Նիկոլը հակացուցված է բանակին․ նա պետք է գնա, որովհետև բանակը մնալու է, իսկ Արայիկը դեռ կհիշի Օնիկի ապտակը

Հայաստանում ներքաղաքական գործընթացները զարգանում են գլխապտույտ արագությամբ և հասել են մի փուլի, երբ Նիկոլ Փաշինյանի հրաժարականն անխուսափելի է։
Զինված ուժերի գլխավոր շտաբն իր ողջ կազմով՝ սկսած ԳՇ պետ Օնիկ Գասպարյանից, մինչև նրա տեղակալ Տիրան Խաչատրյան, բանակային բոլոր 5 կորպուսների հրամանատարներ և զինված ուժերի հրամկազմի մնացած ղեկավարները պահանջում են Նիկոլ Փաշինյանի հրաժարականը։ Սրան ի Պատասխան Նիկոլ Փաշինյանը հայտարարեց, թե Գլխավոր շտաբի հայտարարությունը համարում է ռազմական հեղաշրջման փորձ և հրավիրում է հանրահավաք՝ Հանրապետության հրապարակում, իմանալով որ այդ նույն ընթացքում ընդդիմությունն էլ հանրահավաք է անցկացնում Ազատության հրապարակում։
Փաշինյանը հայտարարել է, որ ինքը որոշել է ազատել ԳՇ պետ Օնիկ Գասպարյանին, որին, ի դեպ, ինքն է շնորհել գեներալ-լեյտենանտի կոչում և նշանակել ԳՇ պետ, որին նաև, ինչպես անձամբ է ասել, անմնացորդ վստահել է պատերազմի 44 օրերին, սակայն այժմ գտնում է, որ իր վստահությունն արդարացված չի եղել։
Գնդակն այժմ նախագահ Արմեն Սարգսյանի դաշտում է, որը կարող է վարչապետի ներկայացրած՝ Օնիկ Գասպարյանի ազատման միջնորդությունը ընդունել կամ մերժել՝ առարկումներով, այդ թվում նաև հարցը ներկայացնելով ՍԴ քննարկմանը։ Նիկոլ Փաշինյանն հայտարարել է, որ ինքը պահանջում է, որ նախագահն ընդունի ԳՇ պետին ազատելու իր միջնորդությունը կամ էլ ԳՇ պետն անձամբ գրի ազատման դիմում։

ՀՀ նախագահի աշխատակազմն արդեն հայտարարություն է տարածել, որ ռազմական դրության իրավիճակում, առկա ճգնաժամի պայմաններում, զինված ուժերի գլխավոր շտաբի պետին պաշտոնից ազատումը հերթական կադրային փոփոխություն չէ՝ հաշվի առնելով, որ ՀՀ Սահմանադրության համաձայն, Հայաստանի Հանրապետության զինված ուժերն ապահովում են Հայաստանի Հանրապետության պաշտպանությունը, անվտանգությունը, տարածքային ամբողջականությունը և սահմանների անձեռնմխելիությունը:
<<Ստեղծված իրավիճակում որևէ մեկը որևէ ձևով չպետք է փորձի նախագահին ներքաշել քաղաքական գործընթացների մեջ: Անթույլատրելի է նախագահի նկատմամբ ճնշման որևէ փորձ>>,- նշվում է նախագահականի հաղորդագրության մեջ՝ հիշեցնելով, որ սահմանադրության համաձայն եռօրյա ժամկետ է սահմանում ԳՇ պետի ազատումը հաստատելու կամ մերժելու համար: Արմեն Սարգսյանն այս կերպ հասկացնում է, որ Փաշինյանն անցել է քաղաքական շանտաժի, ինչին ինքը դիմադրում է ։
Խնդիրն այստեղ իրապես չի կարող դիտարկվել բացառապես Օնիկ Գասպարյանի պաշտոնանկության տիրույթում, որովհետև Գլխավոր շտաբի ողջ հրևամկազմն է պահանջել Նիկոլ Փաշինյանի հրաժարականը։ Հետևաբար, Փաշինյանը, անգամ շատ մեծ ցանկության դեպքում, չի կարող Օնիկ Գասպարյանից հետո պաշտոնանկ անել բանակի հրամանատարներին՝ գլխատելով առանց այդ էլ թուլացած բանակը և այդ կերպ վերջնականապես բացելով երկրի դռները թշնամու առջև։
