Կարևոր ուղերձ Թեհրանից. ՀՀ սահմանին պայթյուն են նախանշում

Իրանական տելեգրամյան ալիքները երեկ հղում էի կատարում իրենց լրատվամիջոցներին և փոխանցում, որ Թուրքիան զինտեխնիկա է կուտակում Հայաստանի սահմանագծում, իբր զորավարժությունների պատճառաբանությամբ:

Այդ աղբյուրների համաձայն, այդ զինտեխնիկաները նախապես Սիրիայում են օգտագործվել, իսկ այժմ զորավարժության անվան տակ կուտակվում են Հայաստանի սահմանագծում:

Իրանական լրատվամիջոցները այդ տեղաշարժի թիրախը ՀՀ Սյունիքի մարզն են համարում և իրենց զինված ուժերին հորդորում են ակտիվություն ցուցաբերել Իրան-Հայաստան սահմանին:

Ըստ աղբյուրների վերլուծությունների՝ Անկարան և Բաքուն մտադիր են հարձակում գործել Սյունիքի ուղղությամբ և կտրեն երկու երկրների միջև գտնվող սահմանը:
Հիշեցվում է, որ Իրանը բազմիցս հայտարարել է, որ տարածաշրջանում միջազգային և աշխարհաքաղաքական սահմանների փոփոխությունը կարմիր գիծ է Իրանի համար: Որպեսզի մեծամասշտաբ պատերազմը կանխվի, անհրաժեշտ է, որպեսզի իրանական կողմը ռազմական ներկայություն ապահովի հայկական-նախիջևանյան սահմաններին մոտ, հայտնում են իրանական լրատվականները:

Վերջիններս նաև նկատել են, որ անցյալ աշնանը սանձազերծված ղարաբաղյան պատերազմը սկսվեց ԱՄՆ-ում ընտրությունների նախաշեմին: Իրանցի փորձագետների կանխատեսմամբ, շատ հնարավոր է, որ հաջորդ պատերազմն էլ համընկնի Իրանում ընտրությունների հետ, «սակայն դա հնարավոր է նաև առաջիկա շաբաթներին»:
Այն, որ զորավարժություններ անցկացնելու պատճառաբանությամբ Ադրբեջանում թուրքական զորք է հայտնվել, այդ մասին բազմիցս է շեշտվել, որ պատահականություններ այստեղ հազիվ թե լինեն: Ուժի ցուցադրության համար հազիվ թե Ադրբեջանը շարունակի զինվել ու ամրացնել բանակը:

Այնպես որ Թուրքիայի իշխանությունների կողմից խաղաղասիրական ելույթները միայն կեղծիք են:

Երեկ Անկարան հանդես է եկել հերթական նման ուղերձով:

Թուրքիայի նախագահ Ռեջեփ Թայիփ Էրդողանը, ելույթ ունենալով իշխող կուսակցության համագումարում, անդրադարձել է արցախյան թեմային՝ ասելով. «Նրանք, ովքեր ստանձնել էին լուծել այս ճգնաժամը Մինսկի եռյակի անվան տակ, 30 տարի շարունակ ոչինչ չարեցին բացի հարցն ավելի բարդացնելուց»:

Էրդողանը, այնուհետև կրկնելով նախկինում արտահայտած իր նույնաբովանդակ մտքերը, պնդել է, որ իր ադրբեջանցի եղբայրներն են միշտ ջանքեր գործադրել ճգնաժամը երկխոսության և համաձայնության միջոցով լուծելու համար: Թուրքիայի նախագահը Հայաստանին մեղադրել է ժամանակ առ ժամանակ «Ադրբեջանի վրա հարձակումները շարունակելու և երկխոսության ուղիներն արգելափակելու մեջ»: «Անցյալ տարվա վերջին ամիսներին, երբ Հայաստանի բանակը կրկին անցավ հարձակման, մենք, որպես Թուրքիա, մեր բոլոր հնարավորություններով կանգնեցինք մեր ադրբեջանցի եղբայրների կողքին: Թուրքիայի աջակցության և Ադրբեջանի պայքարի շնորհիվ, փառք Ալլահի, վերջ դրվեց այդ կեղտոտ բռնազավթմանը»,-ասել է նա:

