Առաջարկ. ՀՀ իշխանությունների դեմ պայքարի նոր մեթոդներ գտնել
«Հայրենիքի փրկության շարժման վարչապետի թեկնածու Վազգեն Մանուկյանը մենակ է մնացել, իսկ 17 կուսակցություններից անկեղծ պայքար է մղում միայն մեկ կուսակցություն: Մնացածը գրեթե ոչինչ չեն անում, եւ տպավորություն է ստեղծվում, որ իրենք արդեն լուծել են իշխանությունից հետո պաշտոնների բաշխման խնդիրը: Անհրաժեշտ է ձեւաչափ գտնել, որպեսզի ընդդիմությունը կարողանա հանրությանն ուղղորդեն իշխանությունների դեմ պայքարում»,- այս մասին մշակույթի, գիտության եւ արվեստի գործիչների քննարկման ժամանակ ասաց իրավագետ, ոստիկանության գնդապետ Սայաթ Շիրինյանը:
Իր հերթին, ռեժիսոր Դավիթ Սահակյանը հայտնեց, որ կարեւոր է մարդկանց հասկացնել, որ 2 տարի առաջ պետական հեղաշրջում է տեղի ունեցել, իսկ Փաշինյանը նախագիծ է, որը հայտնվել է վճռական խաղացողների ձեռքում:
«Բոլոր բացասական գործընթացները, որոնք այսօր նկատվում են, կշարունակվեն, քանի դեռ իշխանությունը չի հեռացել: Մարդիկ այս կամ այն պատճառով դուրս չեն գալիս փողոց, եւ պետք է նոր միջոցներ գտնել երկարաժամկետ պայքարի համար»,-նշեց նա՝ առաջարկելով միանալ փաստաբաններին եւ պահանջել դատախազությունից իրավական գործընթաց սկսել: