ԱՄՆ-ից «քար նետեցին» դեպի Պուտին-Փաշինյան-Ալիև եռյակը

Միացյալ Նահանգները պատրաստ է օգնել Հայաստանին և Ադրբեջանին հակամարտության կարգավորման հարցում, եթե Բաքուն և Երևանը հետաքրքրված լինեն դրանով, երեկ հայտարարել է ԱՄՆ պետքարտուղարի օգնականի տեղակալ Ջորջ Քենթը առցանց սեմինարի ընթացքում:

«Այնքանով, որքանով Հայաստանը և Ադրբեջանը հավատարիմ են խաղաղ կարգավորմանն ու գործընթացում ԵԱՀԿ Մինսկի խմբի համանախագահների լիազորություններն օգտագործելուն, Միացյալ Նահանգները պատրաստ և հավատարիմ է մնում երկու երկրներին օգնելու ճանապարհ գտնելուն», - ասել է ամերիկացի բարձրաստիճան դիվանագետը: «Ռուսաստանի մտադրությունը մեկ այլ բաց հարց է մնում», - նշել է Քենթը` մանրամասնելով, որ Ռուսաստանը «որոշեց չհամաձայնեցնել հրադադարի պայմանները Մինսկի խմբի համանախագահների մեխանիզմի միջոցով», այլ «դա ուղղակիորեն ապահովեց եռակողմ ձևաչափով»:

Ամերիկացի դիվանագետի տեսակետից ՝ «անվտանգության հիմնական մարտահրավերը մնում է այն, թե ինչպես մոտենալ Լեռնային Ղարաբաղի հակամարտությանը այնպես, որ երկու երկրները հնարավորություն տան համաձայնության գալու վերջնական կարգավիճակի վերաբերյալ: Ադրբեջանը կարող է ընկալվել որպես պատերազմում հաղթած, «այնուամենայնիվ, դա չի հանգեցնում ճգնաժամի կարգավորմանը՝ ճիշտ այնպես, ինչպես երբ Հայաստանն էր հաղթել առաջին պատերազմում քառորդ դար առաջ», - ընդգծել է Քենթը: Միաժամանակ, նրա խոսքով, «բարենպաստ հնարավորություններ են բացվում», այդ թվում` ապագայում Հայաստանի և Թուրքիայի հարաբերությունների ջերմացման հարցում: Սա՝ «գուցե ոչ այս ամիս և ոչ այս տարի», բայց՝ հեռավոր ապագայում, հավելել է ամերիկացի դիվանագետը:

Վաշինգտոնից Ռուսաստանի հովանու ներքո ձեռքբերված համաձայնությունն, այսպիսով` համարում է ոչ լիարժեք ու առաջ է քաշում Լեռնային Ղարաբաղի կարգավիճակի հարցը: Այսինքն, արձանագրվում է, որ Ռուսաստանի աջակցությամբ ձեռքբերված համաձայնությունը թերի է, թույլ է, ու դեռ անելիք կա:

Հիմա Վաշինգտոնը կսպասի Մոսկվայի արձագանքին, թե ինչ է մտածում Ռուսաստանը՝ ԼՂ կարգավիճակի որոշման վերաբերյալ ամերիկյան ազդակի մասին:
Իսկ միևնույն ժամանակ ադրբեջանական սադրանքները Սյունիքում և Արցախում շարունակվում են:

Ադրբեջանցի զինվորականները քարեր են նետել հայկական քաղաքացիական ավտոմեքենայի ուղղությամբ։ Հերթական դեպքը ապրիլի 6-ին գրանցվել է Կապան-Գորիս միջպետական ավտոճանապարհին։ Դավիթ Բեկ - Շուռնուխ գյուղերի հատվածում տեղակայված ադրբեջանական զինվորականները քարեր են նետել հայկական պետհամարանիշով քաղաքացիական ավտոմեքենայի ուղղությամբ, որում ուղևորներ են եղել, հաղորդում է Կապանի քաղաքապետը։ Մեքենան չի վնասվել, բայց սա ևս մեկ անգամ հաստատում է, որ Սյունիքում գյուղերի հարևանությամբ, ճանապարհներին չպետք է լինեն ադրբեջանցի զինվորականներ, ցուցանակներ ու դրոշներ, ասում է Հայաստանի մարդու իրավունքների պաշտպան Արման Թաթոյանը։