Նիկոլ Փաշինյանի հրաժարականը պահանջող գենշտաբում այն մարդիկ են, որոնք ուղղակի պատասխանատվություն են գրում երկրի անվտանգության համար, մարդիկ են, որոնց մեծ մասին պատերազմի ժամանակ Նիկոլ Փաշինյանը հերոսի կոչումներ է տվել։ Փաշինյանը պետք է վերջապես կողմնորոշվի՝ այս մարդիկ ազգային հերոսնե՞ր են, թե՞ դավաճաններ։ Եթե դավաճան են, ինչո՞ւ էր նրանց ազգային հերս հռչակում, եթե հերոս են՝ ինչո՞ւ է նրանց ազատում․ մենակ նրա համար, որ ինքը մնա վարչապե՞տ։ Կամ ի՞նչ է նշանակում հայտարարել, թե <<հիմա հասկանում եմ, որ շատ դրվագներում ճիշտ չեմ վարվել, որ հարյուր տոկոսով վստահել եմ Օնիկ Գասպարյանին>>։ Նիկոլ Փաշինյանը պետք է հասկանա, որ պետության կառավարումը մանկապարտեզի խաղ չէ։ Եթե իր չարդարացված վստահության հետևանքով մենք պարտվել ենք՝ տալով զոհեր, ուրեմն ինքը ոչ միայն պետք է հրաժարական տա, այլ նաև պատասխանատվության ենթարկվի։ Նիկոլ Փաշինյանը վաղ թե ուշ ստիպված է լինելու կանգնել դատարանի առաջ և պատասխան տալ պատերազմը օր առաջ չկանգնեցնելու համար, պարտավոր է բացատրություն տալ, թե ինչու է արգելել բանակին՝ օգտագործել Իսկանդերը՝ ընդդեմ թշնամու։
Ուշ երեկոյան լուրեր տարածվեցին, թե ԳՇ պետ Օնիկ Գասպարյանը կտրուկ մերժել է հրաժարական տալու պահանջը՝ ասելով. «բանակի պահանջները անբեկանելի են»: Գեներալներն էլ ազդանշան են ուղարկել Փաշինյանին, որ եթե Օնիկ Գասպարյանի դեմ ճնշումները շարունակվեն, իրավիճակը ավելի է լարվելու։ Ըստ համացանցում տարածված լուրերի՝ մինչ այդ ԱԱԾ տնօրեն Արմեն Աբազյանն ու Արցախի նախագահ Արայիկ Հարությունյանը ԳՇ պետ Օնիկ Գասպարյանի աշխատասենյակում են եղել և պահանջել, որ նա հրաժարական տա։ ARMINSIDER տելեգրամյան ալիքի տեղեկություններով Արայիկ Հարությունյանը փորձել է ճնշում բանեցնել Օնիկ Գասպարյանի վրա, ինչի ի պատասխան ապտակ է ստացել գեներալի կողմից: Արայիկ Հարությունյանը ապտակ ստանալուց հետո շատ արագ դուրս է եկել սենյակից: ԳՇ-ում նկատել են, որ Արայիկ Հարությունյանը լացելով է դուրս եկել։
Ավելի ուշ Արայիկ Հարությունյանի մամուլի խոսնակը պաարզաբանում է տարածեց՝ նշելով․ «ԱՀ նախագահ Արայիկ Հարությունյանի հանդիպումների մասին այն տեղեկատվությունը, թե իբր նա ՀՀ Զինված Ուժերի գլխավոր շտաբի պետ Օնիկ Գասպարյանից «պահանջում» է հրաժարական տալ, իրականությանն ընդհանրապես չի համապատասխանում։
Ինչ վերաբերում է տվյալ հանդիպման ձևաչափին, ապա դրան մասնակցել է ոչ միայն ՀՀ ԱԱԾ տնօրեն Արմեն Աբազյանը, այլ նաև ԱՀ անվտանգության խորհրդի քարտուղար Վիտալի Բալասանյանը և մեկ այլ պաշտոնատար անձ»:
Ըստ ԱՀ նախագահի մամուլի քարտուղար Լուսինե Ավանեսյանի՝ Հարությունյանը հանդիպումներ է ունեցել և՛ Նիկոլ Փաշինյանի, և՛ Օնիկ Գասպարյանի հետ, նրանց հետ քննարկել է առկա իրավիճակն ու լուծման ուղիները։ Սակայն Օնիկ Գասպարյանի հետ հանդիպման ժամանակ ընդհանրապես չի քննարկվել հրաժարականի հարցը։
«Արայիկ Հարությունյանը շարունակում է չեզոքություն պահպանել ՀՀ ներքաղաքական զարգացումների նկատմամբ, քանի որ նա ստանձնել է միջնորդական առաքելություն իրականացնել ճգնաժամի հաղթահարման համար»։

Փաստացի ԺԷԿ-ի պետի կարգավիճակում հայտնված և Արցախի կորստյանը մեծագույն նպաստ բերած Արայիկ Հարությունյանն այժմ էլ միջնորդ է դարձել՝ Նիկոլի աթոռը պահելու համար։ Հետաքրքիր է՝ իսկ Արայիկ Հարությունյանը ի՞նչ է հորդորել կամ առաջարկել Նիկոլ Փաշինյանին․ շարունակել մնա՞լ և Հայաստանը տանել քաղաքացիական պատերազմի ճանապարհով, թե՞ հեռանալ՝ գոհանալով արդեն թափված շուրջ 5000 տղաների արյամբ։
Գլխավոր շտաբը ՀՀ բնակչության և տարածքի անվտանգության միակ երաշխավորն է և լավագույնս է տիրապետում, թե ում գործունեությունն է սպառնում ՀՀ պետականությանն ու անվտանգությանը։ Գլխավոր շտաբը կարող էր Նիկոլ Փաշինյանի հրաժարականի հարցը բարձրացնել պատերազմից անմիջապես հետո, սակայն լռել է՝ թերևս հաշվի առնելով ճգնաժամն ու նաև ինչ-ինչ այլ հանգամանքներ, որոնց մասին, հնարավոր է, մենք լիովին տեղեկացված չենք։ Բայց այսօր, եթե զինուժը դնում է Նիկոլ Փաշինյանի հրաժարականի հարցը, նշանակում է հանդուրժելու տեղ այլևս չկա և Նիկոլ Փաշինյանը պետք է հեռանա, որովհետև հակառակը չի կարող լինել․բանակը չի կարող հեռանալ ժողովրդից ու պետությունից։ Իսկ Փաշինյանի ներկայությունը հակացուցված է և՛ բանակին և՛ պետությանը։


Հայկ Դավթյան

դիտվել է 10525 անգամ
Լրահոս
Կա սուտ, կա շատ մեծ սուտ և կա Նիկոլ Փաշինյան 6 ադրբեջանական նոր զորամաս՝ Հայաստանի սահմանին. Խոսի՛ր, Փաշինյան Էրդողանն ու Ալիևը «հարվածում» են ռուսական անօդաչուներին. Անթաքույց պայքար Եթե նախկինում եղածը չապացուցվեց, ոչ ոք չդատապարտվեց, ինչու՞ պետք ներկան ապացուցվի և դատապարտվի Կապիտույլանտի սոցիալական հենարանը տգետ և անհայրենիք մասսան է. Վահան Իշխանյան Հադրութն իր անտառներով, Շուշին իր անտառներով, ամբողջ Քարվաճառն իր անտառներով, Կապանին հարող Սոսիների պուրակը թշնամուն հանձնած անասունի տղեն խոսում է ծառահատման ցուցանիշներից Սևանի մակարդակի պատմական ռեկորդային բարձրացման շուրջ ծաղրածուի հայտարարությունները հերթական հիմարեցման փորձերն են. լիճը բարձրացել է 15 սմ-ից էլ պակաս «ՔՊ»-ն «Civic.am»-ի միջոցով բուռն հակաքարոզչություն է տանում Ռոբերտ Քոչարյանի ու «Հայաստան» դաշինքի դեմ. Antifake.am ՄԻՊ-ը լրագրող Նանե Արզումանյանին սպառնալու կապակցությամբ գրություն կուղարկի Ոստիկանություն Նիկոլ Փաշինյանը նոր նշանակում է կատարել Ալիևը սպառնացել է Հայաստանին Ադրբեջանի նախագահ Ի․ Ալիևը կրկին հոխորտացել է, որ «Լեռնային Ղարաբաղ անունով տարածք Ադրբեջանում գոյություն չունի» Իլհամ Ալիևը Նախիջևանում մասնակցել է ռազմական աերոդրոմի «բացմանը» Արցախյան 44-օրյա պատերազմի թեմայով համապարփակ դասախոսությունների շարք՝ Գերմանիայի Հալլեի համալսարանի հայագիտական կենտրոնում Ռուսաստանի Դաշնությունը մի շարք ոլորտներում «աշխատող ձեռքերի» պակաս ունի Դուք մեր դեմ ավելի շատ եք պայքարում, քան ալիեւների Հիմա մեր երեսով են տալիս Օսիպյանին, էլի մարդկանց կարող են երեսով տալ. Փաշինյանի ամփոփիչ ելույթը Կա՛մ մենք կհաղթենք մահաբեր «նիկոլավիրուսին», կա՛մ վիրուսը վերջնականապես կկործանի մեզ․ հայրենիք հանձնած վիժվածքի հետ ապագա չկա․ Միքայել Մինասյան. video Ափսոսում են գործընկերների համար Մանե Գևորգյանն իր համանման վարքագծով կոպտորեն խախտել է մասնագիտական էթիկայի բոլոր կանոնները
