Պուտինի թակարդը, Փաշինյանը թփրտում է. վերջը մոտ է

Բելառուսի նախագահ Ալեքսանդր Լուկաշենկոն պատմել է, որ Ադրբեջանի նախագահ Իլհամ Ալիևն իր միջոցով ֆինանսական առաջարկ է փոխանցել Երևանին՝ Արցախի հարցի խաղաղ լուծման դիմաց։ Լուկաշենկոն ապրիլի 13-14-ը աշխատանքային այցով գտնվում էր Բաքվում, երկու նախագահները պատասխանել են լրագրողների հարցերին, տեսանյութի մի հատված չորեքշաբթի ցուցադրել է «Բելառուս 1» պետական հեռուստաալիքը:
«Ես, իհարկե, երբ էլ նախագահ չլինեմ, շատ լավ բաներ կպատմեմ այն մասին, թե ինչ է Իլհամ Հեյդարովիչն առաջարկել հայ ժողովրդին և Հայաստանի ղեկավարներին՝ այդ հակամարտությունը կարգավորելու համար։ Առաջարկներից մեկը, երբ նա ինձ ասաց․ «Լսիր, հայերին փոխանցիր, դու նրանց հետ լավ հարաբերություններ ունես, ես պատրաստ եմ ոչ միայն վերականգնել Ղարաբաղը, այլև Հայաստանին օգնել․․․ Ես գումարի չափն անգամ չեմ ասում, որը հենց հիմա պատրաստ եմ վճարել։ Փոխանցիր նրանց, որ մենք խաղաղ կարգավորենք հարցը»»,-պատմել է Լուկաշենկոն Ալիևի հետ ավելի վաղ կայացած իր խոսակցության մասին։
«Ես այսօր առաջին անգամ եմ հրապարակավ ասում դա: Եղել է նման բան։ Բայց Հայաստանի նախկին ղեկավարությունը, մինչև Փաշինյանը, հրաժարվել է դրանից»,-ավելացրել է Լուկաշենկոն։
Հիշեցնենք, որ ամիսներ առաջ համացանցում հայտնվել էր տեսանյութ, որի իսկությունը հաստատել էր նախկին նախագահ Սերժ Սարգսյանը։ Լուկաշենկոն այն ժամանակ Սարգսյանին 5 մլրդ դոլար էր առաջարկել՝ Արցախի շուրջ յոթ շրջանները Ադրբեջանին հանձնելու համար։ Ի պատասխան՝ Սարգսյանն առաջարկել էր 6 մլրդ դոլար, որպեսզի Իլհամ Ալիևը հրաժարվի այդ հողերից։
Հայտնի է նաեւ, որ 2018թ. Դուբայում Ալիևի ներկայացուցիչը նման առաջարկ է արել նաև Նիկոլ Փաշինյանին և Փաշինյանն, ըստ տեղեկությունների, ընդունել է այդ առաջարկը: Այդ մասին է վկայում նաև Լուկաշենկոյի ձևակերպումը, որ «մինչև Փաշինյանը» Հայաստանի նախկին ղեկավարությունը, հրաժարվել են Արցախի հարցը գումարով լուծելու Ալիևի առաջարկից:

Վլադիմիր Պուտինի ամենամոտ գործընկեր Լուկաշենկոյի այս հայտարարությունը, անշուշտ, ուշադրության է արժանի եւ ցույց է տալիս պաշտոնական Մոսկվայի դիրքորոշումը՝ կտրուկ եւ առանց տողատակերի, ինչը նկատվում է հատկապես Նիկոլ Փաշինյանի մոսկովյան վերջին այցից հետո: Ռուսաստանում Հայաստանի նկատմամբ ակնհայտորեն իրավիճակ է փոխել՝ բացասական առումով, իսկ թե որոնք են պատճառները, դեռեւս դժվար է ասել, միգուցե դա կհասկացվի մոտ ապագայում:
Սակայն այդ այցից հետո տեղի ունեցավ գերիների վերադարձի աղմկոտ միջադեպը, երբ ՀՀ իշխանությունները հայտարարեցին, թե գերիներ են վերադաձնելու, սակայն ինքնաթիռը Բաքվից եկավ դատարկ, իսկ Մուրադովը հաջորդ օրը հայտարարեց, թե հայաստանյան իշխանությունը մոլորեցնում է իր ժողովդրին, ոչ մի պայմանավորվածություն էլ չի եղել: Դրանից մեկ օր անց չեղարկվեց նաեւ ԱԺ խոսնակ Արարատ Միրզոյանի այցը Մոսկվա, ապա տարածվեց Ռուսաստանում Փաշինյանի՝ իրավաբանների հետ հանդիպման տեսանյութը, որտեղ պատերազմի մեղքը Փաշինյանը գցում է Ռուսաստանի վրա: Ապա Լուկաշենկոն է բաց տեքստով հայտարարում, որ Փաշինյանը գործարքի է գնացել Ալիեւի հետ: Իսկ այս ամենի արանքում Փաշնյանը խորհրդարանում սպառնաց, որ եթե իր հրաժարականից հետո որեւէ մեկի մտքով անցնի, որ նոր թեկնածու պետք է առաջադրի, Իմ Քայլը իրեն նորից վարչապետ կընտրի եւ մեկ տարի խորհրդարանն այլեւս հնարավորթյուն չի ունենա վարչապետ փոխել:

