Հայրս ամեն ինչ փորձեց անել, բայց Արցախի նախագահը հարկ չհամարեց հանդիպել նրա հետ. Լևոն Քոչարյան (video)
ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը լրագրողների հետ զրույցում նշեց, որ այս պահին շատ բացեր կան, որը հնարավոր է ճիշտ բանակցությունների միջոցով ինչ-որ կետերով ի օգուտ Հայաստանի արդյունքներ ունենալ։
«Բայց այն, ինչ ունեցանք, սխալ դիվանագիտության արդյունք է, որը բազմիցս բարձրաձայնվում էր ու, ցավոք, մեր հասարակությունը մոլորված էր: Այս ամեն ինչից հետո մնալը ուղղակի աբսուրդի ժանրից է», - ասաց նա։
Հարցին՝ Ռոբերտ Քոչարյանը կվերադառնա՞ քաղաքականություն, նա ասաց, թե իր հայրը վաղուց է քաղաքականության մեջ։
«Հետագա գործողությունների հետ կապված դեռ առիթ կլինի խոսելու ու ժամանակ կլինի ներկայացնելու, թե ինչ ձևով է լինելու», - նշեց Քոչարյանը։
Քոչարյանի որդին նշեց, որ Արցախում իր հայրն ամեն ինչ փորձել է անել. «Նույնիսկ ասում էր՝ «գիտեք, էս ինչ բանը գնացեք ասեք, բայց մի ասեք ես եմ ասել, մենակ թե ասեք...», բայց Արցախի նախագահը հարկ չհամարեց հանդիպել, քննարկել»։