Ամենաընթերցվածները
Շուտով
Մայիսի 11-ին, ժամը 11:00-ին Հայելի ակումբի հյուրն է փաստաբան Տիգրան Աթանեսյանը: Թեմա՝ Վարչապետի պաշտոնակատար Նիկոլ Փաշինյանի ելույթը ԱԺ հատուկ նիստում, մեսիջներ, խորհրդարանի լուծարումը, հետագա անելիքները Մայիսի 11-ին, ժամը 12:00-ին Հայելի ակումբի հյուրն է ռեժիսոր, մուլտիպլիկատոր Դավիթ Սահակյանցը: Թեմա՝ Վարչապետի պաշտոնակատար Նիկոլ Փաշինյանի ելույթը ԱԺ հատուկ նիստում, մեսիջներ, խորհրդարանի լուծարումը, հետագա անելիքները Մայիսի 11-ին, ժամը 13:00-ին Հայելի ակումբի հյուրն է քաղաքագետ Սերգեյ Շաքարյանցը: Թեմա՝ Վարչապետի պաշտոնակատար Նիկոլ Փաշինյանի ելույթը ԱԺ հատուկ նիստում, մեսիջներ, խորհրդարանի լուծարումը, հետագա անելիքները Մայիսի 11-ին, ժամը 14:00-ին Հայելի ակումբի հյուրն է «Հայրենիք» կուսակցության խորհրդի անդամ Արա Սահակյանը: Թեմա՝ Վարչապետի պաշտոնակատար Նիկոլ Փաշինյանի ելույթը ԱԺ հատուկ նիստում, մեսիջներ, խորհրդարանի լուծարումը, հետագա անելիքները Մայիսի 11-ին, ժամը 15:00-ին Հայելի ակումբի հյուրն է հոգեբան Միհրդատ Մադաթյանը: Թեմա՝ Վարչապետի պաշտոնակատար Նիկոլ Փաշինյանի ելույթը ԱԺ հատուկ նիստում, մեսիջներ, խորհրդարանի լուծարումը, հետագա անելիքները Մայիսի 11-ին՝ ժամը 11:00-ին, «Հենարան» մամուլի ակումբում կհյուրընկալվի մեդիափորձագետ Հայկ Դերզյանը: ԹԵՄԱ՝ նախընտրական քարոզչության թեզերն ու դրանց հնարավոր հակադարձումները. Թուրքիայի հետ Հայաստանի թշնամության կառավարելի լինելու մասին Փաշինյանի հայտարարությունը. Ալիևը ռազմական օդանավակայան է բացել Նախիջևանում՝ Հայաստանի հետ սահմանին: Մայիսի 10-ին, ժամը 12:30-ին Հայելի ակումբի հյուրն է հասարակական-քաղաքական գործիչ, Հայաստանի դեմոկրատական կուսակցության նախագահ Արամ Գասպարի Սարգսյանը: Թեմա՝ մայիսի 9-ին ՀՀ երկրորդ նախագահ Ռ. Քոչարյանի ելույթը,Լևոն Տեր-Պետրոսյանի հայտարարությունները, «Հայաստան» դաշինքի հավաքը, սպասվող ընտրությունները, Նիկոլ Փաշինյանի հրաժարական Մայիսի 10-ին, ժամը 13:30-ին Հայելի ակումբի հյուրն է անկախ պատգամավոր Գևորգ Պետրոսյանը: Թեմա՝ մայիսի 9-ին ՀՀ երկրորդ նախագահ Ռ. Քոչարյանի ելույթը,Լևոն Տեր-Պետրոսյանի հայտարարությունները, «Հայաստան» դաշինքի հավաքը, սպասվող ընտրությունները, մայիսյան եռատոն Մայիսի 10-ին, ժամը 16:00-ին Հայելի ակումբի հյուրն է«Երկիր ծիրանի» կուսակցության նախագահ Զարուհի Փոստանջյանը: Թեմա՝ մայիսի 9-ին ՀՀ երկրորդ նախագահ Ռ. Քոչարյանի ելույթը,Լևոն Տեր-Պետրոսյանի հայտարարությունները, «Հայաստան» դաշինքի հավաքը, սպասվող ընտրությունները, մայիսյան եռատոն Մայիսի 10-ին, ժամը 14:30-ին Հայելի ակումբի հյուրն է ԲՀԿ պատգամավոր Նաիրա Զոհրաբյանը: Թեմա՝ Նիկոլ Փաշինյանի հրաժարական, սպասվող ընտրությունները, ինչ է արվում գերիներին վերադարձնելու գործով , ներքաղաքական կյանք
Հետևեք մեզ Facebook-ում https://www.facebook.com/hayeliclub