասին նրա գլխին կապելու համար ու միասին ձեռք ձեռքի տված մաքրվեն քաղաքական ասպարեզից:

Անի Սահակյան

դիտվել է 9471 անգամ
Լրահոս
«5165» շարժումը որևէ անձի կամ ուժի հետ կեղծ օրակարգերով կապել չի՛ հաջողվելու «Ամենազազրելին այն է, որ նա նորից իր ընտանիքի անդամներին է խառնում էդ ամենին». Արա Սահակյան (video) Իսրայելը ուժեղացնում է Գազայի հատվածին հասցվող հարվածները. Նեթանյահու Բաց երկնքի պայմանագրից Ռուսաստանի դուրս գալու պատճառների մասին Ադրբեջանը պահանջում է նոր զիջումներ, որոնք գնալով ընդլայնվում են. Տ. Աբրահամյան Մոուրինյոն պատրաստ է աշխատել Մխիթարյանի հետ Սուտ մատնություն Վանեցյանի նկատմամբ. ով է և ինչ է ասել Խնդրել ենք կալանք դնել Նիկոլ Փաշինյանի ամբողջ գույքի վրա Վստրեչի Ապերն ազատ է արձակվել Նիկոլ Փաշինյանի խոսնակը չի հերքել Սերգեյ Լավրովի խոսքերը Հայաստանում Սահմանադրական դատարանի վերջին երեք դատավորների նշանակման հարցում նույնպես ՄԻԵԴ-ը նույն կարծիքին կլինի. Հովհաննիսյան Հրապարակվել են Կազանի դպրոցում հրաձգության ժամանակ սպանվածների անունները Սա ծայրաստիճան անմարդկային է և դաժան. Միշուստին Խաղաղապահները կմնան, եթե... Ալիևը Կրեմլի առաջ պայման է դրել Բաքուն համբերատար կսպասի Փաշինյանի վերընտրությանը. Գինը՝ Զանգեզուրն է Ստեփանակերտ. Թող Բաքուն պատասխանի՝ ինչո՞ւ են ոչնչացվել մարշալներ Բաղրամյանի եւ Բաբաջանյանի հուշարձանները ՀԱՐՑՈՒՄ. Ու՞մ են քաղաքացիները իրենց քվեն տալու առաջիկա ընտրություններին (video) Մասնակցե՛ք ընտրությանը, ընտրեք ում ուզում եք՝ բացի Նիկոլից. ԵՊՀ-ին օգնելու այլ միջոց չկա. Դավիթ Ափոյան Բագրևանդում գտել են ինքնաձիգ, որով ենթադրաբար քրեական հեղինակության սանիկը 2 մարդ է սպանել Նիկոլը թող Աշոտիկին ուղարկեր արևածաղիկ վաճառելու. Միհրդատ Մադաթյան (video)
Ամենաընթերցվածները
Շուտով
Մայիսի 12-ին, ժամը 11:00-ին Հայելի ակումբի հյուրն է բիզնես խորհրդատու Արեն Ապիկյանը: Թեմա՝ Վարչապետի պաշտոնակատար Նիկոլ Փաշինյանի եզրափակիչ ելույթը ԱԺ մայիսի 10-ի հատուկ նիստում, նախընտրական թոհուբոհ Մայիսի 12-ին, ժամը 13:00-ին Հայելի ակումբի հյուրն է ԱԻՄ առաջնորդ Պարույր Հայրիկյանը: Թեմա՝ Վարչապետի պաշտոնակատար Նիկոլ Փաշինյանի եզրափակիչ ելույթը ԱԺ մայիսի 10-ի հատուկ նիստում, նախընտրական թոհուբոհ Մայիսի 12-ին, ժամը 14:00-ին Հայելի ակումբի հյուրն է «Ադեկվադ» կուսակցության վարչության անդամ Լիլիթ Թումանյանը։ Թեմա՝ #Antinikol շարժման ստեղծումը, նպատակները, նախընտրական թոհուբոհ Մայիսի 12-ին, ժամը 15:00-ին Հայելի ակումբի հյուրն է «Քաղաքացիական գիտակցություն» ՀԿ նախագահ, «Անտիֆեյք» կայքի հիմնադիր Նարեկ Սամսոնյանը: Թեմա՝ #Antinikol շարժման ստեղծումը, նպատակները, նախընտրական թոհուբոհ Մայիսի 12-ին, ժամը 16:00-ին հայելի ակումբի հյուրն է տնտեսագետ Վարդան Բոստանջյանը: Թեմա՝ Վարչապետի պաշտոնակատար Նիկոլ Փաշինյանի եզրափակիչ ելույթը ԱԺ մայիսի 10-ի հատուկ նիստում, նախընտրական թոհուբոհ Մայիսի 12-ին՝ ժամը 12։00-ին, «Հենարան» մամուլի ակումբում կհյուրընկալվի նեյրովիրաբույժ Մարինա Խաչատրյանը։ ԹԵՄԱ՝ անվտանգ է արդյո՞ք շարժական կետերում կորոնովիրուսի դեմ պատվաստվելը․ կորոնավիրուսով հիվանդների բուժման ուղեցույցներում առկա խնդիրները․ վերջին շրջանում կորոնավիրուսով հիվանդացության վիճակագրական պատկերը; Մայիսի 11-ին, ժամը 15:00-ին Հայելի ակումբի հյուրն է քաղաքական վերլուծաբան, հոգեբան Միհրդատ Մադաթյանը: Թեմա՝ Վարչապետի պաշտոնակատար Նիկոլ Փաշինյանի ելույթը ԱԺ հատուկ նիստում, մեսիջներ, խորհրդարանի լուծարումը, հետագա անելիքները Մայիսի 11-ին, ժամը 11:00-ին Հայելի ակումբի հյուրն է փաստաբան Տիգրան Աթանեսյանը: Թեմա՝ Վարչապետի պաշտոնակատար Նիկոլ Փաշինյանի ելույթը ԱԺ հատուկ նիստում, մեսիջներ, խորհրդարանի լուծարումը, հետագա անելիքները Մայիսի 11-ին, ժամը 12:00-ին Հայելի ակումբի հյուրն է ռեժիսոր, մուլտիպլիկատոր Դավիթ Սահակյանցը: Թեմա՝ Վարչապետի պաշտոնակատար Նիկոլ Փաշինյանի ելույթը ԱԺ հատուկ նիստում, մեսիջներ, խորհրդարանի լուծարումը, հետագա անելիքները Մայիսի 11-ին, ժամը 13:00-ին Հայելի ակումբի հյուրն է քաղաքագետ Սերգեյ Շաքարյանցը: Թեմա՝ Վարչապետի պաշտոնակատար Նիկոլ Փաշինյանի ելույթը ԱԺ հատուկ նիստում, մեսիջներ, խորհրդարանի լուծարումը, հետագա անելիքները
Հետևեք մեզ Facebook-ում https://www.facebook.com/hayeliclub