«Ադրբեջանի իշխանությունները որպես պատրվակ օգտագործում են այդ ցուցանակները, դրոշները՝ տեղակայելու համար իրենց զինվորականներին, և իբր թե հայտարարված նպատակով պահպանեն իրենց ցուցանակները։ Ադրբեջանցի զինվորականների ներկայության պատճառով կոպտորեն խախտված են Հայաստանի քաղաքացիների, սահմանային բնակիչների իրավունքները՝ սեփականության իրավունքը, տնտեսական գործունեությամբ զբաղվելու, ներառյալ ձեռնարկատիրական գործունեություն իրականացնելու իրավունքը և այլն։ Եվ լրջորեն վտանգված են այնպիսի կենսական իրավունքներ, ինչպիսիք են կյանքի իրավունքը, ֆիզիկական և հոգեկան անձեռնմխելիության իրավունքը», - հավելել է Թաթոյանը։

Ադրբեջանցի զինվորականների տեղակայումն այդ տարածքներում ապօրինի է, ասում է օմբուդսմենը, քանի որ չկա միջազգային կանոններին համապատասխանող ո՛չ սահմանազատում, ո՛չ սահմանագծում։ Բացի այդ, նախևառաջ պետք է հիմք ընդունել մարդու իրավունքների գաղափարը, իսկ այստեղ կան խախտված և լրջորեն վտանգված իրավունքներ։ Թաթոյանը միջադեպի առիթով արդեն դիմել է միջազգային կառույցներին։ Այդ տեղեկությունները ներառվել են նաև Սյունիքում անվտանգության գոտի ստեղծելու հայեցակարգում․ - «Անվտանգության գոտին ենթադրում է, որ այն բոլոր վայրերից, որտեղ հիմա տեղակայված են Ադրբեջանի զինվորականները, ցուցանակներով ու դրոշներով հանդերձ պետք է հեռանան այդտեղից։ Մենք սահմանել ենք այս պահի հաշվարկներով առնվազն 10 կիլոմետր տարածքով։ Այդ անվտանգության գոտին ենթադրում է նաև մեր զինվորականների, սահմանապահ զորքերի համապատասխանաբար վերատեղակայում։ Եվ այն տարածքը, որը պիտի լինի անվտանգության գոտի, ապառազմականացված այդ հատվածը պետք է լիարժեք հասանելի լինի, անվտանգ լինի Հայաստանի քաղաքացիների, բնակիչների օգտագործման համար»։

Որ անվտանգության մակարդակը մեծացնելու կարիք կա, բարձրաձայնում է նաև Արցախի մարդու իրավունքների նորանշանակ պաշտպան Գեղամ Ստեփանյանը։ Երթևեկող մեքենաների ուղղությամբ ադրբեջանցի զինվորականների կողմից քարեր նետելու առաջին դեպքը մարտի 25-ին էր գրանցվել՝ Կարմիր Շուկա – Ստեփանակերտ ճանապարհահատվածում։ Իսկ մարտի 29-ին զոհված զինծառայողների մարմինները Ստեփանակերտից Գորիսի դիահերձարան տեղափոխող մեքենան էր վնասվել, ենթադրաբար ադրբեջանցիների կողմից։ «Մեր հայտարարությունը դատախազությունը հիմք է ընդունել և համապատասխան հանձնարարություն է ուղարկել հարցը ուսումնասիրելու համար», - ասել է Ստեփանյանը։

Գրանցվող նմանօրինակ միջադեպերի մասին տեղյակ են պահվում անվտանգությունը հսկող ռուս խաղաղապահները։ Նման դեպքերը վերլուծվում են, հետևություններ են արվում, ասում է Արցախի նախագահի մամուլի խոսնակ Լուսինե Ավանեսյանը․ - «Բնականաբար, հետևություններ արվում են, վերլուծվում է, թե ինչպես, ինչ ճանապարհով որ դեպքերում է հնարավոր, որ նման պրովոկացիաների գնա ադրբեջանական կողմը, և ինչ է հնարավոր անել, որպեսզի դրանք չկրկնվեն։ Օրինակ, կա նախագահի հանձնարարական, որպեսզի Արցախի կենտրոնական մայրուղիները գիշերային ժամերին լուսավորվածություն ունենան։ Ծրագիրը մեկնարկել է, Ասկերան – Ստեփանակերտը արդեն աշխատանքները սկսված են»։

