Ո՞ւմ են կրակելու Նիկոլ Փաշինյանի դիպուկահարները

Ազգային ժողովի դարպասները, Նիկոլ Փաշինյանի հրամանով, զոդվել են հատուկ մասնագիտացված խմբի կողմից։ Իսկ ավելի ուշ, երբ Ազգային ժողովում մեկնարկում էր կառավարության հետ հարց ու պատասխանը, ազգային ժողովի պատշգամբներում հայտնվեցին դիպուկահարներ, որոնց սուր աչքի հետևողական վերահսկողության ներքո Փաշինյանը մուտք գործեց խորհրդարան։

Խորհրդարանում, ըստ որոշ տեղեկությունների, փոքր-ինչ գինովցած Փաշինյանը, այդպես էլ որևէ հարցի չպատասխանելով, գլորել է հարց ու պատասխանին հատկացված ժամանակահատվածը և դիպուկահարների ավտոմատների ներքո հեռացել Ազգային ժողովից։ Խորհրդարանի պատշգամբներում և բակում դիպուկահարների ներկայությունն աննախադեպ խայտառակություն էր։ Ակնհայտ է, որ դիպուհակարներին հանրային և քաղաքական կյանք ներմուծելով՝ Նիկոլ Փաշինյանը նպատակ է հետապնդում, վախի մթնոլորտ ստեղծելով, ահաբեկել քաղաքական հակառակորդներին։ Կատարվածն անթույլատրելի է բոլոր առումներով, որովհետև ԱԺ-ն քաղաքական հարթակ է ոչ միայն Նիկոլի և նրա թիմի, այլ նաև ընդդիմության համար։ Դիպուկահարների թիրախն այս դեպքում ոչ միայն խորհրդարանական ընդդիմությունն էր, այլ նաև Բաղրամյան պողոտայում հավաքված Հայրենիքի փրկության շարժումը։

Սա առաջին անգամը չէ, երբ Նիկոլը իր քաղաքական ինքնահաստատումը հավաստում է դիպուկահարների միջոցով․ առաջին անգամ նման տեսարանի ականատես եղանք, երբ ընդդիմադիրները փակել էին ԱԺ-ում գտնվող Փաշինյանի ճանապարհը։ Այն ժամանակ Փաշինյանի մեքենան Բաղրամյանից հեռացավ՝ ավտոմատներն ուղղած ժողովրդի վրա։ Եվ այս քայլին դիմում է մի մարդ, ով ընդամենը 2 օր առաջ հրապարակում հայտարարում էր, թե իշխանության տերը ժողովուրդն է, իսկ ինքը Հայաստանում թշնամի չունի։
Իսկ ի՞նչ էր ասում Նիկոլ Փաշինյանը թավշյա հեղափոխության օրերին։ Ճիշտ է, հայտարարում էր, որ Ազգային ժողովի և նախագահական նստավայրի դարպասներն այսուհետ պետք է բաց լինեն Հայաստանի Հանրապետության քաղաքացիների առաջ։ «Եթե հիշում եք, հեղափոխության օրերին, երբ մենք մտնում էինք Երևանի պետական համալսարան, Ռադիոյի շենք, բացում էինք փակ դռները և մեզ հարցնում էին` ինչու էինք դա անում, իսկ մենք պատասխանում էինք, որ Հայաստանի Հանրապետությունում քաղաքացիների առաջ փակ դռներ չեն կարող լինել և չեն լինելու»․ սա մեջբերում է Նիկոլ Փաշինյանի՝ 2018 թվականի սեպտեմբերի 21-ի ելույթից։

Նույն օրը Նիկոլ Փաշինյանը հայտարարել էր, որ իր նստավայրի՝ Բաղրամյան 26-ի դռները կբացվեն ի նշան այն բանի, որ Հայաստանի իշխանությունն այլևս երբեք մեկուսացած ու կտրված չի լինի ժողովրդից: Հայաստանի քաղաքացիներն այսուհետև ազատորեն կարող են մուտք գործել վարչապետի, հետագայում՝ նախագահի նստավայրի տարածք և այն օգտագործել որպես զբոսավայր, որպես ժամանցի վայր: «Մենք հույս ունենք, որ այս դռները այլևս երբեք չեն փակվի՝ խորհրդանշելով, որ Հայաստանի Հանրապետությունում իշխանությունն այլևս անշրջելիորեն պատկանում է ժողովրդին, պատկանում է Հայաստանի Հանրապետության քաղաքացիներին»,- հայտարարել էր նա։

Թե ինչ է կատարվում այս պատմական պոպուլիզմից 3 տարի անց, առավել քան հուզիչ է․ դարպասները փակ են ու զոդված, իսկ ժողովրդի և իշխանության հավերժ միասնությունը խորհրդանշում են աշխարհի ամենաժողովրդավար, թավշյա դիպուկահարները։
Ժողովրդական խոսքն ասում է՝ պատից կախված հրացանը մի օր անպայման կրակում է։ Ո՞ւմ են կրակելու Նիկոլ Փաշինյանի դիպուկահարները՝ ցույց կտա կյանքը։


