Լևոն Քոչարյանը՝ Ռոբերտ Քոչարյանի՝ 17–ին միանալու հնարավորության մասին (video)
Շենգավիթի առաջին ատյանի դատարանի բակում Քոչարյանի և մյուսների գործով դակատան նիստից առաջ լրագրողների հետ զրույցում ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը՝ անդրադառնալով ներքաղաքական ճգնաժամի հանգուցալուծմանը, ասաց, որ ընդդիմությունն առաջ է տանում իր օրակարգը՝ ժամանակավոր կառավարությունը, որ ըստ նրա՝ ճիշտ է։
«Այս դեպքում որոշողն իշխանությունն է և եթե ինքն ուզում է գնալ արտահերթ ընտրությունների, ուրեմն՝ վարչապետը պետք է հրաժարական տա, խորհրդարանը երկու անգամ վարչապետ պետք է չընտրվի, և իրենց ուզածը կլինի։ Այն, ինչ ընդդիմությունն է ուզում, իհարկե, կարող է լինել, բայց այդ բանալին իրենց ձեռքում չէ։ Եթե իշխանությունն այդպես է ուզում, կարող է հենց այսօր էլ սկսել այդ գործընթացը, ինչո՞ւ չի անում»,- պարզաբանեց նա:
Հնարավո՞ր է, որ Ռոբերտ Քոչարյանն էլ ներգրավվի 17 կուսակցությունների ընդդիմադիր պայքարին՝ հարցին, նա արձագանքեց. «Ես չեմ ուզում ոչինչ բացառել կամ հաստատել։ Ամեն դեպքում այսօր նման բան չկա»։