Արցախի նախագահի խոսնակի փոխանցմամբ՝ նախօրեին ադրբեջանցիների կողմից կրկին սադրանք է իրականացվել. Շուշի - Ստեփանակերտ մայրուղու վրա, ռուսական ու հայկական դիրքերի գրեթե մեջտեղում գտնվող Շուշիի ազատագրման խորհրդանիշ հանդիսացող տանկ-հուշարձանի մոտակայքում ադրբեջանցի զինվորականները գրություններ են թողել։ Ռուս խաղաղապահներին տեղյակ են պահել։ Սա հոգեբանական գրոհ է Ադրբեջանի կողմից՝ Արցախում բնակվողների շրջանում հնարավորինս վախի մթնոլորտ ստեղծելու համար, ասում է Լուսինե Ավանեսյանը․ - «Նրանք, ովքեր պատերազմից հետո վերադարձել են Արցախ, պատրաստ են նման քայլերին հոգեբանորեն դիմակայել»։

Արձակված կրակոցներ, նետված քարեր, ներկված ցուցանակներ, գողացված անասուններ։ Այս ցանկը շարունակում է լրացվել։ Արցախի ԱԳՆ-ն իր տարածած վերջին հայտարարության մեջ ընդգծել է՝ անպատժելիությունն ու անգործությունը հղի են անկանխատեսելի հետևանքներով տարածաշրջանում խաղաղության և կայունության համար։