Ապա՝ Էրդողանը հավելել է, որ Թուրքիան հետամուտ է լինելու 2020 թվականի նոյեմբերի 10-ի համաձայնագրի կետերի իրականացմանը: Նրա խոսքով՝ այդ գործընթացն էլ ավելի է ամրապնդել Թուրքիայի և Ադրբեջանի եղբայրությունը:

Այսինքն, Ղարաբաղում պատերազմի մեղքը Թուրքիայի ղեկավարը գցել է հայկական կողմի վրա, ու մինչ այս պահը պաշտոնական Երևանից որևէ հակադարձում չկա, որ պատերազմ սանձազերծող կողմը չի կարող հայկական կողմին մեղադրել պատերազմ սկսելու մեջ:

Ավելին, Ադրբեջանի նախագահն ինքն է խոստովանել, թե ինչու են գնացել խնդրի ռազմական լուծմանը, այսինքն, գոնե այս հարցում Էրդողանն ու Ալիևը, կարծես, պետք է միասնական կարծիք ունենային... Բայց, ինչևէ, սա միակ կեղծիքը չէ, որը կարելի է լսել թուրք-ադրբեջանական դաշինքի կողմից:

Իսկ Իրանի անհանգստությունները կարելի է հասկանալ, թուրքական՝ ահաբեկիչների հետ խառնված բանակն, իհարկե, իրական սպառնալիք է հենց Իրանի համար, որը արևմուտքն ամեն պահի կարող է օգտագործել ընդդեմ Իրանի:

Մետաքսյա Շալունց

դիտվել է 7425 անգամ
Լրահոս
«Հիմա այս ի՞նչ եք դարձրել մեր երկիրը»․ Վարդան Ոսկանյան Լևոն Քոչարյանի անունից կեղծ հայտարարություններ են տարածվում Լավրով. Պուտինին զարմացրել է Ղարաբաղը Ադրբեջանի մաս ճանաչելու Փաշինյանի որոշումը Ոսկեպարցիներն անհամբեր սպասում են Լավրով. Փաշինյանը հրավիրել է ԵՄ առաքելություն Հայաստան՝ Ադրբեջանին խոստանալով, որ դա կլինի 2 ամսով Ո՞ր դեղերը չեն մտնի էլեկտրոնային դեղատոմսերով վաճառվողների ցանկ Կոռուպցիոն բացահայտում. Արցախից 467 մլն դոլար մսխվել է օվշորներում. Վարդան Սրմաքեշ, պաշտոնյաներ եւ այլոք Կրկին մեղադրում են ՌԴ-ին Մայիսին կամ հունիսին սպասվում է Ռուսաստանի կողմից լայնածավալ հшրձակում, բայց մենք պատրաստ չենք․ մենք հիմա օգնության կարիք ունենք․ Զելենսկի ՀՀ սահմանային փոփոխություններից հետո Խնածախի ապարանքը հայտնվեց սահմանից 700 մ․ հեռավորության վրա Դժվարին որոշում եմ կայացրել. Վազգեն Ռշտունի Օգնության հասած ավտոմեքենան այրվել է, կրակը տարածվել է Վաղ առավոտյան խուզարկել են գնդապետ Վոլոդյա Ավետիսյանի տունը Եկեք համախմբվենք մեր ջանքերում՝ պաշտպանելու Արցախի ժողովրդի շահերն ու իրավունքները․ Արտակ Բեգլարյան «...կպատերազմենք»․ Սիմոնյան Ալեմ Սիմոնյանը կրկին կհանդիպի Ադրբեջանի Միլլի Մեջլիսի նախագահի հետ Քիրբին ու Զախարովան խոսել են Կրոկուսի ահաբեկչության մեղավորներից․ միմյանց վիրավորանքներ են հնչեցրել Անչափահասների մասնակցությամբ հերթական ծեծկռտուքն ու վիճաբանությունն է եղել Շահրամանյանի կողքը կանգնած խորհրդատուները կործանում են հենց Շահրամանյանին. Տիգրան Քոչարյան Նիկոլ Փաշինյանի նյարդերը տեղի են տվել Նոր դիվանագիտական սկանդալ է հասունանում արտգործնախարարությունում Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար Փաշինյանը փակագծերը չի բացում. Արեւմտամետները կասկածում են Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին Ովքե՞ր են ընդգրկված լինելու Հայկ Մարությանի նոր կուսակցությունում
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am