Քանի տոկոսով է Մակունցը դառնալու հակառակորդ երկրի դեմքը ու շահերը ներկայացնող Էմիլ Սուլեյմանովի հակակշիռը,որը բավականին լուրջ դիվանագետ է
Թե բա `կադրային քաղաքականություն։
Նկարում ԱՄՆ Հայաստանի գործող դեսպան Վարուժան Ներսիսյանն է(ձախ կողմում) եւ ԱՄՆ Ադրբեջանի գործող դեսպան Էլին Սուլեյմանովը(աջ կողմում):
Էլին Սուլեյմանովը ստացել է աշխարհագրության բակալավրի աստիճան Բաքվի պետական համալսարանում 1989 թվականին,
Քաղաքական աշխարհագրության մագիստրոսի աստիճան Ռուսաստանի Մոսկվայի պետական համալսարանում 1992 թվականին,
Պետական կառավարման մագիստրոսի աստիճան Օհայոյի Տոլեդոյի համալսարանում (ԱՄՆ)1994 թվականին,
Ստացել է Ֆլետչերի իրավունքի և դիվանագիտության դպրոցի մագիստրոսի աստիճան՝ շեշտը դնելով միջազգային անվտանգության և միջազգային հանրային իրավունքի ուսումնասիրության վրա:
Աշխատել է ՄԱԿ-ում եւ Պրահայի բաց հետազոտական ինստիտուտում։
Եղել Վաշինգտոնում Ադրբեջանի դեսպանության առաջին քարտուղար, Ադրբեջանի նախագահի աշխատակազմի արտաքին կապերի բաժնի ավագ խորհրդական:
2005 թվականի նոյեմբերի 14-ին նշանակվել Է Ադրբեջանի առաջին գլխավոր հյուպատոս Լոս Անջելեսում:
2011 թվականի հոկտեմբերի 26-ից` ԱՄՆ-ում Ադրբեջանի դեսպան(այսինքն գրեթե 10 տարի):
Սուլեյմանովը տիրապետում է ադրբեջաներեն, անգլերեն, ռուսերեն, թուրքերեն և չեխերեն լեզուներին։
Համակարգում է ԱՄՆ-ում ադրբեջանական լոբբինգի ցանցը`հիմնականում ղարաբաղյան հարցով`հիմնականում բավականին ճկուն։
Վարուժան Ներսիսյանի կրթությունը`
1991-1996թթ․ - ԵՊՀ պատմության ֆակուլտետի միջազգային հարաբերությունների բաժին, որակավորումը՝ միջազգայնագետ-պատմաբան։
1996-1998թթ․ - ՀՀ կառավարման ակադեմիա, որակավորումը՝ պետական ծառայող։
2007-2009թթ․ - Ֆլեթչերի դիվանագիտության և իրավունքի դպրոց,
Թաֆթսի համալսարան, Բոստոն, ԱՄՆ, կոչումը՝ միջազգային հարաբերությունների մագիստրոս
Վերապատրաստվել է դիվանագիտական ծառայողի դասընթացներ անցնելով Վիեննայում, Բրյուսելում,Ստոկհոլմում, Վաշինգտոնում ։
Աշխատել է ՀՀ ԱԳՆ-ի տարբեր օղակներում,ՀՀ ԱԺ-ում`արտաքին կապերի վարչությունում,ՀՀ Նախագահի աշխատակազմում,ԱՄՆ ՀՀ հյուպատոսարանում,եղել է նաեւ վարչապետ Փաշինյանի օգնականը
մինչեւ 2018 թվականի հոկտեմբեր ամիսը,ապա նշանակվել ԱՄՆ-ում ՀՀ արտակարգ եւ լիազոր դեսպան։
Հիմա հարցերը`
Ինչու է առաջացել անհրաժեշտություն հենց այս պահին փոխելու դիվանագիտական կրթություն ու փորձառություն ունեցող Ներսիսյանին Լիլիթ Մակունցով;
Քանի տոկոսով է Լիլիթ Մակունցը իրականացնելու Ներսիսյանի իրականացրած դիվանագիտական ֆունկցիաները։
Քանի տոկոսով է Մակունցը դառնալու հակառակորդ երկրի դեմքը ու շահերը ներկայացնող Էմիլ Սուլեյմանովի հակակշիռը,որը բավականին լուրջ դիվանագետ է ։
Քանի տոկոսով է Մակունցը կարողանալու ընկալվել տեղի հայ համայնքի կողմից,հաշվի առնելով այն հանգամանքը,որ նա անգամ ՀՀ քաղաքական դաշտում մեղմ ասած միանշանակ չի ընկալվում։
Ինչպես է անգամ մշակույթի նախարարի գործառույթները ուսերին կրել չկարողացած Լիլիթ Մակունցը ուսերին կրելու հայ-ամերիկյան հարաբերությունների,Մինսկի ֆորմատի անավարտ բանակցությունների եւ ԱՄՆ հսկայական հայ համայնքի համակարգման ծանրությունը։
Ու չասեք`ինչի եմ թշնամի երկրի կադրերի հետ համեմատում մեր կադրերին։
30 տարի չհամեմատեցինք ու թերագնահատեցինք,դրա համար էլ գերազանցելու փոխարեն ստացանք միայն ետնահանջ։
Եզրակացություն.
Ավելի ծանրակշիռ կադրի առաջարկելու փոխարեն քան գործող կադրն է այլ առաջարկներ առհասարակ չպիտի քննարկվեն։
Հարություն Մկրտչյանի էջից