Որեւէ հեղաշրջում չկա, որովհետեւ ողջ ժողովրդի կամքն է, որ իշխանությունները փոխվեն. Սեյրան Օհանյան
«Երկրի կառավարման մեր հաջողություններ են ունենում, երբ քաղաքական էլիտաները փոխում են մեկը մյուսին եւ մեկը մյուսի դրականի վրա հենվելով, բացառելով եղած թերությունները: Նաեւ այս փոփոխություններն են բերում նրան, որ նույնիսկ նախկին ղեկավարությունը ձգտում է ժողովրդի մեջ բարձրացնել իր հեղինակությունը, եթե նախկինում թույլ են տվել որոշակի թերությունները, վերցնել այդ թերությունները: Այդպես էր մեր բոլորիս նպատակները, ընկալումները, որ նոր իշխանությունները նոր քայլեր կկատարեն, բայց տեսանք, որ այս 3 տրիների ընթացքում իրենք չեն տիրպետում կառավարմանը, ոչ էլ բարոյական հատկանիշների, որոնք կարող են ժողովրդին համախմբել ու տանել հաջողությունների»,- Բաղրամյան պողոտայում լրագրողների հետ զրույցում նշեց պաշտպանության նախկին նախարար Սեյրան Օհանյանը:
«Բանակը ժողովրդի հետ է, որեւէ հեղաշրջում չկա, որովհետեւ ողջ ժողովրդի կամքն է, որ իշխանությունները փոխվեն: Իհարկե, կան մարդիկ, որոնք աջակցում են այսօրվա իշխանություններին, կան մարդիկ, որոնք մոլորված են, չեն գիտակցում, նրանք էլ մեր հայրենակիցներն են: Պետք է աշխատանք տանենք այդ ուղղությամբ»,- անդրադառնալով ԶՈՒ Գլխավոր շտաբի հայտարարությանը, նշեց նա: