«Հարսանքար» ռեստորանի մոտ բախվել են BMW-ն ու Subaru-ն

Այսօր, հունվարի 16-ին, ճանապարհի մերկասառույցի պատճառով ավտովթար է տեղի ունեցել Գեղարքունիքի մարզում։ Ժամը 11։25-ի սահմաններում Երևան-Սևան-Իջևան ավտոճանապարհի 65 կմ հատվածում, «Հարսնաքար» ռեստորանային համալիրի մոտ բախվել են Երևանի բնակիչներ՝ Կարեն Մարգարյանի վարած BMW մակնիշի 13 MA 666 համարանիշի և Ս․ Սուքիասյանի վարած Subaru մակնիշի 11 DD 141 համարանիշի ավտոմեքենաները։ Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով, բարեբախտաբար, տուժածներ չկան։ Դեպքի վայր են ժամանել Ճանապարհային ոստիկանության 2-րդ սպայական գումարտակի 4-րդ վաշտի 1-ին դասակի ծառայողները՝ վաշտի հրամանատար Էդգար Սուսլիյանի, դասակի հրամանատար Վաչագան Ոսկանյանի գլխավորությամբ։ Տեղում հետաքննչական աշխատանքները ղեկավարում է նույն վաշտի ավագ հետաքննիչ Բակուր Սարիբեկյանը, ում կողմից փաստի առթիվ նյութեր են նախապատրաստվում։ Ժամանել են նաև Ոստկանության Սևանի բաժնի օպերատիվ խումբը՝ բաժնի պետ Սուրեն Ջանիկյանի գլխավորությամբ։ Դեպքի վայրում հավաքվածներն ասում էին, որ վթարի պատճառը ճանապարհի մերակասառույցն է եղել, և միայն վթարից հետո են ճանապարհը սպասարկող Ճանշինի աշխատակիցները ժամանել և կատարել ճանապարհին աղ ու ավազ լցնելու աշխատանքներ։