Չի բացառվում, որ հենց այս սցենարով էլ իրադարձությունները զարգանան եւ դրանով է նաեւ պայմանավորված պաշտոնական Մոսկվայի դիրքորոշման կոշտացումը, սակայն չի բացառում նաեւ, որ այդ սցենարը հենց Պուտինն է գրել, որպեսզի մեկ տարի էլ երկարացնի Փաշինյանի իշխանությունը եւ կորզի այն ամենն, ինչ իրեն հարկավոր է Թուրքիայի հետ գործարքում: Իսկ կոշտությունը թվացյալ է, շիրմա, որպեսզի հակառուսական տրամադրություններ չառաջացնի Հայաստանում:

Անի Սահակյան

դիտվել է 18991 անգամ
Լրահոս
Փաշինյանը պաշտոնա՞նկ կանի Շիրակի մարզպետին Ռուսական և ամերիկյան քաղաքական շրջանակները՝ «Միասնություն» շարժման հավաքին «Ամեն մարդ թող իր գործով զբաղվի. դա իր տիրույթում չէ». Փաշինյանին վրդովեցրել է Պապիկյանի ասածը. նոր մանրամասներ՝ Ոսկեպարի հանդիպումից Ձյան առատ տեղումներն ու բուքը վերադառնում են․ եղանակն՝ առաջիկա օրերին Աննախադեպ երեւույթ «բարեգործությունների» պատմության ընթացքում Որևէ պաշտոնյա իրավասու չէ միանձնյա որոշել, թե որն է ՀՀ տարածքը. ի՞նչ էր անում «Հայաքվեն» վտանգված գյուղերում ԲԱՑԱՌԻԿ․ Տավուշի բնակիչները 10 օր ժամանակ են տվել Փաշինյանին Ոսկեպարի և Բաղանիսի բնակիչները Նիկոլ Փաշինյանի հետ հանդիպումից հետո պատրաստակամություն են հայտնել փակել ճանապարհները ԱԱԾ պահեստազորի սպաների միությունը շնորհավորել է Վլադիմիր Պուտինին Ստոլտենբերգն Անդրկովկասում սկում է «Մեծ խաղ» Հայաստանը չպետք է դառնա միաբևեռ աշխարհի ջատագով․ Էդուարդ Շարմազանով Ռուսաստանը կարող է «սանիտարական գոտի» ստեղծել Ուկրաինայում. Պուտին ՆԱՏՕ-ի գլխավոր քարտուղարը Վրաստանում է Սփյուռքը պետք է վերակազմակերպվի, Արցախի գերեվարված ռազմաքաղաքական ղեկավարները պետք է ազատ արձակվեն. Արամ Ա Որոշ շրջաններում ձյուն է տեղում․ ինչ իրավիճակ է ՀՀ ճանապարհներին ժամը 20։00-ի դրությամբ Առաջին անգամ Ոսկեպարում մետաղորսիչ սարքեր են դրել Փաշինյանի հետ հանդիպմանը. Նոր մանրամասներ Փաշինյանի «ահաբեկչական» այցը Ոսկեպար Ժողովու'րդ, Նիկոլի կողմից այդ 4 գյուղերի նվիրումը Ադրբեջանին ԲՈԼՈՐՍ խնդիրն է և միայն ոսկեպարցին կամ բաղանիստցին այդ հարցով չպետք է զբաղվեն... «Թարգմանեմ ՔՊերենից». Վլադիմիր Մարտիրոսյանը ցանկ է ներկայացրել Փաշինյանը գնացել էր համոզելու ոսկեպարցիներին, որ Ոսկեպարը մերը չի և պետք է հանձնի Ալիևին. Հակոբյան «SOCAR»-ը Թուրքիայում նոր ներդրումային քաղաքականություն է մշակում Եգիպտոսը հաստատել է, որ իր պատվիրակությունը Կատարում մասնակցում է Գազայի հարցով բանակցություններին Ստոլտենբերգը հուսով է, որ Վրաստանը կդառնա ՆԱՏՕ-ի անդամ Քանաքեռավանի գազալցակայանում տեղի ունեցած պայթյունի հանգամանքները պարզվում են քրեական վարույթի շրջանակում Լարսը բացվել է բեռնատարների համար
Ամենաընթերցվածները
Շուտով
Մարտի 19-ին՝ ժամը 16։30-ին, Հայելի ակումբի հյուրն է Աննա Այվազյանը/ Արցախ/ Մարտի 19-ին՝ ժամը 13։00-ին, Հայելի ակումբի հյուրն է Վարդուհի Գևորգյանը Մարտի 19-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը Մարտի 19-ին՝ ժամը 16։00-ին, Հայելի ակումբի հյուրն է Մանուել Մանուկյանը Մարտի 18-ին՝ ժամը 12։30-ին, Հայելի ակումբի հյուրն է Հովհաննես Իշխանյանը Մարտի 18-ին՝ ժամը 14։00-ին, Հայելի ակումբի հյուրն է Սարգիս Ավետիսյանը Մարտի 18-ին՝ ժամը 11։00-ին, Հայելի ակումբի հյուրն է Էդգար Ղազարյանը Մարտի 18-ին՝ ժամը 16։00-ին, Հայելի ակումբի հյուրն է Դավիթ Սահակյանցը Մարտի 18-ին՝ ժամը 15։00-ին, Հայելի ակումբի հյուրն էՍուրեն Սուրենյանցը Մարտի 15-ին՝ ժամը 16։00-ին, Հայելի ակումբի հյուրն է վաստակավոր մանկավարժ Գյուլնարա Ալեքսանյանը
Հետևեք մեզ Viber-ում https://cutt.ly/5wn8sJBS
Hayeli.am