Մետաքսյա Շալունց

դիտվել է 4259 անգամ
Լրահոս
Այդ անամոթը Նիկոլ Փաշինյանն է Կոտայքի մարզում 6 զինծառայողների վրաերթի ենթարկած ու դեպքի վայրից փախուստի դիմած Mercedes-ի վարորդը կալանավորվել է Էս պատկերը դուք ավելի թեթև կտանեք, եթե միշտ հիշեք, որ նիկոլն էս երկրի համար մեկ սրբապիղծն ա. նա անբարոյական չի, նա ուղղակի չունի բարոյականություն Գլխակերը լրիվ ծաղրունածակի առարկա է դարձրել Հայաստանը, մեր կյանքն ու ապագան. մեկ ա՝ դու գնալու ես, պարոն «գելխեղդ» Կապիտուլյանտ Նիկոլի ստերին հավատալու փոխարեն, ովքեր կարդալ գիտեն, կարդացեք Մհերի ֆիլմը հույսի մասին է, արդար նպատակների իրականացման հույսի մասին է. «Իշխանություն» ֆիլմը ազգային հույսի մասին է Մի քաղաքագիտական ճշմարտություն հուշեմ. ընտրություններում հաղթում են նախքան ընտրությունների օրը Զոհերի պաշտոնական թվերն ու անունները իրար չեն համապաստասխանում. 779 զոհված տղա, ըստ պաշտոնական հրապարակումների, ոչ կռվել են, ոչ էլ զոհվել Սկի կինո նկարելուց էսքան կամեռա չկա Արյան վաճառականի գրոհը Պուտինի թակարդը, Փաշինյանը թփրտում է. վերջը մոտ է ԱԱԾ նախկին պետը ևս զեկուցել է․ Նիկոլ Փաշինյանը ստում է Նիկոլ Փաշինյանի հրահանգով հրապարակվել է կեղծված պետական գաղտնիք Նիկոլ Փաշինյանը նախապատրաստվում է․ նա զորք կհանի փողոց Պատերազմ՝ անթույլատրելի «զենքերով» Փաշինյանն ուզում է հագուրդ տալ Ալիեւի արյան ծարավին Քաստինգը սկսված է.կապիտուլանտի հպատակներն իրար հերթ չեն տալիս Արամ Առաջինը դժվար թե ինչ-որ մեկի պաշտպանության կարիքն ունենա. Միքայել Մինասյան Զառիթափ-Նոր Ազնաբերդ-Նախիջևանի սահման 14 կմ երկարությամբ ճանապարհի հիմնանորոգումը սկսել է 2014-ին, երբ ես Վայոց ձորի մարզպետն էի. Էդգար Ղազարյանը՝ Փաշինյանի հայտարարության մասին Լուկաշենկոյի՝ նախագահության ընթացքում «սկզբունքային որոշումներից» մեկը Ես ունեմ միայն մեկ անձնական թշնամանք և այն թուրքի հանդեպ է. Արա Վարդանյան «Շենգավիթ» ԲԿ-ում 5 կգ քաշով աղջիկ երեխա է ծնվել Տիրան Խաչատրյանը ևս մեկ հայց է ներկայացրել ընդդեմ ՀՀ նախագահի ու Նիկոլ Փաշինյանի Է՛, Օնիկ Գասպարյան… Կացնով կտրել ու գողացել են ՊՆ զորամասերից մեկին պատկանող մոտ 12 մետր պղնձե մալուխ
Ամենաընթերցվածները
Շուտով
Ապրիլի 16-ին, ժամը 12:00-ին Հայելի ակումբի հյուրն է Մեկ առողջություն հ/կ նախագահ Գրիգոր Գրիգորյանը: Թեմա՝ Covid-19 դեմ պատվաստանյութի փորձարկում, ինչ հետևանքներ կունենա, ներքաղաքական զարգացումներ, վարչապետի հայտարարությունները Ապրիլի 16-ին, ժամը 14:00-ին Հայելի ակումբի հյուրն է Արմնյուզ հեռուստաընկերության լրագրող Անի Գևորգյանը: Թեմա՝ Լրագրող Անի Գևորգյանի նկատմամբ սպառնալիքներ են հնչեցրել, մանրամասներ կպատմի միջադեպից Ապրիլի 16-ին, ժամը 13:00-ին Հայելի ակումբի հյուրն է «Ազգային ինքնորոշում միավորման» առաջնորդ Պարույր Հայրիկյանը: Թեմա՝ Վարչապետ Նիկոլ Փաշինայնի՝ ԱԺ -ի հարցուպատասխանի ընթացքում արած հայտարարությունները, ներքաղաքական իրավիճակ, ԲԴԽ նախագահ Ռուբեն Վարդազարյանի դադարեցում Ապրիլի 16-ին, ժամը 15:30-ին Հայելի ակումբի հյուրն է պրոդյուսեր Արմեն Գրիգորյանը: Թեմա՝ Վարչապետ Նիկոլ Փաշինայնի՝ ԱԺ -ի հարցուպատասխանի ընթացքում արած հայտարարությունները, ներքաղաքական իրավիճակ, ԲԴԽ նախագահ Ռուբեն Վարդազարյանի դադարեցում Ապրիլի 16-ին, ժամը 16:30-ին Հայելի ակումբի հյուրն է նախկին պատգամավոր Արագած Ախոյանը: Թեմա՝ Վարչապետ Նիկոլ Փաշինայնի՝ ԱԺ -ի հարցուպատասխանի ընթացքում արած հայտարարությունները, ներքաղաքական իրավիճակ, ԲԴԽ նախագահ Ռուբեն Վարդազարյանի դադարեցում Ապրիլի 15-ին, ժամը 15:00-ին Հայելի ակումբի հյուրն է ազատամարտիկ Գառնիկ Առաքելյանը: Թեմա՝ վարչապետ Նիկոլ Փաշինյանի աբսուրդային և ամբարտավան հայտարարությունները ԱԺ-ում Ապրիլի 15-ին, ժամը 15:30-ին Հայելի ակումբի հյուրերն են Ավագանու նախկին անդամ Սոնա Աղեկյանը և նրա փաստաբանը: Թեմա՝ Նիկոլ Փաշինյանի հրաժարականը պահանջող Սոնա Աղեկյանին բերման էին ենթարկել. մանրամասներ կներկայացնեն այդ գործից Ապրիլի 15-ին` ժամը 17:00-ին, Հայելի ակումբի հյուրն է «Հայրենիք» կուսակցության խորհրդի անդամ Արա Սահակյանը: Թեմա` վարչապետ Նիկոլ Փաշինյանի աբսուրդային և ամբարտավան հայտարարությունները ԱԺ-ում Ապրիլի 15-ին` ժամը 14:00-ին, Հայելի ակումբի հյուրն է «Պարացելսուս» հասարակական կազմակերպության նախագահ, բժիշկ Նունե Ներսիսյանը: Թեմա` վարչապետ Նիկոլ Փաշինյանի աբսուրդային և ամբարտավան հայտարարությունները ԱԺ-ում Ապրիլի 15-ին` ժամը 12:00-ին, Հայելի ակումբի հյուրն է«Ազգային անվտանգություն» կուսակցության նախագահ Գառնիկ Իսագուլյանը: Թեմա` վարչապետ Նիկոլ Փաշինյանի աբսուրդային և ամբարտավան հայտարարությունները ԱԺ-ում
Հետևեք մեզ Facebook-ում https://www.facebook.com/hayeliclub