Հայկ Դավթյան

Հ․Գ․ Նյութի հրապարակումից հետո  ՀՀ մարդու իրավունքների պաշտպանի գրասենյակը հայտարարություն տարածեց, որտեղ մասնավորապես նշվում է․ <<ՄԻՊ աշխատակազմը ստացել է ահազանգեր առ այն, որ ՀՀ Ազգային ժողովի պատուհաններից բացահայտ երևում են դիպուկահարներ Բաղրամյան պողոտայում տեղի ունեցող հավաքի ուղղությամբ: Արձանագրվել են նաև նման հրապարակային անհանգստություններ: Պաշտպանի աշխատակազմը դիտարկում է իրականացնում լրատվամիջոցներով և հավաքի վայրում, որտեղ առկա են նաև երեխաներ ու տարեցներ:

ՀՀ Ազգային ժողովի շենքի պատուհաններից հրազենի բացահայտ ցուցադրությունը, այդ թվում՝ զինվորական համազգեստով դիպուկահարների ցուցադրական ներկայությունը խաղաղ հավաքին պետության կողմից գործադրված անվտանգության անհամարժեք միջոց է այս պահին Բաղրամյան պողոտայում առկա իրավիճակում:Պետությունը կարող է անվտանգության միջոցներ ձեռնարկել, բայց դրանք յուրաքանչյուր դեպքում պետք է հաշվի առնեն կոնկրետ իրավիճակը և չպետք է լինեն այնպիսին, որ ստանան խաղաղ հավաքին մասնակցությունը կանխող կամ անհանգստություն պատճառող բնույթ>>:

դիտվել է 3340 անգամ
Լրահոս
«Մտահոգիչ է, եթե նման բաներ կան», ԲԴԽ անդամը՝ «չաթի» արտահոսքի հետևանքով դատավորների հրաժարականի մասին «Կրոկուսի» ահաբեկչության ժամանակ մի խումբ մարդկանց փրկած Կարեն Ենգիբարյանը մահացել է Ինչպես են դատավորները փախչում, երբ խոսքը գնում է Փաշինյանի իշխանության կողմից ճնշվելու մասին (video) Փրկարարները դուրս են բերել ավտոմեքենան Արփա գետից «Ալենի երգը երգած է․ չի պլստալու»․ Միկա Բադալյան (video) Ռուս փորձագետ Մաքսիմ Վասկովը հակադարձում է Փաշինյանին ու իր ՔՊ-ականներին (video) Մենք էլ մարդ ենք ման գալիս, ով կապացուցի, որ Ալենն իր հոր տղեն է, ոչ թե՝ հարևան Գագոյի․ Կիվիրյան (video) Բլինքեն-Փաշինյան-Ֆոն դեր Լայեն հանդիպումը նվիրված չէ «անվտանգության երաշխիքներին». Պիտեր Ստանո Ո՞վ է մատնիչը․․․ (video) Վտանգավոր Մհերը, ով վտանգում է մեր հողերը «Ղռերի կատվի» մեկ միլիոնանոց կայֆերը․ նոր թալանը սկսված է․ Մանկավարժ (video) Փաշինյան-Ավինյան-ՔՊ-ն շարունակում է Երևանում ԾԱՌԱՄՈՐԹԸ Աննա Հակոբյան, թանկ չի՞․․․ 200 հազարով գիտե՞ս՝ ինչեր կան․․․ (video) «Դուք տեսե՞լ եք իմ ձերբակալության կադրերը»․ Սամսոնյանի նամակը ԱՄՆ դեսպանին․ ակցիա (video) Քրեական վարույթի շրջանակներում որոնվում են տեսագրության մեջ պատկերված անձինք ՀՀ տարածքում կան փակ ավտոճանապարհներ Թուրքիայի լրջագույն կապը Ռուսաստանում սարսափելի ահաբեկչությանը․․․ (video) Ծանրամարտի ԵԱ-ի բացման ժամանակ տեղի ունեցած անմիտ արարքից հետո միջազգային ֆեդերացիան լուրջ մտահոգություն ուներ. Արայիկ Հարությունյան Վահե Ղազարյան, ես ձեզ զգուշացնում եմ՝ բոլորդ փտելու եք բանտերում․ Մարինա Խաչատրյան (video) Ռուս փորձագետն զգուշացրեց՝ ինչ է սպառնում Հայաստանին՝ հակառուսական այս խայտառակ քարոզի պատճառով (video) 102-րդ ռազմաբազայի և ռուս սահմանապահների ներկայությունը Հայաստանի ինքնիշխանության միակ իրական երաշխիքն է. ՌԴ ԱԳՆ Տավուշում Նիկոլն Ալիևի հետ գաղտնի պայմանավորվածության է եկել. Ադրբեջանի հարցերով փորձագետ (video) Կորել են բնաՊԱՀՊԱՆԱԿները, համարել անվավեր Ծառահատումներ՝ բռնությունների կիրառմամբ Դատավորի սիրտը Ծաղկաձորում տուն է ուզում․․․ (video)
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am