2020-ի սեպտեմբերին Հայաստանի պատմության մեջ ամենաբարձր ցուցանիշը գրանցվել է բնակչության զբաղվածության ոլորտում. ՊԵԿ
2020 թվականի սեպտեմբերին Հայաստանի պատմության մեջ ամենաբարձր ցուցանիշը գրանցվել է բնակչության զբաղվածության գծով: Այդ մասին հունվարի 15-ին հայտարարել է Հայաստանի Պետական եկամուտների կոմիտեի նախագահ Էդվարդ Հովհաննիսյանը՝ ներկայացնելով 2020 թվականին հարկային եւ մաքսային ոլորտներում կատարված աշխատանքը, ինչպես նաեւ ընթացիկ տարվա ընթացքում սպասվող միջոցառումները:
Այսպես, աշխատատեղերի թիվը, նրա խոսքով, հասել է 635 հազարի:
«Անցած տարվա նոյեմբերին այդ ցուցանիշը փոքր-ինչ նվազել է՝ հասնելով 615 հազարի, իսկ դեկտեմբերի տվյալները դեռեւս ներկայացված չեն»,-նշել է ՊԵԿ նախագահը: