Նիկոլ Փաշինյանը Մոսկվա է մեկնում՝ երաշխիքներ ստանալու համար

 Նիկոլ Փաշինյանը ապրիլի 7-ին մեկնելու է Մոսկվա՝ հանդիպելու ՌԴ նախագահ Պուտինի հետ։Ըստ Հայաստանի վարչապետ Նիկոլ Փաշինյանի խոսնակ Մանե Գևորգյանի՝ Պուտինի հետ հանդիպման նպատակով Նիկոլ Փաշինյանը ապրիլի 2-ից ինքնամեկուսացել է և աշխատում է հեռավար։

 Անհասկանալաի վիճակ է Փաշինյանի և Պուտինի՝ ինքնամեկուսացման ռեժիմով հանդիպման նախապատրաստումը, որովհետև եթե Փաշինյանի մոտ վարակ չի հաստատվել, և նա հանձնել է ՊՇՌ թեստ, ապա կարող է հանգիստ մտնել ՌԴ տարածք՝ առանց ինքնամեկուսացման։ Իսկ եթե նրա մոտ այս պահին կա հաստատված վարակ, ապա 5-օրյա ինքնամեկուսացումը որևէ հարց չի լուծում․ նա պետք է մեկուսանա առնվազն 14 օրով։ Այսինքն՝ Մոսկվա մեկնելուց առաջ 5-օրյա մեկուսացումը ոչ թե անհրաժեշտ, այլ հավելյալ զգուշավորություն է, որը որևէ կապ չունի համավարակի կանոնների հետ։ Մյուս կողմից, սակայն, այս ինքնամեկուսացումը հրաշալի առիթ էր չմասնակցելու Սուրբ Զատկի Ճրագալույցի պատարագին, որը մատուցվեց շաբաթ օրը՝ երեկոյան։ Ինչպե՞ս պետք է Նիկոլ Փաշինյանը գնար Էջմիածին և լուռ ունկնդրեր իր հրաժարականը պահանջած կաթողիկոսի մատուցած պատարագը: Եկեղեցում գտնվող հանրությունը ևս հազիվ թե նրան աստվածային պատվի արժանացներ։

Կամ ի՞նչ երեսով պիտի մասնակցեր Կոմանդոսի հոգեհանգստին՝ Շուշին թուրքին հանձնելուց հետո: Ընդհանրապես այս տարվա Սուրբ Հարության տոնի գլխավոր խորհուրդը ասոցացվում է մեր 5000 զոհերի հիշատակի հետ։ Իսկ զոհերի համար մենք պարտական ենք Նիկոլ Փաշինյանի ապաշնորհ և դավաճանական կառավարմանը։ Այդ իմաստով հատկապես այս օրերին Նիկոլ Փաշինյանի ինքնամեկուսացումը ճիշտ քայլ էր՝ առաջին հերթին իր համար։

Ինչ վերաբերում է Մոսկվայում կայանալիք հանդիպմանը․ ըստ էության Նիկոլ Փաշինյանի այցի հիմնական նպատակը Վլադիմիր Պուտինի հետ առաջիկա արտահերթ ընտրությունների քննարկումն է։ «ՌԻԱ Նովոստին» գրում է, որ ՌԴ նախագահի մամուլի խոսնակ Պեսկովը հայտարարել է, թե ինչ հարցեր են քննարկվելու Պուտին-Փաշինյան հանդիպման ժամանակ։ «Առաջին հերթին իհարկե կքննարկվի եռակողմ պայմանավորվածությունների և եռակողմ փաստաթղթի իրականացման ընթացքը, որը վերջ դրեց Ղարաբաղում ռազմական գործողություններին»,- ասել է Կրեմլի ներկայացուցիչը:

Բացի այդ, Պեսկովի խոսքով, Պուտինը և Փաշինյանը կխոսեն Հայաստանում ընտրությունների և տարածաշրջանի տրանսպորտային ենթակառուցվածքների ապաշրջափակման մասին: Այս հայտարարությունից մի քանի օր առաջ՝ մարտի 29-ին, Պեսկովը հայտարարել էր, թե Ռուսաստանի Դաշնության նախագահ Վլադիմիր Պուտինի և Հայաստանի Հանրապետության վարչապետ Նիկոլ Փաշինյանի միջև շփումները պարբերական բնույթ ունեն: Նա հայտնել է, որ երկու երկրի ղեկավարները «վերջերս են խոսել, շփումներ պարբերաբար տեղի են ունենում»: Պեսկովն ընդգծել է, որ ապրիլին հրաժարական տալու մասին Փաշինյանի որոշումը որևէ կերպ ՌԴ նախագահի հետ հրատապ խոսելու անհրաժեշտություն չի առաջացրել: «Նա [Փաշինյանը] կմնա [Հայաստանի վարչապետի] պաշտոնակատար, ուստի հրապարակված որոշումը անհապաղ խոսելու անհրաժեշտություն չի առաջացնում»,- ասել էր ՌԴ նախագահի խոսնակը Կրեմլի ներկայացուցիչը:

Հիշեցնենք, որ մարտի 28-ին Արմավիրի մարզի Արագած համայնքում բնակիչների հետ հանդիպման ժամանակ վարչապետ Նիկոլ Փաշինյանը հայտարարել էր, որ ապրիլին հրաժարական է տալու՝ արտահերթ խորհրդարանական ընտրությունների անցկացման նպատակով: Փաստորեն, Պեսկովի առաջին հայտարարությունն արվել էր հենց հաջորդ օրը, որտեղ նա նշել էր, թե Պուտինի հետ հրատապ խոսելու անհրաժեշտություն չկա։ Բայց հիմա արդեն, պարզվում է, այդ անհրաժեշտությունը կա։ Հակառակ պարագայում Պեսկովը այցի օրակարգի շրջանակում կնշեր բացառապես միջպետական օրակարգի հարցերը՝ եռակողմ փաստաթղթի իրականացման ընթացքը, ռուս խաղաղապահների գործունեությունը, կոմունիկացիաների հարցը, տնտեսական մի շարք հարցեր, մասնավորապես Հայաստանին տրվող գազի գնի հարցը և այլն։ Բայց Պեսկովը նպատակահարմար է գտել հատուկ շեշտել Հայաստանի առաջիկա ընտրությունների հարցը, և սա արդեն հատկապես Նիկոլ Փաշինյանի համար շատ կարևոր է։ Չի բացառվում, որ Կրեմլը պայմաններ է դնելու Նիկոլ Փաշինյանի համար։ Ներկա իրավիճակում Փաշինյանն անշուշտ չի էլ փորձի որևէ հարցում ինքնուրույնություն դրսևորել, բայց երաշխքիներ ստանալ ամեն դեպքում կուզենա։ Ըստ ամենայնի նա Մոսկվա է մեկնում՝ երաշխիքներ ստանալու համար։


 Հայկ  Դավթյան

 

դիտվել է 3838 անգամ
Լրահոս
«Մտահոգիչ է, եթե նման բաներ կան», ԲԴԽ անդամը՝ «չաթի» արտահոսքի հետևանքով դատավորների հրաժարականի մասին «Կրոկուսի» ահաբեկչության ժամանակ մի խումբ մարդկանց փրկած Կարեն Ենգիբարյանը մահացել է Ինչպես են դատավորները փախչում, երբ խոսքը գնում է Փաշինյանի իշխանության կողմից ճնշվելու մասին (video) Փրկարարները դուրս են բերել ավտոմեքենան Արփա գետից «Ալենի երգը երգած է․ չի պլստալու»․ Միկա Բադալյան (video) Ռուս փորձագետ Մաքսիմ Վասկովը հակադարձում է Փաշինյանին ու իր ՔՊ-ականներին (video) Մենք էլ մարդ ենք ման գալիս, ով կապացուցի, որ Ալենն իր հոր տղեն է, ոչ թե՝ հարևան Գագոյի․ Կիվիրյան (video) Բլինքեն-Փաշինյան-Ֆոն դեր Լայեն հանդիպումը նվիրված չէ «անվտանգության երաշխիքներին». Պիտեր Ստանո Ո՞վ է մատնիչը․․․ (video) Վտանգավոր Մհերը, ով վտանգում է մեր հողերը «Ղռերի կատվի» մեկ միլիոնանոց կայֆերը․ նոր թալանը սկսված է․ Մանկավարժ (video) Փաշինյան-Ավինյան-ՔՊ-ն շարունակում է Երևանում ԾԱՌԱՄՈՐԹԸ Աննա Հակոբյան, թանկ չի՞․․․ 200 հազարով գիտե՞ս՝ ինչեր կան․․․ (video) «Դուք տեսե՞լ եք իմ ձերբակալության կադրերը»․ Սամսոնյանի նամակը ԱՄՆ դեսպանին․ ակցիա (video) Քրեական վարույթի շրջանակներում որոնվում են տեսագրության մեջ պատկերված անձինք ՀՀ տարածքում կան փակ ավտոճանապարհներ Թուրքիայի լրջագույն կապը Ռուսաստանում սարսափելի ահաբեկչությանը․․․ (video) Ծանրամարտի ԵԱ-ի բացման ժամանակ տեղի ունեցած անմիտ արարքից հետո միջազգային ֆեդերացիան լուրջ մտահոգություն ուներ. Արայիկ Հարությունյան Վահե Ղազարյան, ես ձեզ զգուշացնում եմ՝ բոլորդ փտելու եք բանտերում․ Մարինա Խաչատրյան (video) Ռուս փորձագետն զգուշացրեց՝ ինչ է սպառնում Հայաստանին՝ հակառուսական այս խայտառակ քարոզի պատճառով (video) 102-րդ ռազմաբազայի և ռուս սահմանապահների ներկայությունը Հայաստանի ինքնիշխանության միակ իրական երաշխիքն է. ՌԴ ԱԳՆ Տավուշում Նիկոլն Ալիևի հետ գաղտնի պայմանավորվածության է եկել. Ադրբեջանի հարցերով փորձագետ (video) Կորել են բնաՊԱՀՊԱՆԱԿները, համարել անվավեր Ծառահատումներ՝ բռնությունների կիրառմամբ Դատավորի սիրտը Ծաղկաձորում տուն է ուզում․․․ (video)
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am