Երևի տեսանյութն ուղարկել են Նիկոլին, որ նայի հանգստանա, հեռախոսը լպստի քնի․ Արա Սաղաթելյան

«Իմ գործի հիմքում դրված մակուլատուրան չի գրվել ԱԱԾ-ում, ԱԱԾ-ն գտնվում է աննախադեպ քաղաքական ճնշման տակ:  Գրասենյակը խուզարկելու ժամանակ 7 հոգի ԱԼՖԱ ջոկատից մարդ է եղել: Ինձ տարել են ԱԱԾ-ի 3-րդ հարկով: Ես պատկերացնում եմ, թե ինչպես են ԱԱԾ-ի պարկեշտ սպաներն ու ԱԼՖԱ-ի տղաները զզվում Նիկոլ Փաշինյանից:

Նրանց հարկադրում են, որ երեկոյան ժամը 10:30-11:00-ին ինձ տանեն ԱԱԾ-ի երրորդ հարկով, կզած վիճակում, ձեռքերը մեջքի հետևը: Ուր էի փախնելու ես ԱԱԾ-ի երրորդ հարկից: Երևի այդ վիդեոն նկարել էին, ուղարկել Նիկոլ Փաշինյանին, որ նայի հանգստանա, մի հատ էլ հեռախոսը լպստի ու քնի»,- լրագրողների հետ զրույցում հայտարարեց Արա Սաղաթելյանը, ով քիչ առաջ ազատ արձակվեց Վերաքննիչ դատարանի որոշմամբ: