Մինչեւ տարեվերջ կառավարությունը մտադիր է պատվաստել երկրի բնակչության 20 տոկոսին
«Մինչեւ տարեվերջ կառավարությունը մտադիր է պատվաստել երկրի բնակչության 20 տոկոսին: Ռուսական «Սպուտնիկ V» պատվաստանյութը բերվել է հանրապետություն 1 մլն դեղաչափով: 2020 թվականից Հայաստանը սկսել է ոչ մեծ դեղաչափերով պատվաստանյութ ներկրել, անցած շաբաթ ներկրվել են «Սպուտնիկ V»-ի եւ «AstraZeneca»-ի խոշոր դեղաչափեր:
Երեկվանից սկսվել է բնակչության մասշտաբային պատվաստումը: Օգտվելով առիթից՝ ցանկանում են հայտարարել պատվաստմանը մասնակցելու կարեւորության մասին: Պատվաստումները թույլ են տալիս խուսափել հիվանդության ծանր դեպքերից եւ մահից»,-ԱԺ նիստում հայտնեց ՀՀ առողջապահության նախարար Անահիտ Ավանեսյանը:
«Ոչ բոլոր երկրներն են պատվաստվածների թիվը հասցնում մինչեւ 30-40 տոկոս: Շատերի մոտ այդ ցուցանիշը տատանվում է 15 տոկոսի սահմաններում:
Հայաստանում կորոնավիրուսից մահացությունը եւս միջին է՝ համեմատած աշխարհի այլ երկրների հետ՝ 17 տոկոս ընդդեմ 2 տոկոսի»,-նկատեց Ավանեսյանը: