Սանկցիա կիրառվեց Ռոբերտ Քոչարյանի և Յուրի Խաչատուրովի նկատմամբ
Ռոբերտ Քոչարյանի և մյուսների գործով դատական նիստի ժամանակ դատախազ Գևորգ Բաղդասարյանի խոսքի ժամանակ, թե ինքը հող հանձնողներին չի պաշտպանում Ռոբերտ Քոչարյանն ու Յուրի Խաչատուրովը նրան ասացին, թե «հող հանձնողներից մեկն էլ դու ես»:
Ընդմիջումից հետո դատավորն ասաց, որ լսել է նիստի արձանագրությունները և որոշել Խաչատուրովի և Քոչարյանի նկատամամբ սանկցիա կիրառել՝ նախազգուշացման տեսքով:
Հիշեցնենք, որ միջադեպ տեղի ունեցավ ՀՀ երկրորդ նախագահ Ռոբերտ Քոչարյանի գործով դատական նիստի ժամանակ:
Ինչպես ավելի վաղ հաղորդվել է, փաստաբանները միջնորդություն ներկայացրեցին դատախազների բացարկի մասին: Որպես հիմնավորում դատախազ Գեւորգ Բաղդասարյանի բացարկի համար՝ նշվել է անցած տարի մայիսի 8-ին նրա հայտարարությունը: Պարզաբանելով իր դիրքորոշումը՝ Բաղդասարյանն ասաց, որ մեծ հարգանքով է վերաբերվում Շուշին ազատագրողների հանդեպ, սակայն դա գործընթացի հետ կապ չունի:
«Շուշիի վիճակը կապ չունի գործընթացի հետ: Դա պարզ կլինի, երբ մենք հրապարակենք մեղադրական եզրակացությունը: Այնտեղ չկա հիշատակում Շուշիի մասին: Ես երբեք չեմ պաշտպանել հանձնողներին»,-ասաց Բաղդասարյանը:
Այդ ժամանակ արձագանք հնչեց, ակնհայտորեն, նախկին նախագահ Քոչարյանի կողմից: «Ե՞ս եմ հանձնել: Հարգելի դատավոր, ես պարզաբանում եմ պահանջում: Ո՞վ ասաց, որ ես եմ հանձնել: Խնդրում եմ պարզաբանել եւ փաստեր ներկայացնել»,-հայտարարեց դատախազը:
Առանց բարձրախոսի եւ քիչ լսելի արձագանքը կրկնվեց: «Պարո՛ն Քոչարյան»,-փորձեց սկանդալին վերջ դնել դատավորը:
«Դու հանձնողներից մեկն ես»,-արդեն բարձրաձայն կրկնեց նախկին նախագահը:
«Ի՞նչ է նշանակում հանձնողներից մեկն ես»,-ձայնը բարձրացրեց Բաղդասարյանը:
Դատավորը, ով եւս ձայնը բարձրացրեց, պահանջեց դադարեցնել լեզվակռիվը:
«Ի՞նչ է նշանակում՝ ես հանձնողներից մեկն եմ»,-բղավեց դատախազը:
Դատավորը լեզվակռիվը դադարեցնելու համար ընդմիջում հայտարարեց:
Հետևեք մեզ Viber-ում
